Hundahald erfið mál í fjöleignarhúsum

Hundahald er með erfiðari málum í fjölbýli. Lögin eru skýr hvað þetta varðar, en sitt sýnist hverjum. Persónulega get ég alveg liðið hunda enda gamall bóndi, að því gefnu að hundar séu ekki sígeltandi og skítandi og mígandi allsstaðar og eigendur linir við að þrífa upp eftir þá. Eins er það bagalegt ef stórir hundar eru stökkvandi út um allt. Og þó þeir séu hættulausir í eðli sínu þá geta börn orði skelfingu lostin ef hundur flaðrar upp um mannfólkið.

Ég sé nú ekki rökinn í þessu máli að fólkið þurfi að selja húseignina, því lögin gilda allstaðar í þéttbýli og það væri til lítils að selja og kaupa annarstaðar og lenda í sömu sporum aftur og þurfa að bera kostnað af sölu og flutningi.

Að mínu mati virðast hundaeigendur ekki vilja þýðast löginn og telja þau tóma steypu.

Sjónarmið þeirra sem vilja ekki hafa hunda í fjölbýlishúsum eru skiljanleg og rétturinn er þeirra meginn, þó í þessu tilfelli getur einhver réttur verið fyrir hendi þar sem inngangur er sér eins og kemur fram í fréttinni.

Sumt fólk hefur ofnæmi fyrir hundshárum og hreinlega líður illa að hafa hunda í kring um sig.

Þá er þess að geta að hundu fylgja óþrif. Stutt er síðan þjóðin losnaði við sullinn en hann kom til af því að hundar voru að éta úrgang og hráa  úr heimaslátrun og sullurinn geymdist í hundinum og gekk svo til mannsins. Þetta er nú blessunarlega liðin tíð. Þó geta fylgt hundum ormar og snýkjudýr sem bagi er af. Hundar nú til dags lifa flestir á hátíðarfóðri.

Fólk er hrætt við að ef einum er leyft að vera með hund í fjölbýli að þá er komið fordæmið og holskeflan getur riðið yfir.

Hundar eru yndisleg dýr og það getur verið þroskandi fyrir börn að umgangast hunda. Hluti af svon vanda sem kemur upp í fjöleignarhúsum getur verið valdabarátta. En lögin eru kýrskýr.

Ég var einu sinni staddur hér í útjaðri byggðarinnar og þá kemur ung kona akandi með hund. Hún ætlaði að fá sér göngutúr opnar skottið og hundurinn þýtur út og fer að elta fólk sem var í hlaupagiggi. Konan fórnaði höndum og missti algerlega vald á aðstæðum, enda virtist  hún ekki hafa þekkingu á eðli hundsins, svona gerast hlutirnir og engin ber neina ábyrgð og allt fer í hundana.

 

Selja ef hundurinn þarf að fara

Ákveðin ögrun að hafa þetta fyrirkomulag á afplánun

Það er svo sem ekkert glæpsamlegt við það að fljúga þyrlu og hafa gaman af lífinu.

En vissulega er þetta ákveðin ögrun við almenning sem baslar áfram í þessu landi. Að rekast á menn sem eru dæmdir og ættu samkvæmt hefðinni að vera í fangelsi. Aftur á móti var eðlilegt að bjarga þeim og vissulega eiga þeir rétt á hjúkrun, þó einhverjir hafi ámálgað að það væri ótækt.

Það er ef til vill ekki skemmtilegt að hitta menn, sem allir halda að ættu að vera í umsjón fangelsisyfirvalda, á förnum vegi og viðkomandi er með derring og segir eitthvað í áttina, á ég að berja þig eins og fram hefur komið á opinberum vettvangi.

Held að fólki ofbjóði svona strúktúr og hugsanlega þarf að fara yfir þessi mál með tillit til þess hvað er við hæfi og hvað ekki.

Ég mundi ekki t.d. vilja mæta dæmdum manni á skemmtun þar sem áfengi væri haft um hönd og fáir útkastarar.

