Þorsteinn H. Gunnarsson

Glæsilegar umræður í sjónvarpinu. Sósíalistinn kom á óvart.

Afar gaman að horfa á foringjana svara fréttamönnum á sjónvarpsfundinum. Mér fannst allir koma vel fram, kurteisir og án þess að gjamma fram í fyrir öðrum. Fundurinn vel skipulagður og gaf stjórnendum gott færi á að að hafa stjórn og geta neytt síns myndugleika og sett tímamörkum sem fundarmenn neyddust til að taka mark á. Með því að skilja fundarborðin svona í sundur og hver hefði sitt rými kemur í veg fyrir eins og maður hefur séð að fundarmenn geti farið fram fyrir hvern annan og raunverulega bolað viðkomandi í burtu. Það hefur gerst á svona fundum þar sem fundarborðið var samfellt.

Að því að Miðflokkurinn er með þessa skynsemishyggju í forgrunninn þá virðist Sigmundur Davíð líta þannig á að hann sé sá skynsamasti. Í barnaskóla í gamladaga þá voru þeir sem gátu ýmslegt í námi og leik fengið eina umsögn frá einni skólasystir minni sem kallaði, hann er ofviti þessi. Sigmundur alveg skynsamur en hann er ekki ofviti. Hann má ekki fara að halda það sjálfur.

Allir eru skynsamir en misjafnlega skynsamari. Stjórnmálamenn nú til dags eru í miklu betri færum að láta athuga mál djúpt en var í gamla daga og fá réttar lausnir fram sem er hægt að framkvæma, en þegar menn urðu að stóla á hyggjuvitið. Þess vegna má það undrun sæta að þjóðfélaginu sé ekki betur stjórnan enraun

Sigurður Ingi talaði vel um útlendingamálin og hefur skynsamlega sýn á þau eins og friðelskandi maður á að hafa. Stjórnendurnir unnu vel saman og höfðu vald á fundinum. Inga Sæland er sjálfsprottin kanóna, eins og fólk var hér í eina tíð, beitti blýantinum af list.

Yndislegt þegar þau vor sett í það að hæla hvort öðru og tala vel hvet um annað. það var got atriði. Lauk fundinu bara vel.

	Ný könnun: Fylgi Viðreisnar eykst og eykst
Ábyrgðarmaður færslu Tilkynna um óviðeigandi tengingu við frétt

Ástæðulaust að gera at í íslenskunni. Frekar að finna rétt orð.

Tómthús er tómt hús. Tómthúsmaður þýðir maður sem býr í þorpi, á einhvern búsmala, en hefur ekki byggingarbréf fyrir jörð. Hefur ef til vill einhverjar grasnytjar og vinnur alla vinnu sem býðst, en er hvergi fastráðinn. Verður sem sagt að treysta á guð og lukkuna en mest á sig og sína fjölskyldu.

Það þarf að finna nýtt orð sem getur skýrt vel hvað orðið eða hugsanlega "skattur" .þýðir. Ég ætla mér það ekki. En af hverju þarf að leggja skatt á ónotað íbúðarhúsnæði? Getur húsnæðisnefnd sveitarfélagsins ekki fengið einhverja fjölskyldu til að óska eftir leigu á íbúðinni og styðja fjölskyldun til að fá afnotarétt að íbúðinni og fylgja því eftir að leigan sé í takt við efnalega stöðu fjölskyldunnar, en ekki einhver risahá markaðsleiga. Og ef eigandinn er með einhvern kjaft þá að búa svo um hnútana um málið að sýslumanni sé skylt að bera viðkomandi inn. Sem sagt það væri hægt að fara í báðar áttir,bera fólk út og inn. En til þess þarf reglu svo eigandinn beri ekki skarðan hlut frá borði.

Á nesi undan Folafæti sem er út af fjallinu Hesti hátt og tignarlegt og sést um allt Djúp í Ísafjarðardjúpi var þekkt tómthúsmanna byggð. Nokkrar grasnytjar voru þar,notaðr í samvinnu. Gnægð af ísu inn í Ísafirði sem er innsti fjörður í Ísafjarðardjúpi. Þangða sóttu íbúarnir, en mikið magn var þar af rækju sem er góð fæða ísunnar, en ísan er í raun hræ æta. Þarna var betra veður og hægara að fara á miðin þótt út í Djúpi væri hærri öldur og erfiðara að sækja sjóinn. Þarna má sjá uppistandandi rústir og vegghleðslur sem er hæg að skoða með því að rölta inn eftir og er forvitnilegt að sjá. Á þessum slóðum bjó afi minn Magnús Guðmundsson og kona hans Karítas SKarphéðinsdóttir baráttukona í verkalýðsstétt. Afi Magnús var kallaður fori því hann var forsöngvari 15 ár við Eyrarkirkju í Seyðisfirði vestari.

