Brynjar þarf að láta gera rannsókn og skrifa skýrslu.

Brynjar þarf að láta gera rannsókn á þessum þætti málsins. Hægt væri að taka börn alkoholista sem  nú eru orðnir fullorðnir og ræða við það fólk.

Svo er nauðsynlegt að gera skýrslu og setja málið í ferla.

Alltaf er verið að nudda sér upp úr bjórbanninu og sagt að engin heimsendir hafi verið við innleiðingu bjórsins. En hefur það verið kannað til hlýtar? Það er að vísu engin heimsendir, nema þessi hvunndags þegar einhver deyr. En rannsókn er nauðsynlegt að gera.

Það þarf að taka yfirvegaða ákvörðun um þetta mál og umframallt að gera skýrslu og kanna viðhorf barna sem haf alist upp við mikil áfengiskaup. Það er lágmarkskrafa.

Svo er gott fyrir Brynjar að fara niður í bæ einn morguninn og sjá útreiðina á miðborg Reykjavíkur og taka félaga sína með sér og vera edrú við þá vettvangskönnun.

 

 

Ólafur Thors sagði: ,,Íslendingar drekka illa. Íslendingar drekka mjög illa." Þetta hafði  amma mín eftir Ólafi og ekki lýgur hún. Sjálfstæðismenn vildu fá hana í framboð, en hún var óvart kommi.

Hvaða áhrif hefur þetta á börn?

Flokkur Fólksins. Boðar hið nýja Ísland

Hér koma nokkri punktar sem voru með kaffinu, að lesa, þegar baráttuskrifstofan var opnuð í Hamraborg í gær og fjölmiðlar vildu ekki koma og kynna sér hjá Flokki Fólksins.

Flokkur Fólksins:

1. Vill frelsi til strandveiða smábáta að fjórum tonnum.

2. Vill fullt verð fyrir aðgang að auðlindum okkar.

3. Vill afnema verðtryggingu.

4. Vill afnema núverandi okurvaxtarstefnu.

5. Vill að allir geti eignast eigið þak yfir höfuðið.

6. Vill mannauðinn okkar heim.

Flokkur Fólksins er  flokkurinn þinn, segir í skjalinu sem dreift var, ef fjölmiðlar skyldu koma og er hér með dreift af því að fjölmiðlar komu ekki.

Góðar stundir.

Sílkimjúkar konur og kósý morgunverður með börnunum

Þessi snjór er nú með því mesta sem ég hef séð í lengri tíma. Heppilegt að það er sunnudagur og fólk getur verið stresslaust og notið þess að vera inni í hlýjum húsum og gefið sér tíma til að hringla í kring um fjölskylduna. Það eru mikil lífsgæði.

Engin ástæða að far á staða á litlum bílum. Þetta er púðursnjór sem stendur svo sem ekki mikið fyrir.

En auðvitað verða þeir sem eiga jeppa að far á fætur og reyna gripina skárra væri það. Setja á sig lambhúshettu eins og forfeður okkar gerðu er þeir gengu á beitarhús. Nauðsynlegt er að slást í hóp með hjálparsveitum og bjarga óvitunum og aumingjunum sem haf álpast af stað í þessari ófærð. Í því felst að vera jeppamaður.

Almenningur ætti bara vera heima og lesa eða fara í tölvuna.

Nú væri gott að vera á einni uppgerðri á keðjum til að draga stóru jeppana þegar þeir væru búnir að fara sér að voða upp á ruðningi.

Víða ófært á höfuðborgarsvæðinu

Flokkur fólksins. Boðar hið nýja Íslands

Fór í opnunarkaffi hjá Flokki fólksins sem var að opna nýja baráttuskrifstofu í Hamraborginni í Kópavogi. Formaður og varaformaður héldu brýningaræðu og vöktu athygli á að fjölmiðlum hafi verið boðið með fréttatilkynningu að mæta, en enginn af því lið sá ástæðu til að mæta.

En þegar Benedikt Viðreisnarforingi var að stofna sinn flokk voru alltaf fréttir af hverju fótmáli. Svona er veröldin skrýtin.

