Kosningasmölun

Það væri nú fínt að setja Samfylkinguna í þessa smölun. Hún er svo góð í smalamennskum.

Svo væri lærdómsríkt fyrir frambjóðendur til sveitastjórnarkosninga og kosningasmala að fá þarna æfingu í því að smala atkvæðum.

Steingrímur J-arðfræðingur ætti að hafa forgöngu um þetta mál og njóta liðsinnis Jóhönnu S-mala.

Fólki vísað af Bröttufönn

Ævistarfið

 Björn Bjarnason hefur fengist við margt.

Hann var útgáfustjóri Almenna bókafélagsins 1971-1974. Deildarstjóri í forsætisráðuneytinu 1974-1975, skrifstofustjóri 1975-1979. Blaðamaður á Morgunblaðinu 1979-1984, aðstoðarritstjóri Morgunblaðsins 1984-1991. Skip. 23. apríl 1995 menntamálaráðherra, lausn 28. maí 1999. Skip. 28. maí 1999 menntamálaráðherra, lausn 2. mars 2002. Skip. 23. maí 2003 dóms- og kirkjumálaráðherra, lausn 18. maí 2007 en gegndi störfum til 24. maí. Skip. 24. maí 2007 dóms- og kirkjumálaráðherra, lausn 1. febr. 2009. 

Alþm. Reykv. 1991-2003, alþm. Reykv. n. 2003-2007, alþm. Reykv. s. 2007-2009 (Sjálfstfl.). Tekið af vef Alþingis.

Nú þegar allt er hrunið og landsmenn standa yfir brunarústunum þjóðfélagsins, þá kemur Björn Bjarnason, stjórnmálforingi seinnihluta síðustu aldar og aldamótaforingi og vill fara að gerast sérstakur ráðunautur almennings í því hvað á að gera næst í stjórnmálum.

Ég held að hann verði nú að ræða það við samflokksmenn sína fyrst, hvers vegna þetta fór svona allt saman? Hvað klikkaði eiginlega og hvað varð um ævistarfið?

Eða er þetta ef til vill allt saman kommúnistum að kenna hvernig komið er í þjóðfélaginu? 

Segir ríkisstjórnina eiga að fara frá

Kommúnistasamtök

Það er eins og Samtök atvinnulífsins séu orðin að kommúnistasamtökum. Þau horfa til ríkisvaldsins og ætlast til að ríkistjórnin vinni öll verk og sjái um atvinnulífið.

Einkavæðingin virðist hafa mistekist og Samtök atvinnulífsisns verða snúa sér til þeirra flokka sem veittu þeirri stefnu brautargengi og spyrjast fyrir um það hversvegna málum sé svo komið sem raun ber vitni.

Sundurlyndisfjandann má ekki magna

Fagráðherra?

Fagráðherra virðist vera nýyrði í íslensku máli. Það mun vera sá ráðherra sem ekki er jafnframt alþingismaður. Af orðalaginu má álykta að hann sé sérfræðingur í sínum ráðherradómi. Það eru þessir tveir ráðherrar að vísu í þessu tilfelli en þeir eru ekki alþingismenn. Þeir tilheyra einungis framkvæmdavaldsþættinum. En þetta er ef til vill ekki heppilegt orð um hugtakið.

Þannig er þá ráðherra sem er alþingismaður væntanlega ekki fagráðherra eftir þessu, þó hann hafi menntun sem spannar sérsvið ráðherradómsins. T.d er Jón Bjarnason ágætur fagmaður í landbúnaði þar sem hann er búfræðikandídat og með reynslu sem skólastjóri við búnaðarskóla og hefur verið útvegsbóndi.

Steingrímur J. Sigfússon er jarðfræðingur en sú menntun hefur ekkert að gera með fjármál. Að vísu hefur Steingrímur smalað fé og dregið fé í réttum. Aftur á móti má segja að jarðfræðimenntun hans komi sér vel þegar gýs í ríkisstjórninni.

Flestir ráðherrarnir eru með menntun sem fellur ekki sérstaklega að þeirra ráðuneytum, þó þeir hafi fjölbreytta menntun og margþætta reynslu.

Til að skerpa skilin í þessari orðanotkun er spurningin hvort hægt sé að nota orðið framkvæmdavaldsráðherra yfir þá ráðherra sem ekki sitja á Alþingi, í staðin fyrir fagráðherra.

Búast má við breytingum á ráðherraliði

Villtir?

Það er misskilningur að forsætisráðherra hafi sagt þetta. Hún hafið það eftir einni flokksystur sinni sem hefði orðað þetta ágætlega að þetta væri eins ,,smala köttum" þegar til atkvæðagreiðslu kemur í þinginu. Á þessu er munur, en eigi að síður eru ummælin óheppileg.