	Tómthússkattur og aðgerðir gegn Airbnb
Ábyrgðarmaður færslu Tilkynna um óviðeigandi tengingu við frétt

Klæðnaður í íslensku veðri

Það var mikið rætt um klæðnað í forseta kosningunum. Kandidatarnir til forseta voru yfirleitt klæddir í dáfögrum fötum. Það var mikið rætt um nýja tísku og þegar Halla Tómasar fór að vefja sig flottum klútum og því haldið fram að það væri ný tíska.

Það er nú kannske ekki hægt að segja að þetta sé eitthvað nýtt. Við sem fórum á þrjú bíó árin 1950-1960 tókum alltaf vel eftir því hvernig kúrekarnir voru klæddir og tókum eftir þessum flottu klútum. Mig minnir að Roy Rogers hafi alltaf verið með rauðan klút.

Aftur á móti voru gagnamenn á Auðkúluheiði oft með klúta í göngum til að verjast sól, ryki og núningi, annars góðan trefil og í anúrrökkum eins og Gænlendingar klæðast. En meginreglan til að mæta misjöfnu veðri er að segja við sjálfan sig, þú hleypur ekki heim eftir fötunum.

Skoðum nú myndina sem fylgir þessari frétt. Á henni eru allir vel klæddir hver með sínum hætti. Frakkar allir í réttri sídd.

Bjarni er fínn á þessari mynd enda kann hann sem íbúi í landinu vel á veðrið. Hvítri skyrtu og dökkt bindi og hnepptri, hlýrri peysu, mátulega þunnri og upp í háls sem og dempar hátíðleikann á bindinu og skyrtunni sem er rétt við þessar aðstæður. Og vera í þessum fína græna regnhelda jakka. Toppurinn eru skórnir, svona góðir gönguskór. Rauðu reimarnar fara vel við gönguskóna og þeir duga vel á fjöll, þó enginn af aðkomumönnum fari á fjöll, þá væri Bjarni ekki í vandræðum með að ganga á Esjuna.

Selenensky er í sínum hefðbundnu fötum til að minna á við hvaða aðstæður hann býr og hans fólk. Svona klæðnaði var Fidel Castró, Che Guevara og þeir aðrir skæruliðar þeim tengdir.

Eitt vantar á klæðnaði þessara manna, eitthvað sem minnir á frið. Það væri hægt að gera merki alþjóðlegt hvítt sem minnir á frið, því það er aðalatriðið. Oft er á búningum stétta svo sem, skipstjóra, lögreglustjóra eða yfirmanna alskonar. Þeir hafa strípur á öxlum og ermum til að þeir séu þekkjanlegir frá almenningi og lýsir hvað stöðu þeir gegna.

Ég legg til hvítan skúf í peysu eins og stendur í kvæðinu eða kögur á öxlum. Allt hvítt til að minna á friðinn sem við þurfum svo sannarlega á að halda.

Þá mætti vel láta gera barmmerki sem væri á hendi hinna Sameinuðu þjóða og almenningur mætti bera.

	Kuldahrollur á Þingvöllum
Ábyrgðarmaður færslu Tilkynna um óviðeigandi tengingu við frétt

Fátækleg orð leikmanns í tilefni kosninga, vinnubrögð og úrlausnir eftir talningu

Það gengur mikið á, á stjórnmálavettvanginum. Flokkar hafa knappan tíma til undirbúnings á að koma listum saman og 1000 manns með hreint sakavottorð þarf til að koma og mæla með listum og vera á listum. Sumir skildir eftir í reiðileysi og ekki uppfærðir í sínum þingsætum og hafa ekki komist til kjósenda sinna. Margt minnir á skelfilegt gos og ringulreið. Hvað kemur út úr þessu? Hópur af fólki sem er komið sem alþingismenn og varaþingmenn margt ágætra kvenna og karla og ekki að gleyma að samþykkja kjörbréfinn.

Það verður ekkert auðvelt að fara að stjórna fólki mismunandi kostum búið til þess að stjórna og sjónarmið ólík.

