Það vantar eitthvað í landsmótið sem tengist langferðum og þoli íslenska hestsins. Eitthvað sem tengist landinu og náttúrunni. Það er ekki nóg að geta sýnt hágenga,,kerruhesta" sem steypa stömpum ef þeir koma í þýfi og móa og hafa ef til vill ekki þol til langferða. Dæmið um Lárus í Grímstungu þegar hann sótti meðul frá Grímstungu yfir í Húsafell og fór ferðina á sólarhring að ég held, en mér er ekki nærtæk heimildin.
Hér endurbirti ég færslu af bloggi mínu um ferð sem farinn var fyir 50 árum af Landsmóti á Hólum í Hjaltadal 1966 sem mér finnst alvega einstakt afrek og gæti skotið stoðum undir slíka keppni undir eftirliti dýralækna og dómara.
,,Hér segir frá ferð Ingu Valfríði Einarsdóttur ,Snúllu, frá Laugarnesi og Rögnu Ágústdóttur frá Hofi Í Vatnsdal með 29 hross yfir Arnarvatnsheiði, af landsmóti hestamann á Hólum 1966 til Reykjavíkur:
Riðu þær stöllur nú frá Hólu um Skagafjörð um Vatnskarð yfir Blöndubrú hjá Syðri-Löngumýri út Reykjabraut og niður hjá Stóru-Giljá og fram Vatnsdal að Hofi þar sem gist var. Önnur reið á undan en hin á eftir og voru tveir ungir piltar þeim til aðstoðar.
Daginn eftir héldu þær ferð sinni áfram upp Grímstunguheiði og áfram upp Arnarvatnsheiði. Þegar þær voru komnar upp á háheiðina skall á þær svartaþoka svo ekki sá handaskil. Þeim stöllum varð ekki um sel að þurfa að reka svo mörg hross við þessar aðstæður 0g óttuðust mest að hryssurnar kæmust í stóðhesta sem þarna voru í afrétt.
Gekk nú ferðin sæmilega og voru þær fegnar þegar grilla tók í Skammá sem rennur í Stóra-Arnarvatn. Fljótlega riðu þær fram á sæluhúsið í Álftakrókum þar sem þær höfðu næturstaða.
Daginn eftir riðu þær við góðan orstír niður að Húsafelli en þar beið Sigurður Ólafsson söngvari og hestamaður, maður Snúllu og félagi hans Batti , líklega kallaður rauði. Höfðu þeir komið Kaldadal á bíl. Batti tók sína hesta á bíl en Sigurður reið með ferðalaöngum niður að Miðfossum þar sem gist var um nóttina. Daginn eftir var svo riðið til Reykjavíkur. Ferðin tók rúmlega viku.
Gefum Snúllu orðið; ,,Við Ragna vorum ákaflega stoltar að hafa sigrast á Arnarvatnsheiðinni. Seinna var mér sagt að jafnvel reyndustu fjallamenn, sem þekktu staðhætti eins og fingurna á sér, hefðu villst í jafn svartir þoku og við lentum á heiðinni."
Heimild: Í söngvarans jórey. Æviminningar Sigurðar Ólafssonar, höf. Ragnheiður Davíðsdóttir. Endursagt.
Stjórnmál og samfélag | 30.6.2016 | 19:04 (breytt 28.3.2024 kl. 18:28) | Slóð | Facebook | Athugasemdir (0)
Allan lýðveldistímann hefur verið hungur í Sjálfstæðisflokknum að eignast forseta á Bessastöðum. En það hefur formlega ekki tekist þrátt fyrir þrjár tilraunir: 1. Bjarni frá Vogi, 2. Gunnar Thoroddsen, og nú síðast hr. Davíð Oddsson. Allt er þegar þrennt er segir gamalt íslenskt máltæki og er þessum tilraunum þá sennilega lokið, enda er bara skaði af þessu fyrir flokkinn. Mistökinn eru auglajós að hafa hleypt Davíð áfram með undirskriftum og stuðningi.
