Gamlir hundar á túnrollurnar

Ásmundur Einar Daðason er svo lítið eins og sauðkindin. Hún fer þangað þar sem hún heldur að hagar séu betri og oft í túnið hjá öðrum og þá endar það með því að hundarnir eru settir á rollurnar.

Nú er komin túngirðing þvert í gegn um túnið hjá Framsóknarflokknum. Öðru megin stendur gamla bændaveldi með nýjan flokkaflakkara.

Í einu horninu hins helmning túnsins er að rísa nýbýli og er frumbýgingurinn Guðmundur Steingrímsson fv. forsætisráðherra Hermannssson fv. forsætisráðherra Jónassonar.

Framsókanrflokkurirn er þver klofinn eftir innkomu Ásmundar Einars Daðasonar í Framsóknarflokkinn. Það voru mistök hjá Framsókanrmönnum að taka við honum.

Það eru ekki alltaf pólitískarkynbætur að taka fagnandi þingmönnum úr öðrum flokkum. 

En Framsóknarmenn sitja upp með þessa döpru niðurstöðu.

„Gamlir hundar sem engar breytingar vilja“

Athugasemdir

[Anna Sigríður Guðmundsdóttir, 30.12.2011 kl. 01:21]

Þorsteinn. Þessi ríkisstjórn vill komast í túnið hjá ESB til að sjá hvað er hægt að nota frá öðrum í eiginhagsmunaskyni. Eitt aðal-áhugamál Guðmundar Steingrímssonar, eftir því sem hann segir sjálfur, er að komast í tún ESB til að éta frá þeim. Þetta áhugamál Guðmundar hlýtur að vera það sem kallað er hugsjón og heilindi af vönduðustu gerð? Eða hvað?

Ekki myndi ég kjósa svona hugsjónafólk, eins og Guðmund og hans skoðanasystkini. En þú munt greinilega kunna að meta svona afætu-hugsjón heyrist mér.

Ísland er náttúruauðlinda-auðugasta land þessarar jarðar, og þú vilt senda landann á beit hjá fátækum ESB-þjóðum, og sleppa því að veiða fiskinn í fjöruborðinu. Finnst þér það eðlilegt?

M.b.kv.

[Helga Kristjánsdóttir, 30.12.2011 kl. 02:26]

Aldeilis gott svar Anna Sigríður,tek undir hvert orð. Sú allra daprasta niðurstaða er,að hér skuli fólk berjast hatrammlega í að afhenda fjöregg þjóðarinnar til hnignandi félagsskapar. Menn eins og Guðmundur,sem launa með illu ofeldið.

[Þorsteinn H. Gunnarsson, 30.12.2011 kl. 07:03]

Þið segið það. Það er leitt að vita að færslan hafi valdið ykkur andvöku.

Einungis var verið að gera sér grein fyrir hver áhrif innganga Ásmundar Einars hefði haft í Framsóknarflokknum.

[Landfari, 30.12.2011 kl. 11:26]

Afleiðng inngöngu Ásmundar í Framsókn var sú að Guðmundur fór því hann sá sæng sína utbreidda. Hann myndi kolfalla fyrir Ásmundi (voru í sama kjördæmi og ekki líklegt að framsókn næði 2 þingmönnum þar).

Guðmundur hefur flakkað milli flokka til að reyna að halda sínu þingsæti og stefnir nú á gott embætti í Brussel að því er virðist.

[Anna Sigríður Guðmundsdóttir, 30.12.2011 kl. 22:46]

Ég vil ekki gera Guðmundi upp nein slæm áform, því það er ósanngjarnt, en það er greinilegt að hann er drengur með styrkleika á allt öðrum sviðum en í ruglaðri íslenskri pólitík.

Ég vona hans vegna, að hann finni út að hans styrkleikar eru langt frá því að berjast í íslenskri rugl-pólitík.

Ég vil þessum ágæta dreng, Guðmundi Steingrímssyni, bara það besta fyrir hann sjálfan. Hann má ekki láta nota sig svona.

Ég bar mikla virðingu fyrir pabba hans, Steingrími Hermannsyni, og hann getur verið stoltur af pabba sínum.

M.b.kv.

[Þorsteinn H. Gunnarsson, 30.12.2011 kl. 22:53]

Anna, heldur þú að stjórnmál séu ekki eitthvað í genunum hjá Guðmundi?

Hver heldur þú að sé að nota Guðmund?

Er ekki mansbragur á því að stofna nýbýli í túnfætinum hjá Framsókn.