Allir kaffigestir voru nestaðir með eftirfarandi punktum:

Flokkur fólksins,

1. Mun hækka persónuafslátt í 300.000 kr á mánuði.

2. Vill að aldraðir og öryrkjar geti lifað með reisn.

3. Vill afnema allar skerðingar á áunnin lífeyrisréttindi

4. Vill tryggja 300 þúsund kr. sem lágmarks framfærslu viðmið.

5. Vill löggilda samning Sameinuðuþjóðanna um réttindi fatlaðs fólks

6. Vill að ekkert barn sé nokkurn tíma svangt á Íslandi.

7. Vill algjöran aðskilnað fjárfestinga og viðskiptabanka.

 

Flokkur fólksins er flokkurinn þinn, segir svo í niðurlagi skjalsins. Þessu er hér með komið á framfæri fyrst engin fjöðmiðill mætti til að segja fréttir.

Áfengið orsakavaldurinn væntanlega?

Eftir útihátíðir hefur fréttaflutningur oft verið á skakk og skjön. Oft eru fréttir einhvern vegin svona : Helgin fór að mestu vel fram, en nokkrar nauðganir  hafa verið kærðar. Maður braut nef á öðrum og er í haldi lögreglu nokkrir voru teknir fyrir ölvunarakstur. En að öðruleit gekk þetta vel.

Það hefur nefnilega tíðkast að reyna halda einhverjum glansbrag á þessum útihátíðum til að halda verndarhendi yfir áfengisdrykkjunni og viðkomandi plássum, því þar býr gott fólk með góða kvótastöðu og skaffar gjaldeyrir.

Í þesu tilfelli sem í fréttinni greinir frá hefur konan að því virðist tekið ákvörðun um að fara fækka fötum og klæða sig úr brókinni til hagræðis.

Síðan er dyravörðurinn barinn þegar hann fer að sinna sínu starfi.

Ólafur Thors sagði á þingmálafundi á Álftanesi fyrripart síðustu aldar, þegar móðuramma mín spurði út í áfengismálin.  ,,Íslendingar drekka illa, Íslendingar drekka mjög illa."

 Við erum alltaf að halda hlífðarskyldi yfir áfengisdrykkju.

Ég átti þess kost vegna starfa minna hér fyrr á árum að fara niður í miðbæ Reykjavíkur snemma morguns. Það var ófögur sjón að sjá útganginn á borginni. Glerbrot og tómar dósir og hlandfýluna og dauðdrukkið fólk að atast í lögregluþjónum við störf sín. Þetta er nú ekki par fögur mynd til að sýna ferðamönnum mynd af Íslendingum. Það spyrst út.

Einhverju sinni heyrði ég það að Lögreglan hefði fengið erlenda sérfræðinga til að ráðleggja hvað ætti að gera til að stemma stigu við þessari ómenningu sem fer fram í miðborg Reykjavíkur um helgar og útihátíðum. Og mér skilst að svarið hafi verið að fá slökkvuliðið og smúla mannskapinn til að dreifa honum.

Hættum að draga upp glansmynd af afengisdrykkju og segjum bara eins og er. Fólk missir stjórn á eigin lífi ef drykkjan verður mikil og konur afklæða sig á almannafæri o.s.frv.

Afklæddist og hótaði

Hætt við að aukið aðgengi bitni á börnum

Margir eru veikir fyrir víni eins og kallað er. Ef það er innan seilingar er það tekið. Þar af leiðir að sjúkdómurinn alkóhólismi mun grassera eins og ,,svartidauði" eða viðlíka plága og fleiri og fleiri liggja í valnum og kallað verður eftir auknu fjárveitingu í meðferðastarf. Þeir sem grípa áfengi í matvörubúðum eru langflestir að koma úr vinnu eða á leið heim að sinna börnum í frístundastarfi og heima fyrir eins og þeir hafa gert. Eiga gæðastund með bönunum. 

En nú breytist staðan. Þeir sem komast af við áfengið munu ef til vill bjargast. En þeir sem eru genatískt alkar munu nú sí og æ fara að auka neysluna. Hugsa um áfengið, en vanrækja börnin. Börn og áfengi eiga ekki saman. Um það geta fjölmargir vitnað.

