ECA-Program á Keflavíkurflugvelli

Veikleiki þessarar ríkistjórnar er að það er engin Suðurnesjamaður ráherra í ríkistjórninni þ.e. Suðurkjördæmi. Þannig það er engin sérstakur ráðherra, sem heldur uppi málstað þess fólks sem býr í kjördæminu.

Vitað er að atvinnuástand er erfitt á þessu svæði. Þess vegna verður að líta til þeirra sjónarmiða þegar svona mál eru skoðuð. Varasamt er að gera Suðurnesjamenn reiða og fá þá upp á móti ríkistjórninni því það er viðbúið að þeir fari þá í það sem er kallað ,, Keflavíkurgöngu", og gamlir Allaballar gætu óvart slegist í hópinn.

Eftir því sem mér skilst er þetta fyrirtæki óháð verktakafyrirtæki sem rekur og þjálfar flugmenn.

Það sem þarf að athuga er bakgrunnur fyrirtækisins, þ.e hverra manna það er. Hvort þetta flug mundi samrýmast öðru flugi á Norður-Atlandshafi og hvort það mundi trufla hefðbundið flug. Ef svo væri ekki sé ég ekki annað en þetta gæti gengið

Við fengum Keflavíkurmannvirkin sem bætur vegna viðskilnað Bandaríkjahers þegar hann yfirgaf landið. Það er ekki óeðlilegt að við reynum að hafa arð af þessum mannvirkjum og skapa atvinnutækifæri fyrir fólk. Mikil hefð er á Suðurnesjum fyrir svona starfsemi.

Þá gætum við hugsanlega tekið hluta af leigugjaldi í formi eftirlitsflugs og það mundi að mínu mati styrkja sjálfstæði okkar að þurfa ekki að leita til annar með það.

Þessar flugvélar bera ekki vopn í því hlutverki sem þær koma til að gegna hér og væru aðeins viðbót við atvinnuflóru landsins.

Ögmundur mun skoða málefni ECA faglega og vandlega