Þegar sá nýfæddi gleymdist

 

Þegar sonurinn gleymdist:

Eitt sinn, í júnílok var ég að flytja fé á fjall. Þá var nýfæddur sonur á heimilinu, f. 16. júní. Móðir hans vildi fá að koma með og var barnið dúðað í galla og alles.

Síðan lagði hersingin af stað. Massey Ferguson 165 með stóran vagn með 50 tvílembur, MF 135 með stóra kerru með lömbum í og svo Landrover með kerru og allt fólkið.

Þetta voru ævintýraferðir. Nú, nú, þegar við eru kominn fram í Dal þá uppgötvast að sonurinn er ekki með í för. Varð nú mikið fum og fát og ekið í snarhasti til baka.

Þegar inn í bæin var komið svaf stráksi vært, innpakkaður á hjónarúminu, tilbúin í fjallferðir, hálfsmánaðar gamall, steinsofandi.

Gleymdu barni á gangstétt

Athugasemdir

[Kristján H Theódórsson, 19.8.2011 kl. 09:12]

Ja hérna Þorsteinn! Nú máttu búast við að barnavernd banki uppá, Bragi og félagar.  Ætli svona fyrnist nokkuð? 

  Henti reyndar okkur hjónin að uppgötva einu sinni í miðri messu að eitt af börnunum hafði gleymst heima, sú var reyndar orðin það stálpuð að hafa vit til þess að gera í því að gleymast, því hana langaði ekki í messuna! Önnur afsökun, að börnin voru nokkuð mörg !

[Þorsteinn H. Gunnarsson, 19.8.2011 kl. 18:38]

Börn voru nú bara lögð á milli þúfna hér í gamladaga á engjum.

Kv, gamli félagi ÞHG