Rangar sakargiftir?

Í hegningarlögum er kveðið á um það hvernig farið er með ef persóna er borin röngum sakargiftum:

148. gr. Hver, sem með rangri kæru, röngum framburði, rangfærslu eða undanskoti gagna, öflun falsgagna eða á annan hátt leitast við að koma því til leiðar, að saklaus maður verði sakaður um eða dæmdur fyrir refsiverðan verknað, skal sæta …¹⁾ fangelsi allt að 10 árum. Við ákvörðun refsingar skal hafa hliðsjón af því, hversu þung hegning er lögð við broti því, sem sagt er eða gefið til kynna, að viðkomandi hafi drýgt. …²⁾ Hafi brot haft eða verið ætlað að hafa í för með sér velferðarmissi fyrir nokkurn mann, þá skal refsað með fangelsi ekki skemur en 2 ár og allt að 16 árum.
Ákveða má í dómi, eftir beiðni þess, sem fyrir óréttinum hefur orðið, að niðurstaða dóms og það af forsendum hans, sem dómur telur hæfilegt, skuli birt að opinberri tilhlutan í einu eða fleirum opinberum blöðum eða ritum".

Í öllu félagskerfi og ekki síst í stjórnmálastarfi verður fólk að vanda sig í sambandi við umgengni hvort við annað og passa sig á að skaða ekki hvort annað þó ágreiningur sé ríkjandi og reyna að jafna ágreining á málefnalegan hátt. Það eru nefnilega lögin sem á endanum ráða.

Málsbætur aðila í þessu máli eru þær að hér ríkti mikið óreiðu, reiði og örvinglnar ástand og aðilar ef til vill ekki í jafnvægi.

Þess vegna væri réttast að bjóða fram sættir og reyna að ná þessu máli á þann veg að sá sem ber fram rangar sakargiftir viðurkenni málavexti og bjóði fram bætur. Það er ófært að fólk sem er í stjórnmálu á þessum ögurtímum sé að berast á banaspjótum.

Með sáttum væri hægt að vísa veginn fram á við til þjóðfélags sem við viljum hafa.

Góðar stundir.

Kærir forsvarsmenn Dögunar

Atkvæðamisvægið

Hér birtist atkvæðamisvægið í hnotskurn.

KjördæmiKjósendur á kjörskrá (2009) ^[1]Þingmenn í Kjördæmi (2009) ^[1]Kjósendur á kjörskrá að baki hverjum þingmanni (2009)

Norðausturkjördæmi	28.352	10	2.835
Norðvesturkjördæmi	21.293	9	2.366
Reykjavíkurkjördæmi norður	43.767	11	3.979
Reykjavíkurkjördæmi suður	43.747	11	3.977
Suðurkjördæmi	32.482	10	3.248
Suðvesturkjördæmi	58.202	12	4.850

 

 

Ný stjórnarskrá, breytingartillögur

ll.KAFLI

Mannréttindi og náttúra

6. grein

Allir skulu vera jafnir fyrir lögum og njóta mannréttinda án tillits til kynferðis, trúarbragða, skoðana, þjóðernisuppruna, kynþáttar, litarháttar, efnahags, ætternis og stöðu að öðru leyti.
Konur og karlar skulu njóta jafns réttar í hvívetna.

Lýðveldisstjórnarskráin 65. gr.

7. grein

Friðhelgi einkalífs

Allir skulu njóta friðhelgi einkalífs, heimilis og fjölskyldu.
Ekki má gera líkamsrannsókn eða leit á manni, leit í húsakynnum hans eða munum, nema samkvæmt dómsúrskurði eða sérstakri lagaheimild. Það sama á við um rannsókn á skjölum og póstsendingum, símtölum og öðrum fjarskiptum, svo og hvers konar sambærilega skerðingu á einkalífi manns.
Þrátt fyrir ákvæði 1. mgr. má með sérstakri lagaheimild takmarka á annan hátt friðhelgi einkalífs, heimilis eða fjölskyldu ef brýna nauðsyn ber til vegna réttinda annarra.

Lýðveldisstjórnarskráin 71 gr.

8. grein

Réttur barna

Öllum börnum skal tryggð í lögum sú vernd og umönnun sem velferð þeirra krefst.

Það sem barni er fyrir bestu skal ávallt hafa forgang þegar teknar eru ákvarðanir í málum sem það varðar.