Upphaf og ráðherradómur

Startið getur orðið erfitt að koma skipulegu starfi að þar sem margir eru með heilann fullan af hugmyndum og óþreyjufullir að gera mikið gagn.

Ráðherrar að fara í sín ráðuneyti og hver afhendir lyklana? Svo verður að koma nýjum ráðherrum inn í málin og kynna þá starfsfólki. Ráðherrar geta lítið spekúlerað í bréfum sem eru að koma úr ferlum og ákvarðanatöku og verða að komast sem fyrst út.

Passa sig á að vera ekki að lesa flóknar skýrslur frekar að fá stutta úrdrætti til að glöggva sig á. Því tímaleysið kann að ríða húsum og erfitt að það verði kraðak og flýtirinn yfirtaki ráðuneytin.

Þá þarf að átta sig á ráðherraábyrgðinni, því þar er hættan, vont að fara ekki með nákvæmni í þeim efnum. Auðvitað eru flestir sem gefa sig að þessum málum búnir að lesa stjórnarskrána, vel og vandlega.

Þá er það úttektin, varasamt er að taka við stjórninni ef ekki fer nokkuð nákvæm úttekt fram á landshögum þegar tekið er við. Það verður að vera nákvæm skýrsla á öllum þáttum þjóðfélagsins eins og kostur er svo ekki sé hægt að klaga á eftir.

	„Frægt fólk getur líka gert mikið gagn“
Ábyrgðarmaður færslu Tilkynna um óviðeigandi tengingu við frétt

Samþykkt fjárlagafrumvarps er afar mikilvægt fyrir áramót. Það stjórnar svo mörgu.

Aðalatriðið er að fjárlagafrumvarpið sé samþykkt án illinda því það stjórnar svo mörgu. Það virðist alltaf vera einhver hugtakaruglingur í gangi með þessa blessaða stjórnarskrá. Það er ofmælt að landið verði stjórnlaust þó svona breyting fari fram. Ráðherrar ráða ekki miklu, það eru lögin sem stjórna landinu, götuvitar halda áfram að loga og umferðarljós stjórna umferðinni, sýslumenn og flest kerfi virka. Höfuð atriði er að fjárlög séu samþykkt fyrir jól. Allir þurfa að fá kaupið sitt svo hægt sé að kaupa jólagjafir. Ég vissi ekki að forseti gæti skipað starfsstjórn. Hélt að hann legði fram beiðni um að stjórnin sæti áfram, sem sagt beiðni. En allt í lagi með það. Hver ræður sínum næturstað.

Ég man þá umræðu hér í gamladaga að alþingismenn gátu lent í því að kaupa jólagjöf fyrir bóndann svo frúin fengi jólagjöfina. Bændurnir eru í önnum á þessum tíma að slást við hrútana. Það er fallegt kvæðið um hrúta eftir Guðmund Inga á Kirkjubóli í Önundarfirði í bókinni Sólstafir.

Mynd.

Þér hrútar,ég kveð yður kvæði.

Sjáið virðinguna sem hrútunum er sýnd, þeir eru þéraðir. Vonandi gengur þetta hjá alþingismönnum að klára fjárlögin, með sæmilega hýra brá og fara vel hvor að öðrum og það verði sæmilegur friður á aðventunni.

	Ágætur samhljómur um að klára fjárlög
Ábyrgðarmaður færslu Tilkynna um óviðeigandi tengingu við frétt

Lukkuriddarinn Össur kallar gamla Alþýðubandalagsmenn ræfla

Össur er svolítið eins og Gáttaþefur og þefar út í loftið og reynir að fara um þar sem helst er að hafa skjól og björg. Ég kyngi því ekki að Alþýðubandalagsmenn séu ræflar, það eru ómakleg stóryrði. Yfirleitt er það fólk duglegt sem að bjargar sér í hörðum heimi.

