Afleitt að þurfa að taka lán, en stundum nauðsyn í kosningabáráttu

Það eru víðar áhyggjur og erfiðleikar en hjá sauðfjárbændum. Frambjóðendur glíma líka við fjárskort og kvíða. Ekki er gott að þurfa að taka lán þó það geti svo sem reynst óhjákvæmilegt til að gera sig sýnilegana. Allt hvílir þetta þó á fótgönguliðum flokkanna og óeigingjörnu starfi sjálboðaliða, sem nenna, skilja og vilja vinna að kosningabaráttunni.

Stjórnmálaöfl hafa í tímans rás vikið sér hjá því að eyða láns peningum í framboðskostnað með því að snýkja styrki og sundum rífleg framlög ellegar að vera ríflegur við stuðnigsmenn sína að loknum kosningum með því að afhenda þeim eitthvað af eigum ríkisins, jarðir eða fyrirtæki á lágu verði. Að því leiti er þessi aðferð VG betri að opinbera fátækt sína og taka bara fyrirfram lán til að geta staðið í skilum og fá þá bæklinga prentaða sem þarf og hafa skilning á því að það er ekki hægt að gefa það sem menn eiga ekki. Það er náttúrlega ekkert grín að lenda í kosningum á 8 mánaða fresti. Þetta hefði Björt framtíð átt að hugsa um áður en farið var í aðgerðir.

Nú,nú, það eru nú ýmiss trix sem hægt er að ástunda til að afla fjár til kosningabaráttu, kjólasýning gegn gjaldi og ýmiskonar tískusýningar, láta  borga fyrir kaffið með frjálsum framlögum o.s frv.

Auðvitað er best að vera sem mest sjálfbær í þessu kosningastússi og þá þurfa frambjóðendurnir að vera á ferð og flugi. Mæta í afmæli og jarðafarir og annan mannfagnað og ferðast mikið í strætó. og bíó maður það er sterkur leikur.

Vera á gömlum bíl er lykilatriði annað hvort sæmilegum fornbíl eða skrjóð en þarf helst að fara í gang og vera ekki á felgunum þ.e. bíllinn. Láta fljúga yfir fundarstað þegar kjósendur ganga út og dreifa karmellum.

Ein skemmtilegasta aðferð sem sögur herma var þegar Jón í Stóradal sendi Björn á Löngumýri á yfirreið um sitt svæði og átti Björn að fara helst heim á hvern bæ og akitera, en var orðin lúinn undir lokinn og búinn að drekka mikið kaffi og lét duga að mæta við túngarðinn og kalla hátt og snjallt,, Kjósið Bændaflokkinn." Kannski verður það endurtekið núna. Þá finnst mér það vera mjög töff að aka um í opnum bíl með gjallhorn og kalla vígorð og hvetjandi ávörp.

Svo má auðvitað læra ýmislegt af Jóni Gnarr, það er ekki spurning. En það er erfitt að vera skemmtilegur ef það er ekki náttúrusprottið og eðlislægt.


mbl.is Taka lán fyrir kosningabaráttunni
Tilkynna um óviðeigandi tengingu við frétt

Miklar breytingar hjá Framsókn. Sigmundur hræddur við konu. Gunnar Bragi með Svarta-Pétur

Það eru að verða örlaga breytingar hjá Framsókn. Sigmundur verður felmtri slegin við að fá mótframboð frá konu og Björn Ingi settur í það að smíða örkina hans Nóa (Sigmundar), sem heitir Samvinnuskipið. Og auðvitað á að grafast fyrir um það hvað varð af þeim peningum sem þar áttu að vera til staðar fyrir fyrrum félagsmenn Samvinnutrygginga. 

Bændaarmur flokksins sendir gamlan VG mann og fv þingmann Framsóknarflokksins á móti Gunnari Braga, en dáleikar hafa verið með Ásmundi og Sindra Sigurgeirssyni bændaformanni frá því að þeir voru fóstbræður á lista xB í NV-kjördæmi. Gunnar Bragi er með Svarta-Pétur á hendi fyrir það að hafa verið í kompaníi með Evrópusambandinu út af Úkranýjudeilunni, þegar Rússar yfir tóku Krímskaga. Auðvitað var það barnaskapur að fara fá Rússa upp á móti okkur eftir allt það starf sem Einar Olgeirsson hafði unnið að koma upp viðskiptatengslum við Sovétið. Sem alla tíð hafa verið færsæl verslunarviðskipti, Rússar búnir að vera þarna í 230 ár og flestir Krímsskagabúar rússneskumælandi. Auðvitað fengum við á okkur innfluttningsbann og þá fór allt í vaskinn með dilkakjötútflutning til Rússlands. Þessu una bændur auðvitað ekki og láta ekki bjóða sér svon málarekstur og taka til varnar. Svo er Þórólfur Gíslason orðin reiður og hvað verður um Gunnar Braga ef hann fellur. Þessi uppá koma er afdrifaríkari en þegar Jón í Stóradal og félagar klufu Framsóknarflokkinn 1933. Hér er í raun að rísa upp Bændaflokkur og má búast við að margir sjálfstæðir bændur berji fótastokkin með Ásmundi og félögum.

