,,Við borgum ekki skuldir óreiðumanna"

,, Við borgum ekki skuldir óreiðumanna", sagði Davíð Oddsson.

Vonandi er þessu máli lokið, þó ég hafi það á tilfinningunni að því sé ekki lokið.

Bæði er það að Hollendingar og Bretar ábyrgðustu og borguðu sparifjáreigendum miklu meira en innistæðutryggingin kvað á um (20 þús evrur).  Og verða nú ekki kátir með að sitja uppi með það.

Hvort þeir reyni að draga stjórnendur Landsbankans fyrir dómsstóla til ábyrgðar fyrir að hafa sogað sparifé þegna bresku krúnunnar til sín er ekki gott að segja til um.

Hlutafélagslöggjöf og bankalöggjöf þarf að endurmeta. Sparifjáreigendur hafa frekar fé sitt undir koddanum eða í læstum hirslu fremur að að fela það óreiðumönnum til varðveislu.

Svo er hin pólitíska hlið eftir  og hvernig þróast hún í framtíðinni milli landanna?

Það er spurningin?

Ísland vann Icesave-málið

,,Andlegur leiðtogi íslensku útrásarinnar"

Í ævisögu Ólafs Ragnars Grímssonar sem ber nafnið Saga af forseta eftir Guðjón Friðriksson sem kom út hjá Máli og menningu 2008 segir svo á blaðsíðu 463:

,, Í grein í breska blaðinu Observer í nóvember 2005 sagði um forseta Íslands að hann væri,, í forsvari fyrir eina kraftmestu fjárfestingarvél heims".112 Þar var átt við svokallaða útrás Íslendinga en Ólafur hefur frá því að hún hófst fyrir alvöru árið 1998 unnið náið með langflestum af helstu frumkvöðlum hennar og liðkað fyrir ýmsum meiriháttar fjárfestingum erlendis með alþjóðlegum tengingum, samböndum sínum og nærveru sem þjóðhöfðingi. Í leiðara Blaðsins 15. mars 2006 var Ólafur kallaður ,, andlegur leiðtogi íslensku útrásarinnar". 113"

Svo mörg voru þau orð.,, Já  miklir menn erum við Hrólfur minn"

Því má svo bæta hér við að Ólafur er höfundur Útflutningsleiðarinnar eða Grænu bókarinnar sem er nokkurskonar leiðarvísir hvernig útrásin á að ganga fyrir sig og hefur hann vafalaust notað hana sem forskrift við störf sín sem forseti Íslands.

Útflutningsleiðarinnar er getið í framangreindri bók á bls. 61 og naut Ólafur aðstoðar Más Guðmundsson hagfræðings, núverandi seðlabankastjóra.

Það er gömul saga og ný að þegar forustumenn þjóða eru komnir með allt niðrum sig heima fyrir og margt þar í hönk að þá er gjarnan notuð sú aðferð að ráðast á einhvern utan landsteinana til að draga athyglina fár eigin verkum.

Forsetinn ræðst að Gordon Brown

Eldgos hjá Vinstri grænum

,,Ég svar bara eins og ég svara" sagði Steingrímur í Kastljósi í kvöld og svo þegar þáttastjórnandi sagði ,, Og svaraðu þá maður" þá sagði Steingrímur bara ,,Málið er allt bara í umbúðum og ég svara bara í febrúar"

Það eru mikil eldgos hjá Vinstri grænum núna svo það er ómetanlegt fyrir þá að vera með jarðfræðing við stjórnvölina til að geta haft stjórn á gangi mála og engin týnist í eldinum.

Þetta er náttúrlega erfitt ástand með Jón svona að berjast fyrir málefnum VG einan með Ragnar Arnalds og Hjörleif Guttormsson hangandi á hurðarhúninum. Þetta er eldfimt ástand og eingin veit hvernig menn koma út úr þessum málum og erfitt að spá og þó sérstaklega að spá um framtíðina.

Jón Bjarnason er náttúrlega með þverustu mönnum enda af Pálsætt á Ströndu þar sem eru eintómir einyrkjar og margir þverhyggjumenn. En vissulega er hann að berjast fyrir mikilsverðu máli.

Á móti kemur að ríkistjórnin getur ekki sætt sig við að það myndist meirihluti í utanríkismálanefnda sem gengur á núverandi stjórnarstefnu og því varð að höggva á hnútinn og skipta um í nefndinni svo vilji stjórnarflokkanna tolli inni.

Svo er fonnemelsi yfir því að Jón greiddi ekki atkvæði með fjárlögum en Jón taldi að einhverjar sporslur væru þar inni tengdar ESB. En hann gat náttúrlega ekki búist við að fá kaupið sitt greitt á nýju ári ef fjárlög væru ekki samþykkt.

Þá var honum boðin nefndarseta í tveim nefndum og jafnvel formannstaða þar, ef hann yrði góður en það dugði ekki. Jóni eru nú allir vegir færir eins og forsetanum því hann er ekki nema einu ári eldri en hann og nú er mjög móðins að þannig kempur fari í framboð og alltaf er hægt að fá annað skip og annað föruneyti. Svo er náttúrlega hægt með vorinu að fara vestur í Bjarnarhöfn að veiða grásleppu. Það veit engin hvað gerist næst.

Jóni var boðið sæti í nefndum

Engin hatursáróður í garð Bakkavarabræðra

Eftir að hafa skoðað þetta mál sem fréttin upplýsir er ekki hægt að sjá að um hatursáróður sé að ræða.

Ritstjórinn er einvörðungu að upplýsa málefni sem er í umræðu líðandi stundar vegna Hrunsins.

Mér finnst ritstjórinn einmitt mjög málefnalegur. Leggur fram glöggar tölur máli sínu til stuðnings.

Það er rætt um lántökur og afskriftir og reynt að gera sér grein fyrir af hverju mál eru svona en ekki hinsegin.

Menn verða að þola opinbera umræðu og í svona ástandi geta fólk fengið á sig verulegar skrámur og byltur.

Viðkomandi aðilar áttu jafnan kost sem og aðrir að svara fyrir sig í viðkomandi athugasemdarkerfi en þar fer þessi umræða fram. Þeir hefðu getað leiðrétt ef eitthvað var missagt en kusu að gera það ekki.

Heldur er farin sú leið að stefna málinu til dómstóla sem ég hélt að að allir vissu að væri fullreynd og er bara kostnaður og tap af því samkvæmt nýlegum málum þar um, en virðist aðallega að mínu mati til þess fallin að hræða.

Það eina sem ég get séð er að bræðurnir eru kallaðir Bakkabræður en á væntanlega að vera Bakkavarabræður og verður sennilega að skrifast á fljótfærni.

 

Segja Inga ýta undir andúð

Áríðandi fundur með borgarstjóra

Mig vantar fund með borgarstjóra vegna Bjartrar framtíðar, út af því hvernig fólkið verði klætt í kosningarbáráttunni sem fram undan er og ýmsu smávægilegu sem varðar borgarmálefnin, svo ég freista gæfunnar með því að setja  eftirfarandi komment inn á facebook færslu hans.

,,Nei, það má helst ekki gera grín í jarðarförum svo sem með því að syngja ,,Við göngum svo léttir í lundu" þegar kistan er borin út ellegar að syngja ,, Komdu og skoðaðu í kistuna mína". Það er alveg bannað samkvæmt Jónsbók".

Meira var það nú ekki að sinni.

 

Borgarstjóri býður fund í verðlaun