Blokkir myndaðar

Margir mánuðir hafa farið í það að mynda blokkir og fylkingar og úthugsa leikfléttur hjá Framsókn

Sveinbjörn sæðingarstjóri er fenginn til að lýsa yfir framboði til að knýja á um kosningu svo það sé kýrskýrt eins og við sæðingamenn segjum, að það verði kosið. Það framboð er skilyrt um að ef betri kandidat birstist út úr þokunni þá dregur hann framboðið til baka. Svo birtist Sigurður Ingi þrekvaxinn út úr þokunni, og þá kemur mærin úr Kraganum og lýsir yfir framboði til varaformanns eeeeeeeeeeeeeeeeeeeeeeeeeeeeefffffffffffffffffffff Sigmundi Davíð verði slátrað.

Þetta er að verða eins og í Sturlungu að menn ríða heiðar til að farga andstæðingum sínum. Samanber þegar Kolbeinn ungi reið Arnarvatnsheið og Tvídægru til að elta uppi Þórð Kakala en Þórður  slapp á Löngufjörum vegna þess að það var orðið of hátt í álnum og Kolbeinn treysti sér ekki yfir.

Myndin er af reiðmanni að fara yfir álinn á Löngufjörum.

Þannig fer Sigurður  Ingi Holtavörðu og Öxnadalsheiði norður og yfirgefur þingflokksfund Framsóknar þar sem verið er að ræða forustumálin. Þá fær Sigurður rússneska kosningu í sínu kjördæmi eins og Sigmundur í sínu kjördæmi. Það glamrar í vopnum og skildir eru nagaðir eins og var á Þingvöllum í den.

Og Guðni alsherjargoði  og allt um ráðandi innanbúðar í Framsókn stendur baksviðs með Njáluhandrit og leiðir fólk um þær slóðir.

Síðasta afbrigðið verður að Lilja Alfreðs lýsir yfir  framboði til varaformensku  til að styrkja Sigmund Davíð.

Myndin er af amerískri drossíu.

Eygló stefnir á varaformanninn