Það var gaman hérna í gamla daga, að Össuri í Alþýðubandalaginu, sérstaklega þegar hann var að hlaupa um með lyfseðlana fyrir Ólaf Ragnar. Það var þannig að á stórum samkomum sem stjórnmálaflokkar efna til og þar þarf að kjósa einhverja fulltrúa í nefndir sem einhverju ráða þá var það svoleiðis að stundum voru óvanir menn að koma á landsfundi og voru þá ef til vill ekki búnir að ákveða hvernig skyldi kjósa. Þekktu ef til vill ekki marga og reyndu að afla sér vitneskju um fólk sem skynsamlegt gæti verið að kjósa sér vopnabræður. Þá fór lukkuriddarinn af stað með lista til leiðbeiningar landsfulltrúum. Seðlar þessir voru kallaðir lyfseðlar í gamni og Össur spólaði um borð og bekki. Nonni minn, ert þú búinn að greiða atkvæði og hvar er Gunna? Hér er ég með lista af úrvalsfólki sem tilvalið væri að kjósa og svona sveimaði Össur eins fálki um fundarsvæðið eins og fálkar gera. Sjálfstæðisflokkurinn er með svoleiðis fugl í flaggi sínu sem er flokksmerki hans. Miðflokkurinn er með graðhest á sínum fána, það er einhver arfur frá Kráardrykkjunni hér um árið.

Nú eru framantaldir flokkar komnir á tvísýna braut og farnir að kjósa á móti sjálfum sér og vitna ég þar til nýafstaðinna forsetakosninga. Og á ég við þetta nýja lýðræði sem erftt er að útskýra, að kjósa einn til að hrinda öðrum. Og eru umkomulausir og hafa engan til að stýra förinni að því að talið er og Katrín gengin á braut. Eitt er víst að það verða margir bardagar háðir, Guð hjálpi þeim sem lenda í forkosningu eða svokölluðum prófkjörum. Þar þýðir ekkert að kjósa taktískt, því þá getur allt farið í voll og stympingar langt út fyrir væntanlegar alþingiskosningar.

Auðvitað á Katrín að leiða starfsstjórn það er mín skoðun.

Sauðmeinlaus

þjóð horfir á grimmd sína

speglast

í vængjum fugls sem hún megnar ekki

að reyta.

Stefán Hörður Grímsson

	Segir Svandísi bera ábyrgð á stjórnarslitunum
Ábyrgðarmaður færslu Tilkynna um óviðeigandi tengingu við frétt

Gög og Gokki

Þessir nýliðar vita ekkert hvað lykkjur og gildrur er verið að leggja fyrir þá, svipurinn minnir á Gög og Gokka, sem léku i skrípamyndum, hér í denn.

Er ekki bara verið að stunda stjórnamál? Ekki alltaf að segja já og amen. Nóg er nú saumað að ríkissjóði í endalausri skuldasöfnun.

Hvað gerist ef skuldir vaxa yfir mörk. Þá verður uppboð og við lendum í vandræðum? Hver á að borga þjóðarhöllina? Hvaða bobba er hægt að s setja Sjálfstæðisflokkinn í, Bjarni kemur bara, bjarteygður og hristir alla bobba af sér. En það eru allir að missa fylgi, nema Samfylkinginn.

Held að það verði nauðsynlegt að taka einn Magnús frá Mel á þetta, en það var góður fjármálaráðherra. Friðrk Sophusson var líka ágætur minni mig. Báðir úr Sjálfstæðisflokknum. Nú virðist engin vita hvað er debet eða kredet, bara göslast áfram og kunna ekkert að reikna, en mikið er búið að reyna á ríkissjóð og þanþolið er ekki lengur til staðar. Svoleiðis liggur málið.

Ölfusárbrúinn komin á eindaga og bæjarstjóri búinna að finna nýja leið fyrir Sunnlendinga með því að laga Þrengslin. Þessi brú er mjög falleg og hreint listaverk, en það er ekki verið að biðja um það heldur praktískar samgöngur. Góð hugmynd að skipta brúnni og hafa veg stubb í hólmanum og þar gætu flóð farið um ef hækkaði í ánni, en ekki skemmt brúna eins og oft hefur nærri því við legið við þar sem eru hengibrýr.

Margir hafa orðið vitni af aðstæðum sem skapast við hengibrýr í vatnavöxtu þegar vatn rétt skríður undir þær með íshröngli.

	Svandís muni pína Sjálfstæðisflokkinn
Ábyrgðarmaður færslu Tilkynna um óviðeigandi tengingu við frétt

Foreldrar mínir Gunnar Arnbjörnsson og Aðalheiður Magnúsdóttir. Hún ætti afmæli í dag, en er nú kominn í sumarlandið.

Foreldrar mínir.

Faðir: Gunnar Sigursveinn Arnbjörnsson f.22. maí 1912 að Hlíðarenda Borgarnesi. Bifreiðarstjóri og sjómaður Reykjavík. D.14 apríl 1970.

