Messur

Þetta er búið að vera skrautlegt í Grindavík. Þar eru allir búnir að vera með öllum eins og á góðu sveitaballi. En miðinn að svona dansi er ansi dýr.

Það var ákaflega gott fyrir þessa meirihluta og minnihluta að hafa haft innan seilingar prest sem hefur getað messað yfir fólki og borið klæði á vopnin þannig að enginn meiddist.

En nú er hann/hún fari til fjarlægra staða svo það veit engin hvort friður helst í Grindavík. En það verður bara að koma í ljós.

Guð blessi Grindavík eins og kallin sagði.

Viljum mynda sterkan meirihluta

Vegir liggja til allra átta

Vegir liggja til allra átta hjá sjálfstæðismönnum en það bara veit engin hver stefnan er hugmyndafræðilega eftir hrunið.

Að vísu var samin skýrsla um málefnið, sem að sumra hinna mætustu manna var ekki pappírsins virði og þá hló þingheimur.

Og þegar komið er upp fyrir Gljúfrastein geta menn lent í þoku og villum á Mosfellsheiði svo það er nauðsynlegt að hafa með sér þokulúðra og blása í þá.

Okkur eru allir vegir færir

,, Aðeins 10 Líberíudollara virði"

Morgunblaðið skýrir frá því að Magnús R. Magnússon safnari hafi rekist á frímerkjaörk frá Líberíu sem hafi að geyma teikningu af Forseta Íslands.

Sagt er frá því að póstyfirvöld í Líberíu hafi gefið út frímerki af helstu þjóðarleiðtogum heims hátt í 200 árið 2000. Tekið er fram í fréttinni að frímerkið með Forseta Íslands sé aðeins 10 dollara virði eða jafnvirði 18 kr ísl.

Spurningin sem vaknar við þessa frétt Mbl., er hvort þjóðarleiðtogum hafi verið raðað upp í virðingarröð eftir verðgildi eða hvort þetta sé innanlandsgjald undir bréf í Líberíu?

Ekki kemur fram í fréttinni hvort Davíð Oddsson fv. forsætisráherra Íslands hafi verið þrykktur á frímerki og hvort þar sé um einhvern verðmun að ræða.

Frímerki frá Líberíu með forseta Íslands

Gálginn

Það er nú mikið og vandasamt verk að fara tjá sig hér um þessi mál. Ég er nú búinn að þvælast í gegnum þessi svör á hundavaði. Þetta eru ítarleg svör og efnismikil og eiga menn þakkir skilið fyrir alla þessa vinnu sem farið hefur í það að draga þennan fróðleik saman.

Ekki er hægt að fara efnislega ofan í saumana á svörunum enda væri það til að æra óstöðugan.

Í staðinn ætla ég að birta svona bundið mál, sem Ámundi Loftsson frá Lautum í Reykjadal fv. formaður Rastar kenndi mér og veit ég ekkert eftir hvern það er, en hef grun um að það sé ættað ofan úr Mývatnssveit. Þetta var á þeim árum sem Ari Teitsson var formaður Bændasamtaka Íslands og það var eitthvað verið að krukka í kvótann.

Gálginn

Snjall er Ari, þrautaráðið rétta sá hann,

að reisa gálga svona háan.

Alveg er nú augljóst mál, hvað er í vændum,

nú á að fara fækka bændum.

Gálginn hái greyptur skal í minni manna,

sem merki Bændasamtakanna.

Engin áform um að breyta um landbúnaðarstefnu

Á puttanum

Þegar ég kemst á eftirlaun þá ætla ég að fara út á flugvöll og rétta upp þumalputtann og fljúga til útlanda.

Það er alþjóðleg hefð að puttalangar þurfa ekki að borga. Fólk hlýtur að skilja þetta.

Í sveitinni í gamladaga, beið maður við brúsapallinn og tók mjólkurbílinn í kaupstaðinn, en þá þekkti maður jú líka mjólkurbílsstjórann. Og maður vissi alltaf hvert maður var að fara.

Nú er allt orðið alþjóðlegra og breytt. Auðvita!

Bara verst að þessir farþegalistar eru sennilega opinber gögn og munu allir uppljúkast fyrr en seinna og þá sést hver hefur verið með hverjum.

Púff, maður!

Bogi meðal farþega í einkaþotum