Gáfulegra hefði verið að finna annan kandidat heldur en skilmingarþræl af gamla skólanum í þetta verkefni og væri hægt að nefna ýmsa svo sem Ragnheiði Ríkharðsdóttur, hún hefði algerlega brillerað í þessu fótboltaumhverfi sem nú er, dóttir eins ástsælasta fótboltakempu um miðja síðustu öld, Rikka Jóns úr gullaldarliði Skagamanna, það hefði dugað henni að mínu mati auk þess hún er ýmsum góðum hæfileikum búinn. Þá má nefna forseta Alþingis Einar Guðfinnsson skeleggann mann og úrræða góðan sem hefði sómt sér vel á Bessastöðum Þorsteinn Pálsson hefur verið að vinna mikið á sem persóna og liðsmaður eftir að Davíð steypti honum hér um árið og sjálfasgt er hægt að nefna ýmsa aðra kosti sem Sjálfstæðismenn hefðu haft upp á að bjóða.
14. % fylgi Davíðs getur ekki annað en talist sjálfsmark samkvæmt fótboltamáli sem nú er notað og raunverulega hlægilegt og er ákveðin afhjúpun á stöðu Davís. Það er þó ein bóti í þessu máli að hinn óbreytti flokksmaður í Sjálfstæðisflokknum gæti orðið frjáls maður. Þarf ekki að hlægja í hvert skipti sem Davíð heldur ræðu, en gæti hlegið á laun, því nú er Davíðstímanum lokið formlega. Þessi brotlending er augljós hverjum manni á Íslandi og ótrúlegt að flokksmenn skildu ekki hafa pólitískt nef til að sjá þetta fyrir. 14 % fylgi sei, sei sei.
Þetta verður til þess að Sjálfstæðisflokkurinn mun aldrei ná Bessastöðum undir sig. Þjóðin virðist standa vörð um það með tilvísum til þriggja tillrauna í þá veru.
Kveðja til nýkjörins forseta | |
Tilkynna um óviðeigandi tengingu við frétt |
Stjórnmál og samfélag | 26.6.2016 | 12:59 (breytt kl. 13:09) | Slóð | Facebook | Athugasemdir (10)
Það hefur löngum verið svo að stjórnendur eru taldir þurfa meiri laun en óbreyttir starfsmenn vegna þess að ábyrgðin sem þeir axla er svo mikil. En svo þegar til kastana kemur þurfa þeir oft enga ábyrg að bera. Jafnvel er þeim launað með ríflegum starfslokasamningum ellegar hækkaðir í tign og gerðir að fulltrúum í Stjórnarráði Íslands eða dæmið með fv. forsætisráðherra sem var verlaunaður af Framsókn með sendiherrastarfi eftir að hafa verið dæmdur fyrir brot á 17. gr. stjórnarskránni af Landsdómi ríkisins eins og kunnugt er.
Skrifari þekkir dæmi þar sem kúskur í sveit varð það á að brjóta hliðstaur sem hann ók á og var staurinn dreginn frá sumarkaupinu og eins var mjólkurglas sem hann helti niður óvart dregið frá kaupinu. Það eru harðir kostir.
Nú er það svo að stjórnendur draga ekki 100 milljónir upp úr vasanum si svona hafi það komið í ljós að eitthvað hafi farið úrskeiðis um ákvarðanatöku. Læknar og lögfræðingar taka sér tryggingu að því sem mér skilst til að geta mætt hugsanlegum skaðabótakröfum.
Væri þá ekki rétt að almennir stjórnendur efst á toppinum væru með slíkar tryggingar. Kaupið sem væri umfram hið venjulega kaup væri notað í slíkar tryggingar.
Í því máli sem hér um ræðir segir:
,Strætó braut jafnræðisreglu
Forsaga málsins er að eftir að útboði lauk var tilkynnt að Strætó bs. hefði gengið að tilboði Hagvagna hf. í stóran hluta verksins. Seinna hefði komið í ljós að Hagvagnar hefðu ekki uppfyllt skilyrði útboðsins hvað vagnakost varðaði og Strætó bs. hefði því haft vagnaskipti við félagið til að hjálpa því að uppfylla útboðsskilyrði. Taldi Allrahanda ehf. þetta vera brot á jafnræðisreglu þar sem Strætó hefði sérstaklega styrkt eitt fyrirtæki á eigin kostnað og því hefði ekki verið jafnræði milli bjóðenda." segir í fréttinni.
Þá er spurningin var þetta ákvörðun stjórnar fyrirtækisins eða forstjóra og framkvæmdastjórnar að fara í vagnaskipti við Hagvagna og hver átti hagur Stætó að vera af þeim skiptum. Þetta þarf að upplýsa til að eyða tortryggni um undirmál og spillingu.