Móðir: Aðalheiður Magnúsdóttir f. 3.okt.1915 á Gunnarseyri, Skötufirði N- Ísafirði.d.2.ágúst 1979 Maður 2. Jón Guðmundsson, skipstjóri Súgandafirði. Maður 3. Magnús Helgason, sjómaður bifreiðarstjóri og refaskytta Grindavík. Húsfreyja í Grindavík og Reykjavík. Kaupakona að Hvanná 1930 þá 15 ára og það lá vel fyrir henni að syngja Selja litla fæddist fyri vestan ljóð eftir Guðmund Inga Kristjánsson bónda Kirkjubóli Bjarnadal Önundarfirði. Lag eftir Jón frá Hvanná. Móðir mín og faðir bjuggu saman í Reykjavík og áttu 5 börn, Halldóru, Kristbjörgu, Birgi, Þorstein og Arnbjörn. Heimild: Pálsætt á Ströndum.

Hvað á barnið að heita?

Held að það gæti verið snjallræði fólks sem stundar stjórnmál að nefna (skíra) börn, Gleym-mér-ei. Smátt og smátt værum við komin með flokk sem væri vel sjáanlegur.

Gæti útrýmt að ástæðulaust væri að kljúfa eða stofna nýja flokka. Um þessi mála væri þá samið um í fermingar og giftingarveislum og erfidrykkjum. Þetta mundi auðvela allt stjórnamálavafstur.

Auðvitað er það kitlandi fyrir foreldra að nefna börn margbreytilegum nöfnum og hafa sjálfstætt val um það og þurfa ekki að eltast við ættarnöfn. Íslendingar hafa mikið sótt í að nefna eftir horfnum ættingjum o.s.frv. Stundum getur það orðið tog en ekki endilega ósætti í fjölskyldum þó einhver fá ekki nafnið sitt.

Eitt sinn ætlaði ég að stríða bróður mínum að það væri enginn nefndur eftir honum, og glamrað með það að ég væri kominn með nafna, en ég heiti Þorsteinn Hallgrímur og er kominn með einn Þorstein H. Bróðir minn snéri sig listilega vel út úr þessu. "Vitleysa er í þér Þorsteinn, það er alveg hellingur af nöfnum sem ég á. Arnbjörn heiti ég og það eru margir með millinafnið Örn." Litli bróðir hafði betur í þessari snerru okkar. Hann er nú látinn og er okkur auðvitað kær með þetta stóra og myndarlega nafn og er það komið í umferð og dekkar

ættar höfðingjan Arnbjörn Árnason sem var meðal stofnenda Borgarness

Hulda á Höllustöðum tjáði sig eitt sinn við mig um nöfn þegar ég var í farskóla á Höllustöðum. Það ætti ekki að kalla börn gælunöfnum. það mætti ef til vill gera þegar þau væru lítil, en ef viðkomandi væri með flott nafn þá væri betra að það vendist að kalla það fullu nafni.

Á hernámsárunum voru tekin fram stutt falleg gælunöfn eins og Dollý, Bíbí, Sísí og Dítý. Það lagðist misjafnlega í fólk en þótti smart. Ef til vill blandaðist hernámspólitíkin eitthvað inn í þetta. Trúlega.

Svona væri hægt að skrifa ritgerðir og hafa vafalaust verið skrifaðar lærðar ritgerðir um nöfn okkar og er það vel að það veki áhuga alltaf þegar barn er nefnt (skírt).

	Magnús og Aðalbjörg eignuðust dóttur
Ábyrgðarmaður færslu Tilkynna um óviðeigandi tengingu við frétt

Þjóðfélag sem er með lappirnar upp í loftið; afvelta.

Lögreglustjórinn á Norðurlandi eystra er búinn að hanga á þessu byrlunarmáli eins og hundur á fiskroði í um fjögur ár. Á þeim tíma hafa meintir sakborningar mátt þola allt sem slík staða bíður upp á, harm og vanlíðan tekjumissi og mikla sorg.

Hvað verður gert til að sporna við því að sjúklingum verði byrlað eitur ef þeir verða veikir í heilbrigðiskerfinu? Setja lögreglustjórann í vaktina á Landspítalanum. Ég sé ekki hvað getur gerst í þessu máli.

Hvað um útlenda hlutann í málinu? Almennilegir blaðamenn settir í handjárn og verða að skrifa með munnninum. Þetta er satt að sega mjög ótótlegt mál. Og hver tekur við að upplýsa málið.

Hér er allt í vitleysu og best að hætta þessu og kjósa nýtt fólk allstaðar.