Ódýrt fyrir ríkið að standa á hleri

Það hefur nú alltaf verið talið siðlaust að standa á hleri eða hafa hurð hálf opna og heyra hvísl. Eitthvað er til af málum þar sem lögreglana var að hlera stjórnmálamenn í gamladaga. Er búið að bæta það?

Auðvitað hefur hálf þjóðin verið alinn upp við það að hlusta í gamla sveitasímanum. Ein stutt ein löng og ein stutt og það kostaði ekkert að hlusta.

Það varð jafnvel til heilt mál út úr þessu, þ.e.a.s.,talmál sem kallaðist rósamál. ,,Já þú veist þessi á græna jeppanum hann var nú að digga við þessa sem var í nýju svörtu strechbuxunum  frá Kaupfélaginu þú veist.

En að 10 millur detti niður í 300 þús er náttúrlega alveg til skammar.

Í leikhúsum eru oft hvíslarar. Ætli ríkið sé eitthvað að hlusta þar umfram það að ráðamenn bregði sér á sýningar.

En ég veit um einn mann sem titlar sig hvíslara í símaskránni. Það ætti ef til vill að reyna að hlera hann.


mbl.is Ríkið dæmt til að greiða Hreiðari bætur
Tilkynna um óviðeigandi tengingu við frétt

Er það rétt stefna að þjónustuveitandinn eigi ekki biðskýlin?

Það er tímabært að velta því fyrir sér hver eigi að eiga biðskýlin?

Picture_0073Nú liggur fyrir að þessi þáttur í almenningssamgöngu er í hálfgerðu uppnámi. Ef ekki nást samningar þá fara skýlin. Þetta er svona eins og bóndi sem á dráttarvél en á undir öðrum komið hvort hægt sé að slá áréttum tíma vegna þess að hann á ekki slátturvél. Þess vegna leitast allir góðir búmenn við að eignast hvortveggja. Hitt er líka þekkt að eiga með öðrum sem lukkast stundum en veldur oft ágreiningi eða að kaup verk í verktöku, sem getur oft sparað mikla fjárfestingu.

 Þegar dönskuskýlin komu þóttu þau mjög falleg og féllu vel inn í umhverfið. Mikið af gömlum biðskýlum losnuðu og voru tekin heim , gert við þau og máluð. Þau komu svo vel að notum í nýjum hverfum.

Sauðarkrokur og S-Þing 074Dönsku skýlin geta verið ágæt inn í þéttri byggð þar sem byggingar brjóta veðrið og gefa skjól, en ekki á berangri.

Nokkuð var talað um að svona opin og súg gjörn biðskýli hentuðu ekki hér á norðlægum slóðum. Mikil afföll og skemmdir hafa verið á dönsku skýlunum og er ótrúlegt hvernig skemmdarvargar hafa komist upp með það. Oft hefur það verið að því er mér skilst vitað innana unglingahópa hverjir standa að þessu og innan skólaveggja, en erfitt að upplýsa því engin vill upplýsa af hræðslu við að vera settur út í horn af vinum og félögum.

Kópavogsbær hefur gert nokkuð að því að kaupa ný glerskýli og reka þau sjálfur og það er mín skoðun að það sé farsælla til lengri tíma litið. Það er eins og meira ráðaleysi ríki í Reykjavík varðandi þessi mál en í Kópavogi. Viturlegt hefði verið að hafa sólarlagsákvæði í samningnum um dönsku skýlinn að þegar hann væri útrunnin væri hægt að kaupa þau á staðnum efti matsverði dómkvaddra manna.

Sumarleyfi 2010 Flatey til Hveravalla 104Biðskýli á biðstöð er alger forsenda að almenningsamgöngur virki og þessi þáttur hefur setið svolítið á hakanum og ekki batnar ástandið ef hér skellur á biðskýlakreppa og einungis staurin stendur eftir og lítið skjól í honum og farþegar þurfi að standa í höm eins og hross í vondum veðrum.


mbl.is Reyna að semja um skýlin í borginni
Tilkynna um óviðeigandi tengingu við frétt

Málsbætur strokufanga og mál Jóns Hreggviðssonar.