Ef ekkert er gert í ábyrgðarmálum stjórnenda obinberra fyrirtækja og engin er látinn bera ábyrgð, en 100 milljónum bar velt inn í skattlagninguna si svona er hætt við að fullveðja menn láti það ekki ganga yfir sig og leggist jafnvel í málaferli til að hrinda af sér okinu eða leiti leiða til þess. Í því felst raunverulegt lýðræði að láta ekki kúga sig endalaust til að borga afglöpin. Venjulega fara lögfræðingar í hnút þegar hinn almenni borgari fer að hafa sig í frammi og fara velta fyrir sér því, sem þeir kalla lögvarðar kröfur og reyna að teygja og toga, en þá er bara að finna krók á móti bragði. Það eru alltaf einhverjar leiðir til ef menn eru nógu frumlegir.
Niðurstaða dómsins óvænt | |
Tilkynna um óviðeigandi tengingu við frétt |
Stjórnmál og samfélag | 21.6.2016 | 11:16 (breytt kl. 11:22) | Slóð | Facebook | Athugasemdir (0)
Alltaf verða málin skrautlegri hjá Strætó. Þetta er nú punkturin yfir i ið.
Það sem mér finnst þó merkilegast við allar þessar sveiflur er að þegar forstjórinn var látinn fara eftir að hafa farið út í búða og keypt Bens-jeppa fyrir sjálfan sig á kostnað Strætó að því er virtist án heimildar eftir að forstjóra-jeppinn eyðilagðist, þá þótti það mikið gáfu bragð að hann var ráðinn upp í Stjórnarráð Íslands nánar tiltekið sem sérfræðingur í Umhverfisráðuneytinu eftir því sem mér skilst. Þeir kalla ekki allt ömmu sína sem stjórna land og borg og þyrftu að fara að vanda sig eins og alþýðan reynir að gerir hvunndags.
Strætó greiði 100 milljónir í bætur | |
Tilkynna um óviðeigandi tengingu við frétt |
Stjórnmál og samfélag | 20.6.2016 | 11:40 | Slóð | Facebook | Athugasemdir (3)
Knattspyrnuþjálfarinn, sem gerðist sveitaprestur
á Íslandi
Sennilega eru þeir fáir íslendingarnir,sem ekki hafa heyrt séra Róberts Jack getið,svo mjög hefur hann orðið nafntogaður. Sögu hans þekkja þó líklega færri, sögu unga stórborgarbúans, sem hreint og beint strandaði" á íslandi,þegar þjóðum heims laust saman í heimsstyrjöld. Ungi pilturinn var á heimleið frá knattspyrnuþjálfun í Vestmannaeyjum,og notaði sér tímann hér og gekk í guðfræðideild Háskóla Islands, þrátt fyrir að hann væri ekki beysinn í slensku.
Síðar varð Róbert Jack sveitaprestur í afskekktum byggðarlögum Íslands, jafnframt því sem hann hélt uppi nánu sambandi við heimaland sitt, Skotland, auk þess sem hann ferðaðist til margra annarra landa og upplifði ýmislegt sem hann hefur einmitt skráð í þessa bók.
Í bókinni kynnist lesandinn merkilegu ævintýri, merkilegri ævi, manni sem hafnar að taka við blómilegu fyrirtæki föður síns í heimaborg sinni, en þjónar heldur guði sínum hjá fámennum söfnuðum uppi á íslandi.
Séra Róbert er tamt að tala tæpitungulaust um hlutina,hann er mannlegur, vill kynnast öllum stigum mannlífsins,og segir frá kynnum sínum af ótrúlega fjölbreyttu mannvali í þessari bók.
Albert Guðmundsson skrifar formála að þessari bók.
Heimild: Mánudagsblaðið 20.01.1975
Land og saga
Séra Róbert Jack: knattspyrnuþjálfarinn, sem gerðist sveitaprestur á Íslandi. Eftir Robert Jack, Jón Birgir Pétursson
Útgefandi:Hilmir, 1974
Safnið er á Geitafelli og er stórmerkilegt aðallega í gömlum votheysturni og þar er prímus motor Róbert Jón Jack sonur gamla prestsins. Þetta er óvenjulegt framtak og geta fótboltaáhugamenn farið í pílagrímsferðir norður á Vatnsnes og fengið sér súpu í hádeginu. Það gerðum við Reykskjælingar eitt sinn í afmælisferð og höfðum gaman. Að vísu er Manchesterliðið þar í fyrirrúmi og verða Púllarar og áhangendur annara liða að fara með bæn áður en þeir ganga inn í herlegheitin.
