Ákærðir menn í biðröðum við Alþingi

Hætt er við að fleiri ákærðir einstaklingar leiti ásjár Alþingis um að ákærur á hendur þeim verði felldar niður.

Líklegt er að fólk leiti eftir því að lögum verði breytt og þau verði ekki svona ströng  og fólk losni við áður útgefnar ákærur, ef það lofar því að haga sér skikkanlega.

Einhverskonar ívilnanir.

Þá yrðu fangelsi líka óþörf og það mundi spara peninga.

Allavega að þingmenn tali við dómarana.

Skilaboð Alþingis verða að vera mjög skýr í þessu máli.

Þetta mál er fordæmisgefandi.

Það verað biðraðir.

Tillaga Bjarna líklega ekki rædd í dag

Athugasemdir

[Gunnar Heiðarsson, 17.12.2011 kl. 08:43]

Þú ert að rugla saman ólíkum hlutum hér, Þorsteinn.

Það er ekki verið að ræða um að Alþingi hlutist til að draga til baka eitthvert mál frá ákæruvaldinu, það er verið að ræða hvort Alþingi dragi til baka mál frá Landsdóm, mál sem Alþingi lagði fram til ákæru.

Þetta er sambærilegt við það að ef ég kæri einhvern og saksóknari telur að að málið sé dómtækt og fera að vinna að ákæru, þá get ég hvenær sem er dregið mína ákæru til baka. Meðan málið er ekki dómtekið er það á valdi þess sem kærir hvort haldið er áfram með málið.

Hins vegar getur saksóknari síðan ákært á eigin forsemndu, ef hann telur að brot hafi orðið sem leiðir sakdæmingar. Þá er málið ekki lengur í mínum höndum eða mínu nafni.

Um Landsdóm gilda önnur lög. Hann getur einungis tekið að sér mál sem Alþingi vísar til hans. Alþingi getur að sjálfsögðu dregið málið til baka hvenær sem er, en saksóknari Alþingis getur hins vegar ekki haldið áfram með málið á eigin forsemndum. Það gæti ríkissaksóknari hins vegar gert ef hann telur málið þess eðlis.

Þú ert því að rugla saman því að Alþingi sé að hlutast til um mál fyrir almennum dómstólum og máli sem Alþingi sjálft stendur að baki fyrir Landsdómi. Þetta eru tveir aðskildir þættir og ekki hægt að blanda þeim saman.

Því eru engar foremndur fyrir því að Alþingi geti hlutast til um mál fyrir almennum dómstólum, þó það dragi til baka ákæru fyrir Landsdómi.

[Þorsteinn H. Gunnarsson, 17.12.2011 kl. 11:12]

Takk fyrir innlitið Gunnar. Kv, ÞHG