Af hverju skyldu fornmenn haft þann háttinn á að dæma menn í útlegð og af landinu. Auðvitað til að losna við kostnað og hafa þá ekki í almenningum.

Bretar glottu spurðir um þyrluflug

Phoenix Phoenix Reykjavik Edition Snarfarahöfn

Þetta verður magnað og örugglega góð skemmtun fyrir fjölskyldur og börn.

Heimild,tekið af mbl.is:

Þér er boðið í ferðalag um landslag tilfinninga. Þú verður leidd/ur um höfnina, báta, tjöld og fjöruna. Þú upplifir ógleymanlegt ferðalag í gegnum náttúruna, tilfinningar, minningar, gleði, hræðslu og drauma.
 
Þú færð úthlutaðan tíma til að mæta í Snarfarahöfn, þar sem upplifunin hefst. Þú finnur lyktina af reipi og bátum. Það brakar í dyrum sem opnast. Þú heyrir snark í arineldi. Gólfið er þakið þykku öskulagi. Þér er boðið að ganga inn.
 
Þú ert um það bil að leggja upp í tilfinningaríka ferð, blandaða af innsetningum, hljóðskúlptúrum, gagnvirkni og textum. Þú ert leidd/ur áfram af listamönnum og gps-stýrðu hljóðkerfi í heyrnartólum en þó er þetta þín persónulega reynsla. Þennan leiðangur, á kunnuglegar en um leið ókannaðar slóðir, upplifir þú með öllum skilningarvitum. Ilmurinn af trébátum, gleymdum draumum um vanillu og rykugum hornum barnæsku þinnar – skuggi andlits sem minnir á þitt eigið.
 
Árið 2014 hlaut Phoenix-verkefnið, sem fyrst var sett upp í Árósum í Danmörku, verðlaun The Arts Foundation í Danmörku. Sýningin er sköpunarverk níu alþjóðlegra listamanna með fjölbreyttan bakgrunn í ólíkum listgreinum.

Snarfarahöfn, Elliðavogi
21. maí — 05. júní kl 14:30 — 16:30

Alla daga nema mánudaga og þriðjudaga

Verð: 2.500 kr.

 

 

 

 

21. maí. - 5. jún.

Snarfarahöfn

Elliðavogur, 104 Reykjavík

Vefsíða viðburðar

Kaupa miða

Skipuleggjandi: Listahátíð

Misskilningur sjávarútvegsráðherra um álagningu veiðigjalda

Sjávarútvegsráðherra er að reyna misskilja þetta mál eitthvað ( lúmskur áróður). Skatturinn er  hvorki á land eða landshluta. Hann virkar aðalega á hlutafélög eða rekstur sem stendur fyrir veiðum. Aðilar sem standa að slíkum rekstri í gegn um hlutafjáreign sína eru með búsetu víða í samfélaginu og ekki hvað síst á suðvesturhorninu. Þeir fá því aðeins minni gróða, þó þeir  eigi auðvita rétt að fá  vexti á þá peninga sem þeir keyptu hlut fyrir.

Málið er að taka eitthvað af arðinum, eitthvað pínulítið brot eftir að rekstrarkosnaður hefur verið greiddur til að stand undir t.d. þeim stofnunum sem þjónusta þessa rekstraraðila svo sem Hafró og Fiskistofu t.d.. Varla eiga þéttbýlisbúar á Suðvesturhorninu að halda þessum stofnunum uppi með skattgreiðslum sem þjónustar prívat fólk.

Alveg eins og veiðimaður við ár og vötn þarf að borga veiðileyfi og rjúpnaskytta þarf að borga veiðileyfi í einkalöndum, þá er eðlilegt að borga gjald fyrir að nota sjávarauðlindina.

Veiðigjöld ekki sanngjörn

Ein snotur saga af Reykjskóladrengjum.

Ég mun nú setj hér smá frásögn um útrás okkar nokkurra Reykjaskóladrengja þó fréttin sé að uppstöðu um samkynhneigt fólk, þá breyti það ekkert sögunni.

