Vaktskipti við fjárleitir á hamfarasvæðunum.

Það liggur fyrir að það þurfa að vera stöðugar fjáleitir næsta hálfan mánuðin á þeim svæðum þar sem óveðrið gekk yfir. Víða eru svæði leitótt og fjárvon því sauðfé getur lifað nokkuð lengi undir fönn. Síðan ef það losnar undan fönnini getur það verið að rangla ein og ein kind þannig að þar er fjárvon á ólíklegustu stöðum.

Það þarf að fá aðstoð skotveiðimanna, því einboðið er að tófan fer á stað og verður stöðugt á ferðinni að leita sér ætis. Skotveiðimenn sækja í ævintýrir og því skyldu þeir ekki vera til í að fara á tófuveiðar.

Hrafninn kemur að gagni við leit því hann er naskur á það hvar kindur leynast og fer því miður oft að kroppa.

Þá þarf að hirða, skrá og flytja dautt fé og koma því í förgun. Þar þarf Bjargráðasjóður að koma að málum.

Þetta er viðamikið verkefni sem er framundan og þarf að skipuleggja það af þar til bærum stjórnvöldum og stofnunum.

Haustið fer í þetta og vonandi finnst sem flest fé á lífi. Bændur duga oft þegar á reynir.

Gæta þarf þess að flýta sér ekki um of að slátra dilkum því hætt er við að fé sem lendir í slarki geti verið marið og flokkist illa.

Umfangsminni leit á morgun