Bobby Fischer Boris Spassky

Það er að mörgu leiti hægt að vera sammála yfirlýsingu Skáksambands Íslands varðandi þetta málefni. Ekki er hægt að áfellast einstakling að vilja gera sér lausafé úr eigum sínum.

Ekki liggur fyrir hvort munirnir hafi verið boðnir til kaups innanlands og vissulega gátu innlendir aðilar boðið í þessa muni eins og aðrir.

Nú látum okkur sjá; það er einn kostur á þessari sölu og stöðu sem ég sé.  Það er komin ákveðin verðmæling á þetta einvígi sem virðist koma flatt upp á menn.

Það er verðmæling sem er leiðbeinandi í sögulegu samhengi hvers virði einvígið er. Það getur komið að notum í ferðaþjónustu.

Nú liggur það fyrir að heimsmeistarinn í skák 1972 Bobby Fischer var íslenskur ríkisborgar þegar hann andaðist og var jarðsettur að Laugardælum fyrir austan fjall frá Reykjavík séð. Tilurða að ríkisborgararétti hans var litrík og djörf fyrir smáþjóð að glíma við.

Er nú ekki kominn tími til að gera eitthvað í því að halda í þessa minningu og hefja einhver merki á loft. 

Meðfylgjandi mynd er af legstað Kúbumannsins Jose Raul Capablanca heimsmeistara í skák 1921-1927 tekin á Kúbu 2005, en þar búa fátækir menn.

Harmar sölu skákmuna úr einvíginu mikla

Athugasemdir

[Svanur Gísli Þorkelsson, 4.4.2011 kl. 23:29]

Sá sem keypti þetta skákborð og taflmennina fékk þá á gjafverði. Borðið tengist merkilegustu skákinni í merkilegasta skákeinvígi sem fram hefur farið. Ef uppboðssjoppan hefði auglýst þetta betur, hefði borðið farið á miklu meira. Ég yrði ekki hissa ef það færi aftur á uppboð innan skamms. - Ég efast um að stóra borðið sem hinar skákirnar allar voru tefldar við, sé eins verðmætt.

Spurningin er hvað varð um marmarareitina sem settir vor fyrst í það borðið og Fisher hafnaði?

[Eggert Guðmundsson, 5.4.2011 kl. 01:47]

Kunningi minn keypti Bölluna sem Spassky keyrði á meðan einvígið stóð yfir. Honum fannst ekki mikið til þess koma, enda var hann allur í skralliþ Blá  Bjalla.