Morgunblaðið reifar tíðindi

Ég vil þakka Morgunblaðinu fyrir að koma með báðar hliðar á þessu máli.

Mér sýnist Framsókn komin í bullandi vörn með þetta mál.

Best væri að forsætisráðuneytið sendi dreifibréf inn á hvert heimili til staðfestingar í þessum málum.

Það er ljótt af Framsóknarmönnum að segja ósatt um frændur okkar, Norðmenn, og getur spillt fyrir þjóðarhagsmunum Íslendinga í framtíðinni og samskiptum landanna.

Ummælin fráleitur þvættingur

Óboðleg framsetning

Það er virðingarvert að allir reyni að nota áhrif sín til að vinna að hagsmunum Íslendinga í þeim erfiðu aðstæðum sem við erum nú bæði heima og erlendis.

Þó svo öll ákvarðanataka sé formlega  hjá framkvæmdavaldinum um lántökur og formleg samskipti er það ekki bannað að stjórnmálamenn leiti hófanna um aðstoð.

Ég veit náttúrlega ekkert hvað forsætisráðuneyti hafi gert varðandi bréfaskriftir við Norðmenn varðandi utanför Framsóknarmanna og hvert innihald bréfanna hefur verið. 

Það er tímabært að það sé upplýst svo hið rétta komi í ljós.

Framsóknarmenn verða að greina á milli annarsvegar eigin atkvæðaveiða og að skapa sér betri víglínu í pólitík og hinsvegar raunverulegra starfa að þjóðarhagsmunum.

Svo verður Morgunblaðið að vanda sig svo hið rétta komi í ljós. Það er enn þá blað allra landsmanna, er það ekki rétt eftir haft?

Mér finnst framsetning þessarar fréttar óboðleg og legg ekki trúnað á að hægt sé að panta bréf frá erlendu ríki sem þjóni einhverjum annarlegum tilgangi um skemmdarverk á íslenskum hagsmunum.

Jóhanna beitti sér gegn láninu

Beingreiðslur til hreyfimynda

Geta kvikmyndagerðarmenn ekki fengið beingreiðslur eins og bændur til sinnar starfsemi? Ef kvikmyndagerðarmenn geta sýnt fram á þjóðhagslega nauðsyn á kvikmyndagerð ber þeim skýlaus krafa á beingreiðslum?

Er þetta ekki orðin útflutningsvara og verðmætaskapandi?

Nú skilst manni að það þurfi að flytja út þriðjung af dilkakjötsframleiðslunni. Og á hvaða verði? 

Einhverju dumpingsverði. Væri ekki nær að láta hvern skattþegn fá dilkakjötspoka og einn bíómiða með skattapakkanum í ár? Svona af því að það er kreppa. Og til að hafa alla góða.

Það er nú líka list að lifa á engu. Og líka kátlegt að flytja dilkakjötið út á spottprís niðurgreitt af ríkissjóði þegar margir eru að verða svangir hér á landi.

En það eru bændasynir sem stjórna landinu núna, ásamt alþýðuforingjunum.

Vill endurskoða fjárveitingar til kvikmyndagerðar

Nýr Gamli sáttmáli

Þeir eru iðnir við kolann Framsóknarmennirnir. Þeim er full alvara með þessum lántökum hjá Norðmönnum.

Það má ef til vill segja að Framsóknarmenn í stjórnarandstöðu séu einu mennirnir sem starfa samkvæmt stjórnarsáttmálanum nú um stundir.

Norrænt velferðarkerfi, norskir peningar, ekki EvrópuIsaesave.

Við eigum allmikla sameiginlega hagsmuni með Norðmönum hér á Norður-Atlandshafi og að ráða þar mannaferðum ef til ótíðinda dregur svo og auðlindahagsmunir.

Samband okkar við Norðmenn þróaðist ekki á sínum tíma vegna þess að við lentum fljótlega undir Dönum.

Ef til vill endar þetta einhvern veginn  þannig að Bessastaðir verði losaðir úr ábúð og hér komi norsk-íslenskur landstjóri?

Og hirðmenn verði hér við hvert fótmál. Og útrásarvíkingarnir verða sendir til Ameríku eins og

Leifur heppni og friður færist yfir landið.

