Alltaf best að reyna að semja sig frá þessu og reyna að fá lækkun

Þetta er ekki gott mál og ég sem eldriborgari í félaginu er ekki ýkja kátur ef að þessum vanáætlaða kostnaði sé velt yfir á félagið og annaðhvort félagsgjöld hækkuð og byrðinni dreift á félagsmenn. Félagið er jú ekkert annað en félagsmennirnir. Eða félagið fer í þrot og bankinn sem er með veð í fasteigninni hirðir hana og fólk eyðir peningum í málaferli og svekkelsi.

Þeir sem eru með löggiltan kaupsamning án fyrirvara um þessar hækkanir og grandalausir eiga bara að láta sýslumann opna íbúðirnar og fá lykla afhenta. Það er náttúrlega hart að þurfa að standa í streði á síðustu metunum ævinnar. En stundum þarf að láta hart mæta hörðu og ná einhverri sóknarstöðu til að semja. Fá einhverja viðunandi lækkun á þessari viðbót og kúlulán á afganginn.

Láta svo endurskoða allt bókhald til að sjá hvar hlutitnir fóru að hallast og ef einhvað er óðelilegt við þessa hækkun á það að koma skýrt fram, við endurskoðun. Þetta gengur ekki.

Það er ekki hægt aðláta verktaka klifra upp á bakið á gömlu fólki og segja hott, hott.

Íhuga hópmálsókn gegn FEB

Athugasemdir

[Guðmundur Ásgeirsson, 3.8.2019 kl. 14:11]

Þeir sem hafa gert kaupsamninga um þessar íbúðir hljóta að eiga rétt á því að greiða umsamið kaupverð og fá lyklana afhenta. Fréttir af þessu máli hafa verið mjög skrýtnar því þar hefur verið látið eins og hægt sé að hækka kaupverð einhliða, án þess neitt hafi verið útskýrt hvernig á því standi, en slíkt er ekki heimilt ef enginn áskilnaður er um verðbreytingar í samningi.

[Sigurður I B Guðmundsson, 3.8.2019 kl. 23:28]

Ef allt væri eðlilegt ætti öll stjórnin að segja af sér.

[Guðmundur Ásgeirsson, 4.8.2019 kl. 00:13]

Já og óska gjaldþrotaskipta á félaginu.

Ekkert mál að stofna svo nýtt félag eldri borgara.