Held að þetta kerfi sem við búum við dugi ágætlega og allir geti nálgast áfengi til þeirr drykkju sem þeir áætli og þurfi ekki að hafa það í mjólkurkælinum.

Fjölmargir fagaðilar úr heilbrigðisstétt hafa aðvarað við því að auka aðgengi að áfengi, og væri rétt og skilt að taka mark á því.

Það eina sem þjóðin fær  er að hún lepur dauðann (svartadauða) úr skel og missir stjórn á eigin lífi.

Amen eftir efninu.

 

Afnám einkaleyfis en ekki aukið aðgengi

Auðvita verða útvegsmenn að skoða þetta lokatilboð sjómanna.

Útvegsmenn verða að að skoða þetta lokatilboð sjómanna. Það þýðir ekkert fyrir þá að híma við bryggju og veiða marghnúta.

Þetta er auðvitað lokatilboð, þó einhver segi að í svona ferðlagi verði ekkert lokatilboð.

Þá vita útgerðmenn ekkert hvað er átt við með lokatilboð. Sjómenn eru grjótharðir. Verður heimsendir eða skipin tekin af útgerðarmönnum? Valdið er í verkfallsöxinni og hakkavélinni, það er engin spurning alveg eins og í frönskubyltingunni.

Þá var það í fallöxinni. Auðvitað setur kvíða að útgerðarmönnum, en bót í máli að hafa Bryndís Hlöðvers til að láta hana þurka skælurnar.

Það yrði nú ekki gæfulegt ef útgerðarmenn yrðu kjöldregnir, er það ef til vill það sem sjómenn eru að meina með þessu andskotans lokatilboði? Maður veit aldrei hvað gerist í framtíðinni.

Útgerðarmenn verða að svara með ábyrgu hætti, annars fá þeir þjóðina upp á móti sér. það þýðir ekkert að grenja og tíma ekki að borga og sting gróðanum í vasann og fara með hann til T ortóla. það er líðin tíð.                                         

Hífa, allir frá, lokatilboð.

Samninganefnd SFS skoðar tilboðið

Jón Hreggviðsson

Mér datt nú Jón Hreggviðsson í hug þegar ég sá þessa mynd, hann hefði varla sloppið ef menn hefðu verið komnir með svona krana, og þó.

Böðullinn fór þó ofan í mýrina, en Donald Trump stendur og steytir hnefan framan í heiminn og er vorkunn, allir að verða á móti honum.

En svona aðfarir eru skelfilegar, ef menn mega ekki hafa skoðanir, en svona getur veröldin verið svört og hvít og hættuleg.

Aftökur í leynifangelsum

Var við hátíðarhöldinn eftir krýninguna

Það er gaman að segja frá því að Halldóra systir var við hátíðarhöldin  eftir að Elísabet var krýnd, hugsanlega eini núlifandi Íslendingurinn sem var viðstödd þann atburð.

Allt var þetta mikið tiltur, menn í skrautklæðum og prúðbúnir hestar og vagnar og mikil veisluhöld.

Allt þetta fengum við að frétta af, beint í æð því Halldóra var dugleg að skrifa og segja frá atburðum og því sem fréttnæmt var, en hún var að vinna í Bretlandi á þessum tíma sem þóttu nú forréttindi fyrir ungt fólk.

Hún hefur alltaf dáð drottninguna og ævinlega spurt þegar mynd hefur birst af henni; ,,Var hún ekki með töskuna", en það hefur verið eitt af kennileitum drottningarinnar.

Nú eru þær báðar orðnar gamlar með sitt silfurgrá fallega hár og greiða svipað enn.

Leyfi mér að birta mynd af Halldóru og kvennafkomendum hennar.

Það eru víða drottningar.

