Þorsteinn H. Gunnarsson

Stökkbreytt fjármagn, stökkbreytt gen, sæðistaka

Í erfðafræðinni er rætt um stökkbreytingar sem geta orðið á erfðum og breytingar á genum sem ákvarða hæfileika og útlit manna og dýra.

Svo var farið að tala um stökkbreytt lán og var þá aðallega verið að ræða að verðtrygging sem hafði áhrif vegna umfram verðbólgu sem svo var kölluð og hafði áhrif á skuldir til hækkunar.

Var það eitt af miklum áherslum og hugsjónum Sigmundar Davíðs að leiðrétta þetta að vissu marki og innan ákveðins ramma og var það alveg gott málefni og fullþörf og gild aðferð að framkvæma þetta, þó hún hafi verið með ýmsum hætti gangnrýnd, bæði fjármagnið sem notað var til leiðréttingarinnar hvaðan það var fengið og brestur á því hvaðan það var ekki fengið samkvæmt loforði(hræggammafjármagnið) o.s.frv.

Ef einhver tekur að láni pening er væntanlega einhver sem á peninginn sem er lánaður og fær hann þá af því fjármagni innlánsvexti og verðbætur samkvæmt því kerfi sem í gildi er lögum samkvæmt.

Sérfræðingur í peningamálum í mínum banka upplýsti mig um það að inneignir á innlánum hefðu stökkbreyst alveg eins og skuldir.

En þetta var ekki leiðrétt eftir því sem mér skilst. Þá spyr maður sig af hverju var þetta ekki leiðrétt milli þeirra sem tóku lán sem stökkbreyttust og urðu fyrna há á einu augabragði og inneigna sem stökkbreyttust og urðu fyrna digrir sjóðir sem fjármagnseigendur sátu uppi með? Þarna hefði verið eðlilegt að hafa fjárrennsli, eins og þegar fjársafn er rekið úr nátthaga og inn í almenning og hver drekur sitt fé. Um þetta hefur ekkert verið fjallað, end málið viðkvæmt.

Ég veit t.d um málsatvik þar sem námsmenn sem hafa selt sína fasteign og greitt upp sínar skuldir og fengu úthlutað leiðréttingu álitlegri upphæð en gátu ekki fengið hana afhenta, þar sem þeir höfðu ekki skuldahöfuðstól til að vísa á og greiða inn á og voru ekki í skattasmbandi við gamla Ísland og fengu því ekki leiðréttingunan inn á skattinn og urðu því væntanlega af fjármagninu, sem fellur þá væntanleg til ríkisins aftur og engin veit hvað verður um.

Það er margt vafasamt sem hefur átt sér stað í sambandi við þessa svokölluðu leiðréttingu sem er órætt og ekki allt mjög sanngjarnt.

T.d leiðréttingu af háum skuldum sem voru ef til vill notað til að eignast eignir sem voru umfram venjulegt húsnæði meðal fjölskyldu.

Það eru spennandi tímar framundan hjá Framsókn að útskýra þessi mál og vonandi að þeir verði ekki fyrir útfjólubláum geislum og stökkbreytist til hins verra og því vissara, ef til vill að djúpfrysta úr þeim sæði til að hafa möguleika á orginalanum.