Barni skal tryggður réttur til að tjá skoðanir sínar í öllum málum sem það varðar og skal tekið réttmætt tillit til skoðana barnsins í samræmi við aldur þess og þroska.

Tillögur stjórnlagaráðs

----------------------------------------

Viðauki frá Þorsteini h. Gunnarssyni

Fósturbörnum skal tryggð sömu réttindi og skilgetnum börnum og kjörbörnum.

9. grein

Eignarréttur

Eignarrétturinn er viðurkenndur með þeim takmörkunum sem af lögum leiðir. Engan má skylda til að láta af hendi eign sína nema almenningsþörf krefji. Þarf til þess lagafyrirmæli og komi matsverð fyrir.
Með lögum má takmarka rétt erlendra aðila til að eiga fasteignaréttindi eða hlut í atvinnufyrirtæki hér á landi.

Samhljóða tillögum stjórnlagaráðs að nokkru og Lýðveldisstjórnarskrá, 72. gr,

-------------------------------------------------------

en umskrifað af Þorsteini H. Gunnarsyni þar sem horfið er frá hinu Guðlega viðhorfi til eignaréttarins svo sem að telja hann friðhelgan og síðan er mælt fyrir um að bætur komi samkvæmt mati, en ekki fullt verð þar sem það er teygjanlegt. Auk þess sem alltaf er þá hægt er að fá einhvern Kínverja til að spenna upp verð og segja að það sé hið rétta verð.

Sérálit: Eignarétturinn er náttúrlega vandræða fyrirbæri

Kosning hafin - talningin tímafrek

Ný stjórnarskrá, breytingartillögur

l. Kafli

Undirstöður

1.      grein

Stjórnarform

Ísland er Lýðveldi með jöfnum atkvæðisrétti borgaranna til kjörs fulltrúa til setu á Alþingi og er Lýðveldinu stjórnað með lögum sem Alþingi setur.

Nýmæli: Höfundur Þorsteinn H. Gunnarsson

2.      grein

Handhafar ríkisvalds

Ríkisvaldið greinist í þrjá valdaþætti sem eru óháðir hvor öðrum og eru eftirfarandi:

1.      Rétt kjörið Alþingi fer með löggjafar og lagasetningarvald.

2.      Hæstiréttur Íslands og aðrir dómstólar og úrskurðarnefndir fara með dómsvald og úrskurðarvald.

3.      Forseti Íslands, ríkistjórn, ráðherrar, og sveitarstjórnir og önnur stjórnvöld fara með framkvæmdavald svo sem lög mæla fyrir um og áskilja.

Endurritað af Þorsteini H. Gunnarssyni

 

3.      grein

Íslenskt yfirráðasvæði

Mörk íslenskra landamæra miðast við strönd Íslands á stórstraumsfjöru og er landsvæðið innan þeirra landamæra eitt og óskipt.

Mörk íslenskrar landhelgi, lofthelgi og efnahagslögsögu skulu ákveðin af Alþingi í samræmi við alþjóðalög og sáttmála.

Nýmæli og endurritað af Þorsteini H. Gunnarssyni

4.      grein

Ríkisborgarréttur

 Rétt til íslensks ríkisfangs öðlast þeir sem eiga foreldri með íslenskt ríkisfang. Ríkisborgararéttur verður að öðru leyti veittur samkvæmt lögum.

Engan má svipta íslenskum ríkisborgararétti.

Íslenskum ríkisborgara verður ekki meinað að koma til landsins né verður honum vísað úr landi. Með lögum skal skipað rétti útlendinga til að koma til landsins og dveljast hér, svo og fyrir hvaða sakir sé hægt að vísa þeim úr landi. 

Tillaga stjórnlagaráðs.

 

5.grein

Allir skulu virða stjórnarskrá þessa í hvívetna, sem og þau lög, skyldur og réttindi sem af henni leiða.

Tillaga stjórnlagaráðs. Þrengt.

-------------------------------------------------------------------------------------------------

Tillaga stjórnlagaráðs 1.gr. um að Ísland sé lýðveldi með þingræðisstjórn segir ekkert um grunnstjórnarfar og er ekki hægt að átta sig á henni.

Tillaga stjórnlagaráðs  3. gr. um að íslenskt landsvæði sé eitt og óskipt segir ekkert, ef ekki er jafnframt skilgreint og mörk dregin um landamæri þjóðríkisins og hvar þau eru og liggja.

