Þrautseigja og heiðarleiki

Það er þrautseigja og heiðarleiki sem skipta máli. Þessi ríkistjórn kemur náttúrlega ekki til með að hafa áhrif á vænleika dilka eða fiskigengd, en hún mun þoka málefnum þjóðarinnar áfram.

Sjálfstæðismenn verða væntanlega uppteknir við það lengi að rannsaka hvað fór úrskeiðis hjá þeim  sem leiddi til þeirra hörmulegu atburða sem Íslendingar standa frami fyrir í sambandi við hrunið.

Ef þeir komast til valda mundi það væntanlega verða þeirra fyrsta verk að skera niður framlög til ákæruvaldsins og dómstóla til grafa og fyrna málatilbúnað vegna rannsóknar á ábyrgðaraðilum hrunsins.

Framsóknarmenn hafa svo sem reynt að vera fyrirhyggjusamir og komið upp öflugu mötuneyti upp í Orkuveitu og vonandi kemur það alþýðumanna til góða þegar fer að sverfa að.

Framsóknarmenn hafa að vísu orðið að gjalda fyrir þetta með því missa mikið fylgi á Reykjavíkursvæðinu og haf nú um stundir engan borgarfulltrúa í borgarstjórn Reykjavíkur.

Hreyfingin hefur tekið að sér afgerandi forustuhlutverk í stjórnarandstöðu og leiðir hana og því fylgir vitaskuld ábyrgð. 

Þráinn Bertelsson hefur ekki haldið nein leiðarþing enn og er óskoraður leiðtogi hjá sjálfum sér.

Samvinnuþýður í öllum málum