Betra hefði verið af flokksystur forsætisráðherra að nota orðalagið að       ,, fanga hænsni" og ef athugasemd hefði verið gerð við orðalagið hefði alltaf verið hægt að snúa sig út úr því og segjast hafa átt við ,,rjúpur".

Ég vil ráðleggja forsætisráðherra að draga upp brjóstsykurspoka á næsta fundi og ganga hringinn og bjóða fólki mola og athuga hvort ekki muni glaðna yfir fólki. Og ef það dugar ekki verður hún að biðjast afsökunar.

Orð eru mjög dýr um þessar mundir.

VG ræðir ummæli forsætisráðherra

Parísarhjólið

Þá er Parísarhjólið farið að snúast en það eru ekki allir sem skilja tímans þunga nið.

Lilja og Reynir kaupa DV

Eldsmatur til sveita

Það er að verða árviss atburður að búpeningur kafnar í eldsvoða. Í þessu tilfelli kafna 200 landnámshænsni.

Það verður fróðlegt að fylgjast með því þegar skýrsla um brunavarnir og orsakir eldsvoðans verður birt.

Í Eyjafirð drápust 200 nautgripir í nóvember 2007. Á Suðurlandi drápust um 200 nautgripir í bruna. Á Snæfellsnesi brunnu inni 400 fjár fyrir nokkrum misserum eftir því sem ég best veit.

Árið 2009 í nóvember hélt Dýraverndarsamband Íslands málþing um ábyrgt búfjárhald. Það var ekki fjölmennt en umræður ágætar og skynsamlegar.

Þar reifaði ég og skilaði til stjórnarinnar, smá skýrslu, að eigin frumkvæði, um fjósbruna þar sem 200 nautgripir brunnu inni. Var þetta atvikalýsing á framvindu málsins ,að mínu áliti, og það sem raunverulega gerist og ófullnægjandi brunavarnir og öryggi við eldsvoða.

Það er vafalaust víða pottur brotinn hvað varðar brunavarnir í útihúsum til sveita, en þó hef ég spurnir af því að verið er að vinna í lagfæringum þar að lútandi.

Það kom einmitt fram á þessu málþingi hversu óskynsamlegt það væri að vera með stór gripahús og allt í einu rými í staðin fyrir að hólfa húsin eitthvað niður.

Endalaust er hægt að ræða þessi mál og vonandi fara menn í það að lagfæra brunavarnir í útihúsum til sveita, því hér eru miklir efnahagslegir- og dýraverndarhagsmunir í húfi.

Ég votta bóndanum á Tjörn á Vatnsnesi samúð mína yfir því að missa þarna verðmætan stofn landnámshænsna.

Útihús brunnu og hænur drápust

Misvægi atkvæði í sveitarfélögum

Samfylkingarmenn voru að ráða ráðum sínum á flokkstjórnarfundi í dag og voru sveitarstjórnarkosningar þar í brennidepli.

Ef fer fram sem horfir verða kosningarnar til borgarstjórnar Reykjavíkur til skammar fyrir lýðræðið vegna lítils vægis kjósenda til fulltrúakosninga.

Samkvæmt sveitarstjórnarlögum gilda eftirfarandi reglur um fjölda sveitarstjórnarmann í sveitarstjórnum miðað við íbúafjölda, lög nr. 45 1998:

12. gr. Fjöldi fulltrúa í sveitarstjórn.
Í sveitarstjórn skal fjöldi sveitarstjórnarmanna standa á oddatölu og vera innan þeirra marka sem hér greinir:
   a. þar sem íbúar eru innan við 200 3–5 aðalmenn,
   b. þar sem íbúar eru 200–999 5–7 aðalmenn,
   c. þar sem íbúar eru 1.000–9.999 7–11 aðalmenn,
   d. þar sem íbúar eru 10.000–49.999 11–15 aðalmenn,
   e. þar sem íbúar eru 50.000 eða fleiri 15–27 aðalmenn.

Samkvæmt frumvarpi sem nú liggur fyrir Alþingi sem Þór Saari flytur er lagt til að fjöldi sveitarstjórnarmanni verði eftirfarandi mál nr. 15:

a.      þar sem íbúar eru innan við 1.000: 7 aðalmenn,
            b.      þar sem íbúar eru 1.000–4.999: 11 aðalmenn,
            c.      þar sem íbúar eru 5.000–24.999: 17 aðalmenn,
            d.      þar sem íbúar eru 25.000–49.999: 31 aðalmaður,
            e.      þar sem íbúar eru 50.000–99.999: 47 aðalmenn,
            f.       þar sem íbúar eru 100.000–199.999: 61 aðalmaður,
            g.      þar sem íbúar eru 200.000–399.999: 71 aðalmaður.