Mikill velvilji í garð Íslands

Alþingisstjórn

Pólitískir skylmingaþrælar hafa verið að atast í þingmönnum VG vegna þess að þeir eru með skoðanir á málefnum sem falla ef til vill ekki að stöðluðum hugmyndum. Gera menn að því skóna að VG sé að klofna og ríkisstjórnarsamstarfið sé við það að bresta.

Morgunblaðið á blogginu tekur undir hugmyndir eins bloggar um að best sé að Framsókn og Sjálfstæðisflokkur veiti VG brautargengi sem minnihlutastjórn.

Hvað þýðir þetta? Að reyna að koma ábyrgðinni á hruninu yfir á þá sem eru blásaklausir af öllum málum sem vörðuðu hrunið.

Ég tek ekki undir þessar hugmynd um minnihlutastjórn Vinstri grænna sem Morgunblaðið reifar.  Hún er mjög ósanngjörn gagnvart VG, að þeir fari að taka einir ábyrgð á stjórnarfarinu og láti leiða sig til slátrunar og er hugmyndin í raun hlægileg og væri hægt að hafa hana uppi á þorrablótum og kútmagakvöldum.

En það væri áhugavert að gera tilraun með raunverulega Alþingisstjórn. Alþingi kysi í ríkisstjórn með listakosningu á Alþingi. Flokkarnir bæru fram hver sinn lista. Allir yrðu að axla ábyrgð í hlutfalli við þingstyrk. Þetta væri þingbundin stjórn eins og kveðið er á um í 1. gr stjórnarskránni

Þetta væri ekki þjóðstjórn, heldur Alþingisstjórn.

Og þá yrðu hagsmunirnir allt í einu sameiginlegir, þ.e.a.s. að komast af í landinu og í gegn um þetta ástand. Stjórnin væri knúin með þessu fyrirkomulagi til að leiða mál til lykta.

Katrín: Lærum af kreppunni

Ísbirnir?

Ég sé ekki betur þegar grannt er skoðað með stækkunargleri en að það sé ungur ísbjörn á jakanum?

Hafís í Önundarfirði

Vormenn Íslands

Ungmennafélagið Breiðablik í knattspyrnu karla er orðið bikarmeistari í knattspyrnu í fyrsta sinn.

Breiðablik sigraði Reykjavíkurfélagið Fram í vítaspyrnukeppni . Þetta var ótrúlega spennandi leikur.

Þar sem áður voru kartöflugarðar og húskofar er risinn borg með háhýsum og með svona svaka flott knattspyrnulið.

Þetta er glæsilegt. ,,Það er gott að búa í Kópavogi", eins og karlinn sagði.

Til hamingju Blikar. Ungmennafélagshugsjónin hún lifi, húrra, húrra húrra.

Breiðablik bikarmeistari í fyrsta skipti eftir vítakeppni

Púðurreykur

Það væri nú æði skrítið ef fylgi Framsóknarflokksins ykist ekki við þær stjórnmálaaðstæður sem nú eru. Framsóknarmenn hafa verið iðnir við að sprengja púðurkerlingar og skjóta upp rakettum til að vekja athygli á sér.

Þannig ætluðu þeir að gefa öllum sem skulduðu fyrir hrun, afslátt af skuldum sínum sem miðaðist við dagsetninguna fyrir hrunið. Jafnvel bjargálna fólk átti að fá hluta skulda sinna  afskrifaðar.

Þá hef ég af því pat að Framsóknarmenn hafi verið í réttum í haust og vafalaust haft áhrif á einn og einn bónda sem var kominn yfir til VG.

Nýjasta útspilið er vera í förum milli Noregs og Íslands og segjast getað útvegað stór lán sem kemur svo á daginn að hefur aðeins verið spjall milli tveggja eða þriggja manna í Noregi. Eða eins og karlinn sagði; ,, Þar sem tveir menn eru komnir saman þar er Framsóknarflokkurinn."

Samvinnuarmur flokksins er í upplausn vegna ,, Gjafamálanna" svo varla eykst fylgið á þeim bænum. 

En ég get ekki leynt því að Framsókn er með frambærilegt fólk í forystu, en það eru náttúrlega málefnin og hugmyndafræðin sem skiptir máli.

Ég held að  að flokkurinn þurfi að gera upp fortíðina og skrifa pólitíska skuldaskilskýrslu til lúkningar fortíð sinn og hvað nákvæmlega fór úrskeiðis hjá honum. Ef hann gerir það ekki, þá er hann platflokkur til framtíðar að mínum dómi.

Fylgi Framsóknarflokks eykst