Þetta er allt hið merkilegasta mál og virðist flóttamaðurinn hafa sér málsbætur. Gæsluvarðhaldið runnið út og þá er eins og það komist á aftur að sjálfsdáðum þó téður dómari taki sér frest eða lúr eins og ég mundi orða það. Hér er auðvitað gott tilefni til að skoða gang svona mála og vinnubrögð hlutaðeigandi yfirvalda. Það gerist ekkert að sjálfu sér og að venjur geti orðið til að frelsissvifting verði lögleg er hæpið. Annað hvort eru menn frjálsir eða ekki frjálsir.

2015-08-30 13.42.13Einn góðkunningi yfirvalda var eitt sinn á ferð á þessum slóðum Jón nokkur Hreggviðsson bóndi á Reyn á Akranesi nánar tiltekið í Rotterdam og má lesa skýrslu um það mál í Íslandsklukku gamla mannsins á Glúfrasteini á blaðsíðu 94-102. Hann var þar á leið til kongsins vegna hugsanlegra dráps á böðli kóngsinn sem talið er hafa átt sér stað um nótt í mýri einni fyrir neðan Galtarholt á leið upp í Munaðarnes sem þjóðin ekur iðulega framhjá en veit ekkert um mýri þessa og ætti raunverulega að setja bílaplan og sýna túristum mýri þessa og helst að moka ofan í alla skurði svo mýrin verði hin eðlilegasta og vettvangur sannur.

Nú, nú, þar er komið sögu Jóns að hann er orðin mjög svangur. Hann átti pening og gat borgað fyrir sig og leitaði til konu nokkurrar og gaf hún honum vel að borða. Á eftir sarð hann konuna, eins og margir samlandar hans hafa gert á þessum slóðum í gegn um tíðina.

Það er vonandi að Sindri strokufangi fljóti á sínum málsbótum og allt þetta mál verði áminning að fara að réttum lögum við fólk. En auðvitað er þetta mál mikið dýpra þar sem þessar tölvur hurfu sem eru mjög verðmætar að sagt er.


mbl.is Sindri væntanlegur á næstu dögum
Tilkynna um óviðeigandi tengingu við frétt

Það er komin nál og svo er sprungið út á hrísi

2014-10-11 17.27.03Ef heyskortur var yfirvofandi og skuld í kaupfélaginu, þá gat nú syrt í álinn hjá bændum hér í den tid. Þá var úrslitaatriðið að nálin kæmi sem fyrst upp, en það var kallað þegar fyrstu grænustráin sáust upp úr ljósum sverðinum vanalega var þetta vallarsveifgras túnvingull eða háliðagras. í þessum grænu stráum var ógnar fóðurkraftur og gerði sauðkindinni gott og fór hún því að taka við sér og svo þegar farið var að setja margt á takmarkað tún var sagt ,, og ég held að það vaxi upp í kjaftinn á þeim", svona voru bændur bjartsýnir framm í rauðan dauðan.

2012-09-28 10.51.49Einlembu gróður var kominn í úthaga þegar sprungið var út á hrísi, fjalldrapa og þá var um að gera að ryðja geldfé hrútum og einlembum út fyrir túgarðinn og lát fénaðin dorra til fjalla og bóndinn anda léttar. En þá var það lágfóta sem var óvinurinn, sem gat ráðist á veikburða fénaðinn. Oft studdist beitinn við græna kólfa mýrarstör frá fyrra árið sem fénaðurinn elti undan klak keldum sem voru að þiðna og var með nokkuð fóðurígildi í, sem þarf að rannsaka, þó það hafi ekki búfræðilega hagnýtt gildi nú á dögum þegar gnægð heyja er sem betur fer víðast hvar þó fréttir berist enn af horfelli í landinu.

Sumardagurinn fyrsti var mikill hátíðisdagur til sveita. Meira haft við í mat og drykk. Sérstaklega var bakkelsi vel útilátið.