Í greinargerð með frumvarpinu og töflum kemur eftirfarandi fram um stöðuna í sveitarstjórnarmálum á Íslandi:

 

Ísland	Íbúar	Sveitarstjórnarmenn
Reykjavík	119.547	15
Kópavogur	29.976	11
Hafnarfjörður	25.850	11
Akranes	6.609	9
Ísafjarðarbær	3.972	9
Akureyri	17.541	11
Fjarðabyggð	4.723	9
Fljótsdalshérað	3.695	11
Hornafjörður	2.112	7
Vestmannaeyjar	4.086	7
Árborg	7.922	9

 Það sem vekur athygli er mikill mismunur milli Reykjavíkur og annarra sveitarfélaga. Í Reykjavík er 119 þús íbúar en ekki nema 15 sveitarstjórnarmenn. Í Kópavogi t.d eru 30 þús íbúar og 11 sveitarstjórnarmenn. Þarna munar 4 sveitarstjórnarmönnum en 90 þús íbúum.

Gefum okkur að atkvæðavægi í Kópavogi sé rétt og sanngjarnt, 30 þús deilt með 11 sveitarstjórnarmönnum þá þarf 2727 íbúa til að koma manni að.

Segjum svo að þessi reikniregla verði heimfærð upp á Reykjavík 15 sveitarstjórnarmenn x 2727 íbúar=40905 íbúar til að koma að 15 sveitarstjórnarmönnum.

Í Reykjavík eru 119500 íbúar og aðeins þarf 40900 íbúar til að koma að 15 sveitarstjórnarmönnum að samkvæmt Kópavogsreglunni þá eru 79 þús íbúar afgangs.

Ég segi nú eins og kerlingin sagði um þjóðaratkvæðagreiðsluna, þessar kosningar eru skrípaleikur.

„Mörg hundruð störf í húfi"

Margt gerist á sjó

M/S Ísborg IS 250 frá Ísafirði var síðutogari sem breytt var í fragtskip í kringum 1963 með því að færa brúnna aftar og þannig jókst lestarpláss skipsins.

Síðuritari var um skeið háseti á skipinu. 11 manna áhöfn var um borð. Lítið var um nútíma þægindum í skipin, engi  sjálfstýring og stóð alltaf einn háseti við stýrið og handstýrði.

Eitt sinn lögðum við af stað frá Kaupmannahöfn  síðla dags. Vorum við 3  á vaktinni, síðuritari og Finnbogi Kjeld 2. stýrimaður og annar háseti. Var síðuritari við stýrið. Það var hefð á Ísborginni að tala mikið í brúnni.

Þoka var og kjöftuðum við Finnbogi mikið og gleymdum okkur. Þegar við eru komnir út á Kattegat birtist stórt flutningaskip út úr þokunni, svona 5 gráður á stjórnborða. Finnbogi tekur strax ákvörðun um að rúlla stýrinu hart í stjór og leggst Ísborgin mjög á hliðina þar sem hún var á fullri ferð.

 Skipstjórnarmaður á hinu skipinu beygir hinsvegar á bakborða  sem var ekki samkvæmt siglingareglum. Nálguðust skipin mjög en náðist að forðast árekstri en skipin sigldu andartak hlið við hlið og fóru bæði einn hring.

Nokkrir úr áhöfninni komu upp í brú og spurðu hvort eitthvað hefði komið fyrir en við Finnbogi vorum fámálir mjög um þennan atburð og ég held að hann hafi ekki verið færður til bókar.

Búið að bjarga bátnum

Góðbændur

Kúabændur samþykkja harðorða ályktun vegna seinagangs lánadrottna við úrlausn skuldavandans. Er  mikil harmur kveðin af bændum yfir þessu óréttlæti.

Enginn skilur hvernig allar þessar skuldir skuli hafa hrannast upp og einkennilegt hvernig lánadrottnar yfirtaka rekstur búanna sem bændur eiga. Þetta er náttúrlega algerlega út hött.

Ofan á allt þetta eru svo lánardrottnar svo komnir í samkeppni við bændur að sagt er í fréttinni sem aldrei hafa ljá máls á samkeppni og hafa viljað standa saman.

Gott ef bankarnir fari ekki að kaupa sér mjólkurbíla og selja mjólk beint frá bíl ( Beint frá býli ), við algengustu stofnleiðir í þéttbýli, vegna þess að almenningur á ekki lengur peninga fyrir bensíni til að fara í stórmarkaðina.

Þó er vitað að Jón á Sléttu, Ólafur í Mjólkárdal og Gissur í Ofanleiti og margir bændur eru skuldlausir með þokkaleg bú og það skilur náttúrlega engin maður. Enda vildi engin kjósa þá á fundinn og óeðlilegt að vera hampa slíkri ráðdeildarsemi á þessum erfiðu tímum.

Bankar hætti kúabúskap