Rætt um þjóðaratkvæðagreiðslu

Skoðana og tjáningarfrelsi

Lýðveldisstjórnarskráin mælir fyrir um tjáningarfrelsi með eftirfarandi hætti:

73. gr. [Allir eru frjálsir skoðana sinna og sannfæringar.
Hver maður á rétt á að láta í ljós hugsanir sínar, en ábyrgjast verður hann þær fyrir dómi. Ritskoðun og aðrar sambærilegar tálmanir á tjáningarfrelsi má aldrei í lög leiða.
Tjáningarfrelsi má aðeins setja skorður með lögum í þágu allsherjarreglu eða öryggis ríkisins, til verndar heilsu eða siðgæði manna eða vegna réttinda eða mannorðs annarra, enda teljist þær nauðsynlegar og samrýmist lýðræðishefðum.]¹⁾

Tillaga stjórnlagaráðs er eftirfarandi:

,,Allir eru frjálsir skoðana sinna og sannfæringar og eiga rétt á að tjá hugsanir sínar.

Ritskoðun og aðrar sambærilegar tálmanir á tjáningarfrelsi má aldrei í lög leiða. Þó má setja tjáningarfrelsi skorður með lögum til verndar börnum, öryggi, heilsu, réttindum eða mannorði annarra, svo sem nauðsyn ber til í lýðræðislegu þjóðfélagi.

Stjórnvöld skulu tryggja aðstæður til opinnar og upplýstrar umræðu. Óheimilt er að skerða aðgang að netinu og upplýsingatækni nema með úrlausn dómara og að uppfylltum sömu efnisskilyrðum og eiga við um skorður við tjáningarfrelsi.

Hver og einn ber ábyrgð á framsetningu skoðana sinna fyrir dómi."

 

„Slíkt ástand á ekki að líða“

Við fjallavötnin fagurblá

Almenningur á Íslandi á ótrúlega mikla möguleika að veiða upp á miðhálendinu. Mjög gaman getur verið fyrir fjölskyldur að fara saman til veiða og er þá ekki aðal atriðið að veiða mikið heldur til til að dvelja saman, sýsla við veiði, elda góðan mat og halda kvöldvökur eða spila á spil og tefla.Veiðikort eru þægileg og gefa möguleika á því að veiða víða en kortið kostar ákveðna upphæð sem gildir yfir sumarið.

Víða er hægt að leigja fjallakofa og vafalítð á það eftir að aukast að slíkir fjallakofar verði reistir við læki og vötn. Yfirleitt er orði þokkalega greiðfært um allar helstu staði á hálendinu. En fólk verður að gæta þess og virða það að aka ekki utan vega einungis í merktum slóðum. 

Það eru ýmis ævintýri sem gerast í veiðiferðum, fólk dettur í vatnið þessi eða hinn missti þann stóra og það þarf að vaða yfir læki á smáár. Slíkt getur verið nýr heimur fyrir borgarbörn og líður seint úr minni. Myndirnar eru teknar við Skammá á Arnarvatnsheiði og sést þegar yngrafólkið er ferjað yfir ána og svo þegar veiðifólk hugar að afla og veiðistöðum.

Veiðimyndakeppni, Syrpa 9

Er landbúnaðurinn gjaldþrota?

Í fréttinn er ekki fjallað um þann þátt sem snýr að efnahag búreiknisbúanna en samkvæmt búreikningunum eru þau með neikvæðan höfuðstól. Þ.e. þau skulda meira en eignum nemur. 

Lykil spurningin er því sú hvort þessir búreikningar endurspegli stöðu landbúnaðarins almennt í landinu.

Skoðum skuldastöðuna nánar samkvæmt skýrslunni: http://www.hag.is/bureikningar.html.

Kúabú.......................................................Eignir              33.591 þús

...............................................................Skuldir            55.854 þús

Höfuðstóll neiðkvæður um                                                 -22.263 þús

Sauðfjárbú.............................................. Eignir              12.618 þús

...............................................................Skuldir           14.370 þús

Höfuðstóll neikvæður um                                                   -1.752 þús

Blönduð bú............................................Eignir                 12.543 þús

.............................................................Skuldir              7.160 þús

Höfuðstóll jákvæður um                                                     5.384 þús

_____________________________________________________________

Verðhækkanir í fyrra bættu hag bænda