Höfuðborgarsvæðið mesta útivistarsvæði á Íslandi

Íslendingar eru nýkomnir úr sveitinn, þá streða þeir út á land í öllum fríum og metið er slegið um verslunarhelgina. Þessu fylgir mikill kosnaður vegna eldsneytiskaupa og sliti á bílum auk umframmengunar. það er svo sem skiljanlegt að fólk sæki í náttúruna og því sem hún bíður upp á svo sem þögn og kyrrð. þá er löngunin að hitta vini og kunningja mjög sterk.

En nærumhverfi höfuðborgarbúa bíður upp á mjög mikla útivistar möguleika. Nægir þar að nefna góða hjólreiðastíga sem teigja sig út um allt og væri hægt að þróa þann þátt til alþjóðlegra keppnismóta, mætti nefna sóknarfæri á Reykjanesfólkvangi, en þar er hægt með nútímatækni í malarflutningun að byggja hjólreiðarstíga í friðsælu hrauni án mikils rasks en í hraunum er oft skjól þótt yfir sé ef til vill einhver vindur.

Þá er hægt að nefna alla sundstaði sem geta lokkað og togað í barnafólk.

Ágætar smabátahafnir sem geta ýtt undir báta og skútu siglinar um víkur og voga, algerr draumaheimur.

Elliðarárdalurinn sem er gönguparadís og mikil náttúruperla ásamt Laugardal.

Göngur á fjöll, Esja, Helgafell og fleira og fleira.

Mikil upplifun er að fara í Viðey og Engey þar sem margt er að skoða og ekki má gleyma Laugarnesinu, þó þar sé margt með breyttum svip, en þar er snilldar vör sem gott er að setja kæjaka á flot fyrir slíka íþrótt.

Smá hestaferðir í nágrenni borgarinnar.

Það er helst að það vantaði tjaldsvæði og hjólhýsasvæði svo fílingurinn væri algerlega eins og í alvöru útilegu.

Hér er fátt eitt upptalið til að minn á það sem hægt er að gera á sínum heimaslóðum. Ekki má gleyma öllum veitingastöðum og ballhúsum til að taka ærlegt skrans.

Á morgun fáum við að heyra fréttir um að umferðinn sé farinn að þyngjast til höfuðborgarinnar og að útihátíðir hafi farið vel fram o.s.frv.

 

„Minnir á stórar keppnir erlendis“

Síðustu verk forseta Íslands hr Ólafs Ragnars Grímssonar

28. júlí 2016

Þakkir Rauða krossins

Forseti tekur á móti fulltrúum Rauða krossins sem afhenda forseta sérstakt skjal til staðfestingar á þakklæti Rauða krossins fyrir samvinnu við forseta og framlag hans til margvíslegra starfa Rauða krossins og þeirra málefna sem samtökin hafa sett í öndvegi.

 

28. júlí 2016

Ríkisráðsfundur

Forseti stýrir ríkisráðsfundi á Bessastöðum þar sem staðfest eru lög og ýmsar stjórnarathafnir. Í lok fundarins flutti forseti stutt ávarp þar sem hann þakkaði ráðherrum fyrir samstarfið og vék að ýmsum málefnum sem einkennt hafa samstarf og samskipti forseta við ríkisstjórnir og einstaka ráðherra í 20 ára forsetatíð.

23. júlí 2016

Landsmót skáta. Heiðursviðurkenning

Forseti heimsækir Landsmót skáta að Úlfljótsvatni, fer í tjaldbúðir skátafélaga frá ýmsum byggðarlögum, ræðir við erlenda skáta sem heimsækja mótið og situr fund um alþjóðlegt skátamót sem haldið verður á Íslandi á næsta ári. Þá sæmdi skátahöfðingi forseta heiðursviðurkenningu skátahreyfingarinnar úr gulli fyrir stuðning forseta við skátahreyfinguna og þátttöku í störfum hennar.

 

16. júlí 2016

150 ára afmæli Ísafjarðar

Forseti tekur þátt í hátíðarhöldum á Ísafirði í tilefni af 150 ára afmæli bæjarins. Að lokinni skrúðgöngu frá Silfurtorgi var hátíðarsamkoma í Íþróttahúsinu þar sem forseti flutti ræðu. Síðdegis tók forseti einnig þátt í öðrum atburðum í tilefni afmælisins. Ræða forseta.

