Þorsteinn H. Gunnarsson

Hvað segja fræðin?

Það er nú oft sem almenningur hefur áhuga á því hvað forustufólki innan kirkjunnar hefur að segja almenningi svona til almennrar upplýsingar og leiðsagnar.

1. atriðið sem ég velti fyrir mér er hvað fræðin segja um málið sem hér er borið fram til umræðu, en ég er ekki bíflíufróður.

2. atriðð er hvað Kristur hefði gert eða sagt? En hann er allur á bak og burt og lítið hægt að ná í hann enda utan þjónustusvæðis og ekki á facebokk. Staðreyndin er að fræðin hafa ekki tekið mikil stökk eða getan hjá prestum eða guðfræðilærðum.

Ég var t.d. viðstaddur minningarathöfn um látinn bónda sem átti gott fé. Loftlaust var í kirkjunni eins og títt er og lítið gert í því að bæta úr því. Árið 1953 var þetta eins en þá leið yfir bróður minn við fermingu og seig hann bara útaf, en reis upp af sjálfsdáðum.

En nú fór í verra þarna leið útaf eldri maður sem hafði gengt tignarstöðu í samfélaginu og kom mikið fát og írafár á fólk og auðvitað var hringt í 112. Biskup hefði ef til vill átt að hringja í 112 og spyrja . Nú,nú auðvitða hagræddu menn manninum og læknir var á staðnum og athöfnin var stöðvuð í miðju lagi. Seinna mætti prestur í pontuna sem var gegnsæ eins og móðins er og sagði,, hann andar" og léttu fólki mjög. Ég fór svo að gaspra við prestinn á eftir um hvort honum hefði ekki þótt gráupplagt að reyna sig og segja við við manninn ,, stattu upp og gakk ja, það hefði auðvitað verið upplagt og spennandi, en of mikil áhætta" eða eitthvað svoleiðis sagði presturinn.

Ætli biskup sé ekki líkt farið og prestinum, of mikil áhætta að styggja hið veraldlega vald sem situr á öllum peningum sem þarf til framfærslu. Og ég veit ekki. Auðvtað þarf að afhjúpa sannleikan í þessu máli með forsætisráðherra alveg sama hvort einhverju tölvugögnum sé nappað. Menn eru bara svo kjarklausir nú til dags og kjörin kröpp að ekkert má útaf bera og löggan kominn með byssur og nærri því bannað að tala og skrifa

Ég held að Kristur hefði ekki verið banginn í þessu máli. Það er mitt mat, en eins og áður segir er ég ekki biflíufróður. Það væri hægt að bera þetta mál undir prófessora við Guðfræðideildina og fá álit, eins og gert er í hagfræðinni þegar bændur eiga í hlut og þurfa sí og æ að vera með sín mál gegnsæ og upp á borðum.