65 ár síðan Elísabet varð drottning

Sjóslysin á Nýfundnalandsmiðum og Reykjanesröst 1959

Það verður að segjast eins og er að allt þetta mál af brotthvarfi Birnu úr þessum heimi, hefur vakið upp mikinn harm hjá almenningi og ósjálfrátt fer maður að bera eitthvað saman þó það sé ekki samanburðarhæft. En það er nú einu sinni þannig að þegar ungt fólk ferst skyndilega verða vinir og aðstaðendur ráðþrota og eiga erfitt með að höndla kristnidóminn sem lærður var við fermingarundirbúning, þar sem öllum var innprentað að guð væri góður og hann vakti yfir mannskapnum. Þegar svo engin svör fást er sagt til að friðþægja að ,,vegir guðs séu órannsakanlegir" og ,,þeir deyja ungir sem guðirnir elska." Vel má það vera og vissulega vitum við fátt og hugsanlega hafa svona atburðir einhvern tilgang eða leiðbeiningu sem við komum ekki auga á í núinu.

 Með skýrskotun til fyrirsagnar þessara bloggfærslu þ.e.a.s þegar togarinn Júlí fórst með 30 manna áhöfn og Þorkell máni komst blessunarlega til hafnar eftir gríðarlega hetjulega baráttu áhafnarinnar við ísingu sem olli yfirvigt á skipinu þannig að það varð mjög óstöðugt og þegar Vitaskipið Hermóður fórst í aftakaveðri í Reykjanesröst í febr. 1959, þá var haldinn  minningarathöfn í Dómkirkjunni og komust ekki allir aðstandendur í kirkjuna vegna plássleysis og sumir því aldrei viðstaddir minningarathöfn sinna nánustu, ólíkt því sem nú var í Hallgrímskirkju sem er mikið stærri og öflugri kirkja.

Þessi sjóslys höfðu vitaskuld mikil áhrif á allan almenning og voru mikið í umræðunni, hvernig allt þetta hefði gerst, en aðstandendum er mikið í mun að vita alla málavexti þegar einstklingur ferst við krappar aðstæður og vofveiflegar.

Nú, nú, í minn fjölskyldu fórst einn ungur maður og uppgötvaði fjölskyldan það mörgum áratugum síðar að enginn minningarathöfn hafði farið fram. Og af því að ungt fólk er syrgt dýpra og öðruvísi en gamlir afar og ömmur og sorgin var staðbundin  mjög lengi, var brugðið á það ráð 50 árum síðar, segi og skrifa hálfri öld síðar að halda minningar athöfn í fermingarkirkju viðkomandi. Sem og var gert. Presturinn  sem var í forsvari við altarið sagði að það væri fátítt og sérstök reynsla að vera við athöfn þar sem jarðneskar leyfar viðkomandi væri ekki við athöfnina og það 50 árum síðar.

Í tilfelli aðstanda Birnu heitinnar höðu aðstandendur þessara ungu konu jarðneskar leyfar hennar og gátu jarðsungið hana í vígðri mold, Sem ég held að sé nokkurt atriði að getað vitjað grafarinnar og hlúð að henni, þannig virkar þetta.

Svona atburðir sem ég nefni hér hafa báðir haft gríðarleg áhrif og vekja okkur svo sannarlega upp og við finnum að við erum þjóð og samstaðan verður mikil.

Það má og verður vonandi ekk fundið mér til lasts sem einhvers þjóðrembupostula. Og af hverju er ég að þessu að berja þetta í tölvunni minn, jú maður kemst við og rifjar upp aðstæður sem komið hafa upp í eigin lífi og er ef til vill gott að skila til næstu kynslóðar, þó það sé engi skilda

En lífið heldur áfram í alskonar myndum og við í minni fjölskyldu erum svo lánsöm að okkar maður hafði skilið eftir sig lifandi minningu, jú hann vann  nefnilega einstætt björgunarafrek 14 ára gamall, ný fermdur, hann bjargaði stúlku frá drukknun, sem nú er einn ástsælasta söngkona þjóðarinnar, Þuríður Sigurðardóttir í Laugarnesi. Það skildi hann efti sig. Þannig að það liggur fyrir að lífið heldur áfram í minningunum.

Ég vona að ég gerist ekki of frakkur að setja þessar huleiðingar mínar í færslu og biðst þá velvirðingar ef einhverjum finnst það.

Fjölmenni við útför Birnu