Birta skal heildar atkvæðatölu hvers frambjóðanda

Landskjörstjórn er rétt og skylt að birta heildar atkvæðatölu hvers frambjóðanda til stjórnlagaþings.

Þetta er nauðsynlegt vegna þess að frambjóðendur eru búnir að leggja mikið á sig bæði í tíma og fjármunum og eiga því sanngjarna kröfu á því að fá heildaratkvæðatölu sem þeir hlutu í kosningunum, birta.

Það er nauðsynlegt í þágu rannsókna og í sögulegu samhengin til að hafa upplýsingar um þetta og hugsanlega draga lærdóm af þessum kosningum.

Önnur tilhögun væri ósanngjörn gagnvart frambjóðendunum eftir það erfið sem þeir hafa á sig lagt í þágu þjóðarinnar.

Það eru ákveðin verðmæti fólgin í því fyrir frambjóðendur að hafa atkvæðatölurnar upp á borðinu.

Má þar nefna t.d. þeir sem hyggja á áframhaldandi þátttöku í félags og stjórnmálum fyrir lýðveldið.

Talningu lýkur ekki í dag

Athugasemdir

[Sindri Karl Sigurðsson, 29.11.2010 kl. 18:52]

Og ekki sé talað um hvort viðkomandi fær að fara á þing af því að hann er með typpi en 40% af þeim sem eiga að vera í þinginu á að vera án þess.

[Þorsteinn H. Gunnarsson, 29.11.2010 kl. 20:10]

Ákvæði um kynjahlutfallið í stjórnlagaþingskosningunum er svohljóðandi:

Hafi frambjóðendur af öðru kyninu fengið úthlutað færri en tíu sætum eða sem nemur tveimur fimmtu allra þingsæta skal úthluta sætum til þeirra frambjóðenda sem næstir eru í röðinni af því kyni, sé þá að finna, þangað til hlutfall þeirra nemur að minnsta kosti tveimur fimmtu allra fulltrúa. Heildartala þingfulltrúa skal þó aldrei vera hærri en 31. Þetta skal gert með því að horfa til atkvæðatalna frambjóðenda þess kynsins sem hallar á eins og þær voru næst á undan því að útilokunarákvæði 7. tölul. 1. mgr. var beitt hvað þá snertir. Sætum skal úthlutað til þeirra sem höfðu þessar atkvæðatölur hæstar.]¹⁾

[Sindri Karl Sigurðsson, 29.11.2010 kl. 20:26]

Sem sagt ef engin kona er á meðal þessara 31, sem klárlega eru kjörnir í kosningunni þá hvað? Skulu þeir víkja og hleypa hinu kyninu að þar til kynjahlutfallið er "rétt". Mitt atkvæði sem fór til að koma Jóni í 31. sætið er ómerkt. Klárt stjórnarskrárbrot ekki satt? Þess vegna er ég alveg sammála því að það á að birta hverja einustu tölu á bakvið hvern fulltrúa.

[Þorsteinn H. Gunnarsson, 29.11.2010 kl. 20:41]

Fyrstu 25 halda sætum sínum. Eftir það á sér stað leiðrétting og bætt við 6 þingsætum á það kynið sem á hallar. Þannig skil ég ákvæðið.

Nú er að koma í ljós 10.000 atkvæði eru vafaatkvæði.

Það er áfall fyrir Alþingi. Sérstaklega vegna þess að hér er um handvömm að ræða í lagasetningu.

Ef atkvæðaseðilinn hefði verið þannig útbúinn að fyrst væri kassi sem krossað væri í síðan nafn frambjóðandans og síðan reitur fyrir fjórar tölur þá væri ekki þessi vandræði með talninguna. Því hægt væri að leiðrétta vafatölu út á nafnið.

En þá hefði atkvæðaseðillinn verið 21 blaðsíða.

[Sindri Karl Sigurðsson, 29.11.2010 kl. 23:01]

Sami skilningur á mínum bæ en ég er ekki viss um að skilningur Alþingis á kosningum og út á hvað þær ganga sé sá sami.

Í minni einfeldni hélt ég að öll atkvæði hefðu sama vægi, teldust sem eitt atkvæði til handa ákveðnum einstaklingi, þar sem þetta eru jú persónukosningar.

Ef rétt er að einn Alþingismaður hafi ekki kosið með þessum lögum á meðan hinir gerðu það, þá er margt bogið og brotið.

[Guðmundur Ásgeirsson, 30.11.2010 kl. 03:21]

Sindri: Ef þú ert í einhverjum vafa um hvernig úthlutun sæta á stjórnlagaþingi fer fram þá hvet ég þig til að lesa einfaldlega lögin um stjórnlagaþing, þetta er allt saman útskýrt þar. Ef maður er ósáttur við eitthvað í þjóðfélaginu er um að gera að kynna sér reglurnar sem gilda og bera þær svo saman við framkvæmdina og athuga hvar hundurinn liggur grafinn.

[Sindri Karl Sigurðsson, 30.11.2010 kl. 13:12]

Guðmundur: Ef það sitja ekki allir að sama borði við persónukjör þá er það varla persónukjör er það?

Það er ekkert eðlilegt við reglu sem segir að atkvæðahlutfall hætti að gilda þegar það þarf að koma hinu kyninu að.

Það er ekki hægt að bera þetta saman við hefðbundnar kosningar þar sem atkvæðavægið er breytilegt og lýtur ákveðnum reglum. Þar hafa flokkunum ekki einu sinni dottið í hug að mismuna kynjunum, enda eins víst að kæra myndi fylgja í kjölfarið. Hvað flokkarnir gera í sínum prófkjörum er allt annað mál.