15. júlí 2016

Endurheimt votlendis

Forseti tekur þátt í sérstakri athöfn á Bessastöðum þar sem ýtt var úr vör átaki til að endurheimta votlendi, en átakið tengist framlagi Íslands til skuldbindinga í loftslagsmálum sem staðfest var í París í fyrra. Undirritað var samkomulag milli embættis forseta Íslands annars vegar og umhverfis- og auðlindaráðuneytis og Landgræðslu ríkisins hins vegar sem felur í sér endurheimt votlendis í Músavík og Sauðavík á Bessastaðanesi. Forseti, ráðherra og landgræðslustjóri fluttu ávörp við athöfnina og mokuðu síðan fyrstu moldinni í framræsluskurð neðan við Bessastaðastofu. Fréttatilkynning. Sjá einnig frétt á vef umhverfis- og auðlindaráðuneytisins.

Heimild: tekið af vef forsetaembættisins.

Nú er hann orðin jarðnæðislaus blessaður karlinn eins og við fleiri sem höfum ekki haft tryggt jarðnæði eða kvóta og þá er gott að tileinka sér hugsunargang indjána að við eigum ekki landið, landið á okkur.

Ég vil færa forseta vorum góðar kveðjur með þökk fyrir sín störf í þágu lands og þjóðar og bið hann ekki hafa áhyggjur af nýjum starfsvettvangi, það er ærið verkefni að vera afi.

Bjarni er með þetta

Auðvitað verður kosið í haust annað væri hringlandaháttur, en nauðsynlegt er að klára búvörusamninga.

Það þýðir t.d. ekkert að senda son Einars Odds, Teit Björn í framboð í NV-kjördæmi nema hann komi með upp á skrifaðan og gildan búvörusamning. Það yrði híað á hann ef það gerðist ekki og hann jafnvel settur í poka og farið með pokann út Húnaflóa og þar geta ísbirnir verið á sundi og þeir svangir.

Bjarni segir að kosið verði í haust

Hver er forsætisráðherra?

Sigmundur Davíð virðist oft ekki virða lýðsræðislegar ákarðanir og er tilbúinn að rífa upp ákvarðanir sem búið er að taka. Þetta eru svolitlir einhyggjutaktar að mínu mati. Ég stóð í þeirri meiningu að allir væru búnir að meðtaka að stefnt væri á að hafa kosningar í haust, en af því að það hentar ekki hernaðaráætlun hans að tryggja sig í sessi innan flokks sín, bregður hann á þetta ráðu.

Sigmundur væri góður í því að rífa upp rekavið á Ströndum, en þar er nóg af slíkum verkefnum og mundu bændur vera glaðir að fá liðsauka og gætu upplýst um Hermann Jónasson og hans verk þar, en það var á þeim tíma sem Framsókn var og hét.

En nú  er Framsókn eins og blaktandi skar og má ekki við neinum súgi svo ekki slokkni ljósið og af verði draugagangur.

Nú verða  hinir almennu flokksmenn að meta það kalt og yfirvegað hvort Sigmundur komi til með auka fylgi flokksins. Það má vel ver að hann sé klár en það er ekki nóg ef fylgið vantar.

,,Þetta er búið og gert,, segir Brynjar Níelsson þingmaður Sjálfstæðisflokksins. Eða eins og sagt var í sveitinni á fengitíð þegar lambhrútur lemdi ána, loka hnykkurinn er kominn.

„Þetta er búið og gert“

Hornbjargsviti, ferðasaga

Dagana 17-22 júlí fórum við hjónin í ferðalag á Hornstrandir með 2 vinum og gistum í vitavarðarhúsinu sem Ferðafélag Íslands hefur til umráða.

Hér kemur ferðasagan séð með augum Ingu Þórunnar:

Hornbjargsviti.

 Í dásemdar veðri komum við hér.

Tilgangur ferðar að ganga og hvílast.

Gista í vita undir Hornstrandarhimni.

Fjarskiptalaus.

Tæplega höfum þó séð

stíg sem við þrívegis gengum.

En mikið var hlegið í þokunni á Horni

við undirspil fugla.

Hornvíkin ei okkur sveik.

Gróður og klettar og fallega fjaran

og Drífandifoss.

Fegurð og friður.

