Gat skrifað bréf

Fram kemur í rökstuðningi stjórnar Bankasýslunnar og úttektinni að Páll gat skrifað bréf frá Bankasýslunni til Fjármálaráðuneytisins varðandi sölu á eignarhluta ríkisins í ákveðnum sparisjóði og hins vegar minnisblað til starfsmanna varðandi sama efni.

Páll kemur vel út úr mörgu en það kemur almennt ekki mikið fram hverja hann reyndi sig við eða hvort um hafi verið að ræða einhverja normalkúrfu sem stuðst væri við og hvar hann væri staddur á slíkri kúrfu. 

Margt er loðið úttektinni, sem ekki er hönd á festandi eins og það til dæmis að fullyrt er að Páll hafi sérþekkingu í banka- og fjármálum en það kemur hvergi fram í prófgráðum hans, þó han hafi drjúga haldbæra reynslu í ýmsum málum. Talið er að Páll geti orðið talnaglöggur í framtíðinni og hafi getu til að læra og tileinka sér hlutina.

Páll er B.A í guðfræði og með meistarapróf í stjórnsýslufræðum.

Margir guðfræðingar hafa verið góðir búmenn og má þar nefna síra Björn í Sauðlauksdal, síra Snorra á Húsafelli og síra Jónmund Halldórsson á Stað í Grunnavík.

Páll er ekki vígður maður en var aðstoðarmaður Valgerðar Sverrisdótti framsóknarráðherra og ekki er gott að átta sig á hvaða guðfræði var notast við í Framsóknarflokknum á þeim tíma í banka- og viðskiptamálum.

Metur rökstuðning

Dugleg þingkona

Þetta er slæmt slys og ég finn til með Siv. Sjálfur lenti ég eitt sinn að bráka fingur og missa í sundur afltaug. Þetta tekur nokkurn tíma að gróa. Ég segi stundu ef eitthvað kemur fyrir í mínu umhverfi, að það var gott að missa ekki höndina.

Siv er afar dugleg þingkona og málefnaleg í umræðum. Hún hefur mikinn kjörþokka, sem kallað er og er afar sannfærnadi ræðumaður svo að ég hef stundum verið kominn á fremsta hlunn með að ganga í Framsóknarflokkin en alltaf sagt á síðustu stundu, obb,obb, eins og Guðni hér um árið. En maður getur stundum leyft sér að vera áhrifagjarn svona þegar maður er að hlusta á þau í þinginu. En ég verð nú bara að halda mig við þetta blogg og halda sjálfstæði mínu eins og Bjartur í Sumarhúsum.

Siv er alltaf flott í tauinu og með glæsilegri konum í landinu, ég verða að segja það og er hálf feiminn við að segja það og læt konuna mína ekkert vita af því, en hún er nú líka glæsileg. En svona er nú lífið maður.

Ég vona bara að Siv nái sér sem fyrst. Lífið heldur alltaf áfram.

Siv braut þrjá putta

Hestaleiga eða flugvöllur

Ég er á móti því að Kínverjinn fá að kaupa óskipulagt víðlent landsvæði. Hann má kaupa Perluna fyrir mér eða lóðir á skipulögðum svæðum, en ekki hrátt óskipulagt land. Alveg sama þó iðnaðarráðherra segi að við höfum nægjanlega sterkt lagaumhverfi til að ráða för. Það er bara ekki svo. Við ráðum varla við að stjórna landinu nú eins og er.

Ég hef ekki trú á að hann ætli að vera með hestaleigu þarna og svoleiðis eins og talað er um.

Þetta mun byrja með því að það verður farið að tala um flugvöll, svona til að bændur geti farið í leitarflug og þá munu bændur á Jökuldal uppveðarast og telja það mikla snilld. Síðan verður verkalýðsfélaginu boðið í veislu og farið að tala um eitthvað stærra og fyrr en varir verðum við búnir að missa þetta út úr höndunum á okkur og kominn stór flugvöllur þarna.