Þetta er nú eitthvað fyrir ferðaþjónustana á Íslandi að veita athygli.
Vilja sjá Skota í stúkunni | |
Tilkynna um óviðeigandi tengingu við frétt |
Stjórnmál og samfélag | 18.6.2016 | 11:54 (breytt kl. 12:03) | Slóð | Facebook | Athugasemdir (3)
Rólan sem myndin er af með fréttinni væri góð fyrir borgarstjóra Reykjavíkurborgar til að róla sér í, á meðan hann er að hugsa ýmis mál er varðar borgina og þarf að taka ákvörðun um. Það er ekkert auðvelt að taka ákvarðanir og þarf ró og spekt til þess.
Eðlilegast væri rólan væri staðsett inn í Laugarnesi í Laupnum hjá Hrafni. Ef til einhverra þrifa aðgerða kæmi yrðu starfsmenn borgarinnar að passa að henda ekki borgarstjóranum með draslinu í Laugarnesi í gám.
Svo gæti Davíð forsetaframbjóðandi rólað sér þarna líka yrði hann eitthvað trekktur eftir kosningarnar.
Sé ekki yfirþyrmandi við innilokun | |
Tilkynna um óviðeigandi tengingu við frétt |
Stjórnmál og samfélag | 10.6.2016 | 18:37 | Slóð | Facebook | Athugasemdir (0)
Mér var að berast Álit umboðsmans borgarbúa í máli nr.7/2013 dags: 31. maí 2016 vegna kvörtunar sem ég bar fram vegna þess að borginn hafði ekki svarað skriflegum erindum mínum vegna óleyfisframkvæmda á Laugarnestanga 65 Álit er ítarlegt 15 bls. og er rakinn þar allur ferill málsins og skiptist í 5 kafla.Ekki er á þessari stundu hægt að fara í það að útskýra þetta mikið hér í stuttu máli. En mér sýnist borgin liggi svolítið á hliðinn í málinu varðandi það að allar framkvæmdir hafa ekki lagastoð og ólöglegar og sett er ofan í við borgina varðandi sinnuleysi að hafa ekki framfylgt ákvörðunum sem þó hafa verið teknar eins og til dæmis að rífa ólöglegar framkvæmdir og rask á svæðinu. Er því beint til borgarinnar að gera nú skurk í þessum málum.
(Ég er nú bara búinn að hlaupa yfir þetta álit á hundavaði eins og sagt er í sveitinni og verður álitið væntanlega birt á vef Umboðsmanns borgar innan tíðar).
Stjórnmál og samfélag | 4.6.2016 | 13:40 | Slóð | Facebook | Athugasemdir (2)
Myndaalbúm
Bloggvinir
- Axel Jóhann Hallgrímsson
- Bergljót Gunnarsdóttir
- Dagrún Steinunn Ólafsdóttir
- Grétar Mar Jónsson
- Gunnar Rögnvaldsson
- Hörður B Hjartarson
- Ingibjörg Friðriksdóttir
- Jón Páll Jakobsson
- Jón Ragnar Björnsson
- Kristján Hilmarsson
- Kristján P. Gudmundsson
- Lilja Skaftadóttir
- Sigríður B Svavarsdóttir
- Sigurbjörg Eiríksdóttir
- Sigurjón Þórðarson
- Sumarliði Einar Daðason
- Valdimar Samúelsson
- au
- cakedecoideas
- Björgvin Þangbrandur "Birkirmár" Gíslasson
- Guðjón E. Hreinberg
- Kristinn Ágúst Friðfinnsson
Heimsóknir
Flettingar
- Í dag (25.4.): 11
- Sl. sólarhring: 44
- Sl. viku: 676
- Frá upphafi: 546078
Annað
- Innlit í dag: 9
- Innlit sl. viku: 606
- Gestir í dag: 9
- IP-tölur í dag: 8
Uppfært á 3 mín. fresti.
Skýringar