Í víkum, í skörðum og skála

kynntumst við Katli og Dóra og öðru frábæru fólki.

Og úttekt var gerð á virkjanarkostum.

Við Hornbjarg við skiljumst í bili

og Hornbjargið bíður með sól.

Hornbjargsvita við kveðjum

með ,, selfi" á Axlarfjalli.

IÞH

                 

Guðni Ágústsson með Njálugöngu á Þingvöllum

Síðastliðið fimmtudagskvöld stóð Guðni bóndasonur frá Brúnastöðum fyrir atburði á Þingvöllum. Hafði hann með sér Jörmund Inga Reykjavíkurgoða ásamt nokkrum víkingum og sveit söngmanna úr Karlakór Kjalanesinga. Var viðfangsefnið Skarphéðinn Njálsson.

Hófst dagskráinn á að Guðni rakti byrjun Njálu og sagði frá manndrápum sem voru undanfari Njálsbrennu. Komu konur þar mjög við sögu. Að því loknu sungu Kjalnesingar ,,Öxar við ána" og var söngurinn prýðilegur og hæfði lagið vel við stund og stað.

Að því loknu gekk Guðni í litklæðum eins og Gunnar á Hlíðarenda forðum fyrir fylkingunni niður Almannagjá. Var býsna þröngt þar á þingi niður gjána og mökkur af fólki. Á palli neðst á gjáarbarmi safnaði hann fólki saman og bað það þétta raðirnar, hér væru allir óvopnaðir og því enginn hætta á ferð.

Jörmundur Ingi mælti fyrir griðum, mikla rullu að fornum sið. Guðni hélt nú áfram að segja frá Skarphéðni og barst raust hans nú mjög út um Vellina svo mófuglar héldu ekki kyrru fyrir. Var góður rómur gerður af frásögn Guðna, enda er hann gersemi, maður vel máli farinn öruggur  með skörulegan talanda, ekki síðri en Gunnar Hámundason, en ekki með eins mikið hár, en hávaxinn og tígulegur og vel á sig kominn, fjallmyndarlegur. Að þessu loknu hóf karlakórinn söng sinn og söng fjallið Skjaldbreiður sem blasti við augum fólks og fóru þeir vel með lagið, enda allir í íslenskum lopapeysum.

Gengu nú menn mjög stilltir niður á vellina og tóku sér vist við kirkjuna þar sem haldið var áfram þar sem frá var horfið og rakti Guðni þar áfram söguna sem ekki verður fjölyrt frekar hér enda sagan öllum innan seilingar. Voru þeir Jörmundur og Guðni með nokkrar leikrænar sviðsetnigar, ágætar og að því loknu söng kórinn  ,,Buldi við brestur og brotnaði þegkja." Var það vel við hæfi. Siðan var beðið um eitt auka lag,, Fyrr var oft í koti kátt." Söng það allur þingheimur.

Þetta var alveg yndisleg stund og eru Guðna hér með færðar alúðar þakkir fyrir þessa vel heppnuðu og skemmtilegu stund á Þingvöllum, þar sem þjóðin varð þjóð og setti sér form og lög 17. júlí 930 eins og Jörmundur Ingi hefur reiknað út. Komu þarna saman kristnir menn og heiðnir og er það svolítið táknrænt.

Samkomunni var slitið með laginu ,,Kvöldið er fagurt"

Hátíðisdagur þjóðveldis og lýðveldis

Glæsilegt umhverfi og falleg á

Ég hef nú ekki kynnt mér virkjunartilhögun þarna, en líklega verður þetta rennslisvirkjun. Ekki ætla ég að verða fyrstur til mæla með virkjun þarna þó kosturinn geti verið góður og ég svona frekar hallur undir virkjunarframkvæmdir að vel ígrunduðu máli. Í seinni tíð þó færst nær náttúruvernd.

Þá er hinn kostur ekki síðri að vernda þetta umhverfi til nota fyrir ferðaþjónustu og orlof.

Þjóðin er í alveg nýrri stöðu þar sem ferðaþjónustan er og bágt ef þar kemur sögu okkar að við höfum ekkert að sýna.

Spurning hvort hægt sé að fara þarna einhvern milliveg og láta fossana byltast einhvern tíma á sumrum, þegar minni þörf er á rafmagni á svæðinu.

Frummat á 55 MW Hvalárvirkjun