79 þús íbúar áhrifalausir í Reykjavík

Það er er áhyggjuefni þegar þetta ágæta fólk heldur að það sé að fara taka þátt í kosningum en svo er allt í plati og fáir komast að til að stjórna.

Samkvæmt sveitarstjórnarlögum gilda eftirfarandi reglur um fjölda sveitarstjórnarmann í sveitarstjórnum miðað við íbúafjölda, lög nr. 45 1998:

12. gr. Fjöldi fulltrúa í sveitarstjórn.
Í sveitarstjórn skal fjöldi sveitarstjórnarmanna standa á oddatölu og vera innan þeirra marka sem hér greinir:
   a. þar sem íbúar eru innan við 200 3–5 aðalmenn,
   b. þar sem íbúar eru 200–999 5–7 aðalmenn,
   c. þar sem íbúar eru 1.000–9.999 7–11 aðalmenn,
   d. þar sem íbúar eru 10.000–49.999 11–15 aðalmenn,
   e. þar sem íbúar eru 50.000 eða fleiri 15–27 aðalmenn.

Samkvæmt frumvarpi sem nú liggur fyrir Alþingi sem Þór Saari flytur er lagt til að fjöldi sveitarstjórnarmanni verði eftirfarandi mál nr. 15:

a.      þar sem íbúar eru innan við 1.000: 7 aðalmenn,
            b.      þar sem íbúar eru 1.000–4.999: 11 aðalmenn,
            c.      þar sem íbúar eru 5.000–24.999: 17 aðalmenn,
            d.      þar sem íbúar eru 25.000–49.999: 31 aðalmaður,
            e.      þar sem íbúar eru 50.000–99.999: 47 aðalmenn,
            f.       þar sem íbúar eru 100.000–199.999: 61 aðalmaður,
            g.      þar sem íbúar eru 200.000–399.999: 71 aðalmaður.

Í greinargerð með frumvarpinu og töflum kemur eftirfarandi fram um stöðuna í sveitarstjórnarmálum á Íslandi:

 

Ísland	Íbúar	Sveitarstjórnarmenn
Reykjavík	119.547	15
Kópavogur	29.976	11
Hafnarfjörður	25.850	11
Akranes	6.609	9
Ísafjarðarbær	3.972	9
Akureyri	17.541	11
Fjarðabyggð	4.723	9
Fljótsdalshérað	3.695	11
Hornafjörður	2.112	7
Vestmannaeyjar	4.086	7
Árborg	7.922	9

 Það sem vekur athygli er mikið mismunur milli Reykjavíkur og annarra sveitarfélaga. Í Reykjavík er 119 þús íbúar en ekki nema 15 sveitarstjórnarmenn. Í Kópavogi t.d eru 30 þús íbúar og 11 sveitarstjórnarmenn. Þarna munar 4 sveitarstjórnarmönnum en 90 þús íbúum.

Þar sem fulltrúalýðræði er tíðkað svo sem  í verkalýðsfélögum, stjórnmálafélögum, sjómannafélögum, samvinnufélögum og búnaðarfélögum er ákveðin fastur félagafjöldi sem þarf til að koma að einum fulltrúa á þing eða fund hvar sem félagið er starfandi á landinu.

Gefum okkur að atkvæðavægi í Kópavogi sé rétt og sanngjarnt, 30 þús deilt með 11 sveitarstjórnarmönnum þá þarf 2727 íbúa til að koma manni að.

Segjum svo að þessi reikniregla verði heimfærð upp á Reykjavík 15 sveitarstjórnarmenn x 2727 íbúar=40905 íbúar til að koma að 15 sveitarstjórnarmönnum.

Í Reykjavík eru 119500 íbúar og aðeins þarf 40900 íbúar til að koma að 15 sveitarstjórnarmönnum að samkvæmt Kópavogsreglunni þá eru 79 þús íbúar afgangs.

Þá ganga af 79 þús íbúar í Reykjavík sem raunverulega hafa engin áhrif.

Framboðslisti VG í Reykjavík samþykktur

Athugasemdir

[Árni Gunnarsson, 17.3.2010 kl. 23:22]

Finnst þér þá virkilega ekki nægilega miklu eytt í stjórnsýsluna á voru landi?

[Þorsteinn H. Gunnarsson, 18.3.2010 kl. 06:42]

Árni, hér er ég að velta fyrir mér fulltrúa- og íbúalýðræði, fylgi og hlutföllum.

Ég treysti mér ekki til að setja verðmiða á pólitísk réttindi.

Ég vil ekki blanda jöfnum kosningarétti og kjörfylgi saman við peninga.

Í sveitahreppi norður í landi eru 7 hreppsnefndarmenn og íbúar eru 426. Þar er ekki kvartað yfir því hvað lýðræðið kostar.

Í einlægni Árni, finnst þér það eðlilegt  lýðræði, að einungis þurfi 8 manna meirihluta í Reykjavík ( einum fleiri en í sveitahreppnum ), til að stjórna og ráða 120 þús manna byggð.

Er ekki skynsamlegra að dreifa ábyrgðinni á fleiri og nýta mannauðinn og dreifa verkunum.

Í Reykjavík eru sveitarstjórnarfulltrúar búnir að vera 15 síða árið 1908.