Húnar á Húnaflóa

Í Vatnsdælasögu segir frá því að Ingimundur gamli landnámsmaður á Hofi í Vatnsdal ákvað að fara til Noregs og heyja sér húsavið í bæ sinn.

Þar segir: Þetta haust voru íslög mikil  og er menn gengu ísana þá fundu menn  birnu eina  og með húna tvo. Ingimundur var í þeirri ferð og kvað það Húnavatn heita skyldu ,, en fjörður sá  er flóir af vötnum, hann skal heita Vatnafjörður"

Líta verður svo á að landsvæðið hafi dregið nafn sitt af þessum atburði og heitir Húnavatnssýslur og flóin Húnaflói.

Við landnám er líklegt að ísbirnir hafi verið landdýr með nokkuð fasta búsetu. Eru til ýmsar sögur í aldanna rás af viðureign íbúa við ísbirni. Líklegt er að ísbirnir hafi svo hrakist frá landinu þegar landið byggðist.

Þegar Ingimundur fór til Noregs hafðan hann bjarndýr með sér, væntanlega annan húnin. Gaf hann Haraldi Noregskonungi.

Myndin með færslunni er eftir Baltasar og efnisinnihaldi sótt í frásögn Vatnsdælu af þessum atburðum. Myndin er hluti af myndaröð sem Baltasar málaði, svokölluð freska og er uppsett á Húnavöllum í Húnavatnshrepp. Birt með leyfi höfundar.

Líklega ekki ísbjörn heldur Árni Björn

Athugasemdir

[Anna Sigríður Guðmundsdóttir, 11.7.2012 kl. 15:37]

Takk fyrir söguna Þorsteinn. Ég tortryggi sögurnar, og hef einhverja óþolandi þörf fyrir sannanir um þær, hvort sem þær fjalla um landafræði eða trúarbrögð. En þessi saga þín finnst mér standast rökskoðun, þótt sannanirnar skorti. Örnefni hafa mjög líklega orðið til vegna atburða.

Landið/löndin væru lítils virði, ef þau hétu ekki neitt, og hefðu ekki sögu sem kenna okkur hvers vegna nafnið er til komið.

M.b.kv.