Á einu afmælismóti á RSK sagði einn kennari frá þegar Reykjaskóladrengir fóru í leiðangur um nótt á kvennavist á Grund sem var út á bakka.

Þannig var að Ólafur Kristjánsson skólastjóri þurfti að fara af bæ til Reykjavíkur. Bundumst við nokkrir og sammæltumst og töldum sóknarfæri að að fara um nóttin af vistinni og hlupum suður eftir. Ekki vorum við fyrr komnir út en miklir ljósgeislar af öflugum vasaljósum eltu okkur. Hurfum við snarlega niður fyrir fjörubakka og lágum þar í leyni en vorum snarlega gómaðir. Skildum við ekkert í því hvernig við fundumst. Skýringin kom hjá kennarnum í ræðu hans. Við höfðum nokkrir farið í kaupstaðinn og keypt okkur stígvél. Þau voru með sjálflýsandi rönd eins og margir kannast við. Þegar við hlupum niður fyrir fjörubakkan sáu kennararnir  lappirnar hreyfast og gátu miðað okkur út og þá var spilið búið. En kennarinn spurði þessarar spurningar í ræðunni, sem var nú ef til vill ekki gáfuleg: ,,Hvað voru ætluðu þið að gera."

Ég stóð upp á eftir og útskýrði að við höfum sennilega ætlað að spila Marías við stúlkurnar. Þarna  upplýstist sem sagt þetta mál eitthvað eftir 40 ár.

Allir vorum við kallaðir fyrir, held ég þegar Ólafur kom heim. Það sem hann sagði við mig man ég eins og það hefði gerst í gær.,, Þorsteinn minn og ég sem treysti þér." Meira var það ekki og vitaskuld hrundi ég yfir þessu mikla trausti sem ég naut og hafði brotið þann trúnað.

Þó að tíðin þyki köld,

Mun það ei vara lengur.

Ríður bak við rekkjutjöld,

Reykjaskóladrengur.

Talinn eftir Lárus Þórðarson frá Grund.

 

Við vorum náttúrlega engir kórdrengir

Kynfrjáls í öruggu umhverfi

Það er bindið sem ræður úrslitum

Bæði Davíð og Andri Snær eru með vitlausan lit á bindunum. Það er fengsælla að þau séu blá. Út á það kemur fylgið.

Tveir þriðju ætla að kjósa Guðna

Davíð farinn að skjálfa? Kominn í lopapeysu.

?

Davíð opnar kosningaskrifstofu

Heilsugæslan í Salahverfi og CCP standa sig vel

,,VR hef­ur til­nefnt Fyr­ir­tæki árs­ins ár­lega í tvo ára­tugi á grund­velli könn­un­ar meðal fé­lags­manna og fjölda annarra starfs­manna á al­menn­um vinnu­markaði." segir í frétt Mbl

Ég átti þess kost að kíkja í skýrsluna í gærkveldi og þetta er vönduð úttekk og vel marktæk. Gefnar eru einkunnir fyrir ýmsan þætti sem lúta að starfsmönnum svo sem launakjörum og starfsumhverfi og móral og  einkunnir bornar saman við meðaltöl og hægt að lesa margt út úr þessu. T.d. er Salastöðin ágætlega há í einkunn sem lýtur að launum svo eitthvað sé nefnt.

Þessi könnun styrkir það sjónarmið að hægt er að nota einstklingsframtakið eða sem ég mundi kalla ,,sjálfsbjargarkvötina", en hana þekkir maður úr búskapnum, til að lað fram æskilega þætti til að bæta rekstur í ýmsum greinum og er ástæðulaust að hrópa ,,úlfur, úlfur"

Held að alvega sé óhætt að nota einkarekstur á ýmsa þætti heilbrigðisþjónustu ef það er tryggt að allir fái læknisþjónustu og engin geti svindlað sér framar í röðinni á grundvelli betri efnahags. En þá þarf að vera til staðar markvisst gæða kerfi sem metur framvindu starfseminar , ánægju viðskipatvina og árangur starfseminar.