Sigmundur á eftir því sem sagan hermir í erfiðleikum með samskipti og telur sig ofurvitran og er drjúgur með sig út af leiðréttingunni sem var á þann vega að fé var fært frá ríkissjóði til skuldarra, en hefði þurft að koma frá fjármagnseigendum þar sem þeir sem áttu sparifé héldu sínum hlut, en auðvitað kom verðbólguskot bæði á skuldir og inneignir og leiðrétta hefði þurft í báðar áttir.

Eina ráðið sem ég get ráðið honum er trikkið sem Magnús Torfi Ólafsson hafði hér um árið og en hann var alltaf í Strætó og fólkið hvíslaði ,, Hann er svo alþýðlegur. " Svo er það náttúrlega þessi Panamapeningar og skild mál, sem ég þekki bara ekki nógu vel til að getað fjallað um. Ekki meir að sinni. Lifið heil og farið gætilega í kjörklefanum.

 


mbl.is Ásmundur Einar fer á móti Gunnari Braga
Tilkynna um óviðeigandi tengingu við frétt

Best sem vitlausast

Það var gamall maður á Kirkjusandi á verkstæði, sem hafði það viðkvæði þegar eitthvað var gert sem honum fannst ekki gáfulegt þá sagði hann   

,, Best sem vitlausast " og gæti það átt vel við um þetta mál. Auðvitað á að vinna svona ef þess er nokkur kostur á sumrin þegar umferð er minn og birtutím nægur fremur en að setja verkið niður í aðdraganda skammdegis og skóla byrjun. En andlegt atgerfi virðist ekki vera meira en það sem birtist í þessari tímasetningu. Svona var þetta í gamladaga, fyrst var grafinn skurður og heitavatnslögnin sett niður í hann og mokað yfir. Þá kom rafveitan og opnaði skurð og setti rafstrenginn niður, þá var það kaldavatnið og loks póstur og sími. Þá var búið að grafa marga skurði. Það gerður menn uppgötvun að hugsanleg þyrfti bar einn skurð og tala meira saman og skipuleggja hlutina það væri galdurinn. Síðan var þetta fellt í hagrænara form.

Er ekki hægt að fresta þessari framkvæmd þangað til á útmánuðum á næsta ári og vera þá snöggir að þessu. Auðvitað er hægt að minnka tafirnar með því að auka strætónotkun, en það er svo erfitt að breyta til og því verður þetta bara kaos og leiðindi og borgarstjórnarmeirihlutinn fellur ofan í skurðina.


mbl.is Mun gerbreyta umferðinni
Tilkynna um óviðeigandi tengingu við frétt

Er þetta ekki ljómandi gott tilboð?

Er þetta ekki gott tilboð, jafnvel betra en í riðuniðurskurði.

5 ára aðlögun.

Það er eftirspurn eftir því að koma börnum í sveit, þar liggja sókartækifæri sveitafólks til að hafa eitthvað fyrir stafni og skapa sér atvinnu. Þá er það ekki ósanngjarnt að fá aðstoð við að sækja vinnu utan bús.

Bloggari fór með barnabarn sitt í sumar á eitt slíkt setur. Þar voru kanínur, hænsni, refur og hvað eina og börnin voru alsæl og örugg í vélalausu umhverfi. Að vísu voru gamlir antiktraktorar á hlaðinu sem voru mikið setnir.

Svo gátu röskir strákar og stelpur spreitt sig á að moka hesthúsið undir eftirlit. Allt þetta getur leitt til þroska og vellíðunar hjá borgarbörnum og leitt til tengsla við sveitina. Það sem mér fannst helst vanta var skipulögð fræðsla um lífið og tilveruna.

Svo er það próventan, hið gamla íslenska fyrirbæri. Það mætti innleiða hana í stórum stíl. Það veit auðvitað engin hvað það orð þýðir og fólk verður þá bara að fara í orðabækur.

Við verðum að hafa innkomu í sveitina ef það verður stríð. Í seinni heimstyrjöldinn var börnum komið fyrir með massífum hætti upp í sveit, vegna styrjaldarhættu.

Nauðsynlegt er að rækta samband  milli borga og bæja og sveitarinnar til að auka víðsýni á kjörum og starfi stétta á milli.

 


mbl.is Þeir sem hætta strax fá greitt í fimm ár
Tilkynna um óviðeigandi tengingu við frétt

Innskráning

Ath. Vinsamlegast kveikið á Javascript til að hefja innskráningu.

Hafðu samband