2012-09-28 11.23.43Fóstra mín sagði mér að farið hafi verið í leiki þar sem hún ólst upp þ.e. í Stóradal. Ég beið spenntur 3 vor að það væri farið í einhverja svoleiðis leiki en það fórst fyrir og varð ekki af því. þetta var skollaleiku þar sem bundið var fyrir augun á einum og átti hann að góma einhvern og þekkja hann með því að þukla. Þá var mítoo ekki komið til skjalanna eða í vitund fólks og allt var frekar frjálslegt.

100_5298Yfirleit held ég að vinna hafi verið fell niður á sumardaginn fyrsta nema nauðsynlegustu gegningar. Menn reikuðu þá frekar eitthvað út á tún og spörkuðu um nokkrum hrossataðs hrúgum svona til að hreyfa sig fóru þá ef til vill í rannsóknarleiðángra að huga að því hvað þyrfti að gera á jörðinni, girðingar ræsi o.þ.h.

Svo hvíldi fólk sig, hamingjusamt yfir því að hafa lifað veturinn af.

 


mbl.is Hvernig verður sumarið?
Tilkynna um óviðeigandi tengingu við frétt

Frítt sundkort er auðæfi fyrir eldriborgara

Það var skemmtilegt svar sem Björgvin gaf í sjónvarpsfréttum þegar hann sagðist vera að fá sundkort eins og eldriborgarar fá allir sem þeir vinna fyrir með að ná vissum aldri.

Staðreyndin ern nefnilega ef ekki eru um peningaverðlaun að ræða þegar fólki hlotnast einhver heiður, þá er um sæmd og virðingu að ræða.

Þannig er til dæmis um fálkaorðuna. Henni fylgir engin yfirráð yfir sýslum eða skattaumdæmum eða jarðnæði eins og konungar mundu gera væru þeir alvöru kóngar og varla gagnast hún í ferilskránni, þó margir eldriborgarar haldi áfram að lesa atvinnuauglýsingar, mest sér til skemmtuna en stundum komast þeir að því hvað þeir geta lítið, þrátt fyrir aldurinn. Verkefnisstjóri, viðkomandi þarf að vera mannauðstjóri og allskyns kröfur um hitt og þetta.

Í gamla daga stóð:,, Háseta vantar á bát." ,,Ráðskona óskast í sveit má hafa með sér barn, en má búast við því að verða börnuð" var það ekki einhvern vegin svona?


mbl.is Björgvin bæjarlistamaður Hafnarfjarðar
Tilkynna um óviðeigandi tengingu við frétt

Aldrei hræddur

Í útvapsvitali við einn þekktan skipstjóra hjá Landhelgisgæslunni spurði fréttamaðurinn,, Varstu ekki hræddur í þorskastríðinu? nei aldrei hræddu, en nú er ég svolítið hræddur þegar ég geng yfir Miklubrautina" sagði kappinn.

Vonandi auðnast barnabörnum Sigurðar að leiða afa sinn þar sem hætta er á ferðum og hafa verkefni fyrir hann svo honum leiðist ekki.

Snarfarabók 2010 005Eitt ráð til skipherrans, ganga í  Snarfara félaga skemmtibátaeigenda, þar er yndislegt að vera alltaf kaffi á könnunni og einhver til að spjalla við í félagsheimilunu. Fríð bátaveröld og gott félagslíf.


mbl.is „Ertu fegin að fá mig í land?“
Tilkynna um óviðeigandi tengingu við frétt

Pissaði á sig í gúmmíbjörgunarbát

Í Drangajökulsslysinu 1960, þar sem áhöfnin varð að yfirgefa skipið í flýti, en það sökk á 20 mínútum sat systursonur minn í gúmmíbjörgunarbátnum og var báturinn hálffullur af sjó.

,, Mamma ég þarf að pissa" sagði stráksi 4 ára gamall. ,, Nú pissaðu þá" og átti móðir hans þá við að hann pissaði þar sem hann var.

Svona geta menn verið kurteisir í sjávarháska að vilja ekki pissa í damminn þar sem aðrir menn svamla um.


mbl.is Vesturbæjarlaug lokuð um tíma vegna kúks
Tilkynna um óviðeigandi tengingu við frétt

Innskráning

Ath. Vinsamlegast kveikið á Javascript til að hefja innskráningu.

Hafðu samband