Um CCP þarf ekki að fjölyrða þar er mikið mannval og mannauður og fer þar hver framm úr öðrum á grundvelli andlegs atgervis og hæfileika.

Rönning efst fimmta árið í röð

Var Davíð leiddur í gildru?

Nú er um garð gengin ansi skrautleg mjög líklega skipulögð að hluta en örugglega sjálfsprottin pólítísk flétta að nokkru marki sem hver skákmaður gæti verið hróðugur af.

Það liggur fyrir að forsetinn var kominn í einstefnugötu þar sem bíllinn sneri öfugt og lítið svigrúm til annars en aka upp á fortó til að lenda ekki í slysi, eins og það var kallað í gamladaga.

Það verður viðfangsefni sagnfræðinga að rannsaka hvort framboð Guðna hafi verið skipulagt af öflum í samfélaginu til að kasta bjarghring til forsetans þar sem hann var í háska staddur og eina leið hans að benda, þarna er maður sem hægt er að kjósa sem kann sagnfræði og veit hvað ég gerði rétt og rangt.

Þar sem Davíð vindur sér út úr húsasundi í einstefnugötunni má segja að það hafi verið sjálfssprottið af hans hvötum, því engin hefur gefið sig fram að hafa hvatt hann til þess. En það blasti við að þessi leikur hans var snjall miðað við aðstæður.  Ólafur hefur legið á flautunni bjargarlaus í blindgötunni.

En nú er Davíð kominn í vanda, því megin ástæðan fyrir framboð hans er horfinn út úr jöfnunni. Og hvað nú? Nú fær Ólafur ekki að finna fyrir því hvar Davíð keypti ölið.

Myndin með færslunni er af refagildru á Húsafelli sem virkar þannig að lokkandi agn, t.d. Ólafur liljurós, er sett við þrengri endan og svo skríður refurinn inn og þá dettur hellan niður og rebbi kemst hvorki lönd né strönd. Hugmyndin að svona gildra hefur sennilega fylgt okkur frá öndverðu og verið verk frumbýlinga þessa lands.

Ólíklegt að Davíð taki fylgi af Guðna

Fer Davíð í framboð til forseta Íslands?

Ég hef haft um það hugboð í langan tíma að það geti komið til þess að Davíð Oddson langi til að verða forseti Íslands. Þetta er einungis hugboð sem hefur verið að veltast um í kollinum á mér um nokkurt skeið. Fyrir því eru nokkrar ástæður.

1. Sjálfstæðismenn hafa oft rennt hýru auga til Bessastaða og að getað helgað sér forsetann, en aldrei auðnaðst það.

2. Nú eru kjöraðstæður til þess:

a) margir frambjóðendur gera það að verkum að fylgið kemur til með að tvístrast á marga og hægt að komast inn á lágri prósentu tölu.

b) ef einn sterkur frambjóðandi kæmi fram sem væri tengdur Sjálfstæðisflokknum maður talar nú ekki um fv. leiðtogi flokksins gæti kjarnafylgi xD dugað til að koma kandidat að og Davíð nýtur mikils stuðnings Sjálfstæðismanna og þeir mæra hann við hvert fótmál.

(a+b) En þetta er bara hugboð og það hefur styrkst eftir birtingu greinar eftir Hannes H. Gissurason í Morgunblaðinu nú fyrir skömmu og allar flottu myndirnar af Davíð og eftir því sem mér skilst að blaðið hafi verið borið út mjög víða.

Herfræðinn er þá þessi að sem flestir bjóði sig framm. Það þarf að fara hljótt og söfnun meðmælenda er tiltölulega auðveld þar sem einungis þyrfti að setja bensín á kosningavél xD og fara eins og hvítur stormsveipur um landið á síðasta fresti.

Góðr stundir á hátíðar degi verkalýðsins.

„Lokaákvörðunin var auðveld“