Kínverjum  er brýn nauðsyn að ná fótfestu við Norður-Atlandshaf. Það hljóta allir að skilja. Þannig að þetta er stórpólitískt mál á Norður-Atlandshafi og varðar ekki okkur ein.

Ég er ekki á móti Kínverjum. Þeir eru iðjusamir og nægjusamir en hafa ekki smekk fyrir að menn hafi ríkar skoðanir. En þeir eru bestu menn eigi aðsíður.

Boðið að bæta við upplýsingum

Skýrsla um rjúpnaveiði

Maður er nefndur Högni Jensson. Hann var lausamaður í Svínavatnshreppi upp úr 1950 og gekk til rjúpna frá bæjunum Litladal, Stóradal og Syðri-Löngumýri í sömu sveit.

Ég var eitt sinn aðstoðarmaður hans og var þá 11-12 vetra. Alltaf hafði Högni rjúpu. Í minningunni var þetta svona 10-30 rjúpur á dag þegar viðraði. Rjúpnveiðitímabilið var frá 15. október til 22. desember.

Það undarlega við þetta var að alltaf var rjúpa á svæðinu. Fleiri menn gengu til rjúpna í sveitinni. Hygg ég að þarf hafi verið Svíndælingar og Bakásamenn.

Þegar ég horfi til baka finnst mér þetta merkilegt að alltaf hafi verið rjúpa á veiðisvæðinu fram undir jól.

Ég hef komið með þá kenningu fyrir sjálfan mig að á Auðkúluheiði var mikið um rjúpu sem menn áttu örðugt með að veiða vegna þess að vegaslóðarnir urðu fljótt ófærir og menn komust ekki til rjúpna þegar líða fór á. En þegar harnaði á heiðinni þá sótti rjúpan niður í bygg og fyllti í skarði þegar aðrar voru skotnar.

Eftir að samgöngur bötnuðu hafa menn almennt komist greiðara inn á hálendið og stráfellt rjúpuna á fáum dögum. Tvisvar hef ég farið ríðandi á Auðkúkuheið til rjúpna og var það meira gert til að upplifa það að vera við veiðar við þannig aðstæður. Svo er það líka léttara að bera sig um.

Ég hef aldrei verið magnveiðimaður. Veitt bara í jólamatinn og svoleiðis. Ég býst við að ég fari að taka upp þann háttinn við rjúpna spekúlasjónir að fara nota myndavélinna í stað byssunnar.

Veiði leyfð á 31 þúsund rjúpum

Ákæran tekin til efnislegrar umfjöllunar

Landsdómur úrskurðaði um frávísunarkröfu Geirs H. Haarde um að vísa ákæru saksóknara Alþingis frá Landsdómi í dag.

Úrskurðurinn féll á þann veg að liðum 1.1 og 1.2 var vísað frá dómi.

Eftir stendur þá í málinu til efnislegrar umfjöllunar liðir 1.3 og 1.4, sem varðar meinta vanrækslu í stjórnarathöfnum ýmsum sem of langt mál er að þylja hér.

Einnig stendur liður 1.5, eftir; Fyrir að hafa ekki fylgt því eftir og fullvissað sig um að unnið væri með virkum hætti að flutningi Icesave-reikninga Landsbanka Íslands h.f. í Bretlandi yfir í dótturfélag og síðan leita leiða til að stuðla að framgangi þess með virkri aðkomu ríkisvalds.

Þá stendur eftir liður 2, sem ákært er út af og er þar um  að ræða að ákærði hafi vanrækt að halda ráðherrafundi um mikilvæg stjórnarmálefni eins og skylt er samkvæmt 17 gr. stjórnarskrár, sem svo er frekar líst í ákæruskjali.

Meginefni ákærunnar stendur því eftir og er ómögulegt að ráða í það hvernig málið fer fyrir  Landsdómi.

Tveimur ákæruliðum vísað frá