Dómar og draugagangur

Það þorir ekki nokkur lögmaður að fara þarna inn fyrir dyr, alveg sama þó hann væri með pottþéttan dóm í höndunum slíkur er draugagangurinn, væntanlega.

Nú þurfa íslensk fyrirtæki að breyta um nafn og nefna þau einhverjum hryllilegum nöfnum þannig að lögmenn verði sturlaðir af hræðslu ef þeir nálgast staðina.

Gott ráð er að vera með úttroðinn samfesting hengdan einhversstaðar innan dyra sem líkist hengdum manni. Menn verða voða hræddir við svoleiðis og menn tap sér strax í myrkfælni. Hvítar vofur geta verið vænlegar með smá reyk.

Einnig er sterkur leikur að vera með dularfull ljós og ámátleg vein í anddyrinu. Þá hlaupa menn á brott í skyndi lafhræddir.

Með þessu má snúa á lögmannastéttina þannig að hún þorir sig hvergi að hreyfa bara af nafngiftinni einni saman.

Nábítar, böðlar & illir andar halda járnabeygjuvélinni

Athugasemdir

[Guðmundur Ásgeirsson, 15.11.2010 kl. 22:49]

Fyrst þegar ég las þetta hélt ég að Lýsing, Avant og SP-fjármögnun hefðu höfðað málið sameiginlega og unnið.

Við nánari athugun kom í ljós að þetta er nafnið á fyrirtækinu sem hafði keypt vélina.

[Sigurður Ingólfsson, 16.11.2010 kl. 14:59]

Lifi íslenskur húmor sem lengst !

[Guðmundur Ásgeirsson, 18.11.2010 kl. 00:24]

Athugið líka hvernig nafnið á fyrirtækinu skammstafast:

Nábítar, Böðlar og Illir andar ehf. = NBI ehf.

Já, íslenskt skopskyn lengi lifi !