Erindisbréf Samfylkingarinnar útrunnið.

Ég kveð mér hér hljóðs til að segja skoðun mína á þessari tilraun um sameiningu jafnaðarmanna í einn flokk.

Þar sem ég var þátttakandi í því ferli innan Alþýðubandalagsins og leyst þokkalega á þá hugmynd að prófa nýja leið til þess. Áður höfðu gengið hugmyndir og verk í þá átt að einstaklingar og hópar höfðu klofið sig frá flokkum til að sameina menn í einhverju öðrum samtökum. Reyndin var sú að oftast var það gert í þeim tilgangi til að koma ár sinni fyrir borð og mata eigin krók og var í raun vitlaus aðferð.

Sú hugmynd að vinna þetta innan frá var góðra gjalda verð að fá samþykki stofnana flokkanna til sameiningar og var ég fylgjandi henni og gerði þá ráð fyrir að að sá flokkur sem ég tilheyrði gengi þar inn í breiðfylkingu. Önnur varð nú raunin og er ekkert hægt að gera athugasemdir nú við það að aðrir hafi kosið annan vegslóða í þeim efnum og að menn ráði því hvar þeir vilja gista og er öllum sú saga kunn hvernig þetta fór. Sjálfur gekk ég aldrei í Samfylkinguna en vann að því á sínum tíma að halda sameiginlegt prófkjör með þeim stjórnmálahópum sem tóku þátt í því að mynda Samfylkinguna við botn Húnaflóa. Það sem mér kom á óvart við það prófkjör sem var opið upp á gátt eins og hvert annað portkonuprófkjör, hve Sjálfstæðismenn voru íhlutunarsamir í því og mættu vel, en viti menn þeir voru að koma sér upp efni í þingmann sem þeir gátu notið góðs af þegar framm í sótti. Kallaði ég það Kolkumýrabandalagið í einrúmi.

Nú er ég á þeim stað í lífinu að ég vil gera grein fyrir því hvað mér finnst í þessum efnum. Eðlilegast er að Samfylkingin verði leyst upp og lögð niður í þeirri mynd sem það stjórnmálaafl er nú.

Erindisbréf Samfylkingarinnar er útrunnið og ógilt og Samfylkingin hefur ekkert erindi við okkur og hefur ekki náð því markmiði sem að var stefnt og nær því varla í framtíðinni. Þess vegna er ástæðulaust að vera draga þetta á langin lengur og reyna að vera einhver þykjustu  flokkur. Auðvita eiga þeir þingmenn sem kosnir voru í þessum Alþingiskosningu rétt á að sitja til næstu Alþingiskosninga og ákveða hver og einn hvað framtíð þeir velja sér.

Ég tel að verkalýðshreyfingi verði að taka dánarbúið upp á sína arma og ráð að mestu um afdrif þess. Jafnaðrmannaflokkur verður að sækja styrk sinn í launamannasamtök, það er mitt mat.

Mér er ljóst að allir hafa reynt að gera sitt best og af einlægum hug. En þegar staðreyndir blasa við er best að viðurkenna þær.

Verkefnið tókst ekki að sinni.

 

Oddný hættir sem formaður

Nýtt kosningakerfi , jöfnun atkvæðisréttar

Gott væri á þessum tímapunkti að fá útreikninga á niðurstöðu kosningana þar sem atkvæðavægið væri jafnt í öllum kjördæmum. 1 maður 1 atkvæði og allstaðr jafn mörg atkvæði á bak við hvern þingmann.

Kosninga- og reikni- sérfræðingar væru settir í það að skjóta því upp á skjáinn til að gera sér grein fyrir hvernig lýðræðið er afbakað á Íslandi.

Segir RÚV hafa haft hana að fífli

8-13 þús manns undir vopnum á kjördag.

Allt stefnir í að u.þ.b. 8-13 þús. manns verði undir vopnum á kjördag, en þessa helgi er fyrsta helgin á rjúpnaveiðum.

Það er betra að menn verði ekki reiðir þegar þeir koma til byggða og er það ekki gott að þessir dagar fara saman ef eitthvað fer úrskeiðis.

Við skulum vona að allt fari vel og rjúpnaskyttur fá sínar rjúpur og frambjóðendur sín atkvæði.

Annars held ég að það séu sóknarfæri fyrir ferðaþjónustuan að bjóða rjúpnaskytterý á Reykjanesfólkvangi þ.e.a.s. með myndavélum. Það gæti verið spennandi íþrótt og afþreying held ég.

Spá snjókomu um kosningahelgina

Það verður hvíslað og hringt eitthvert kveldið.

Búvörusamningur frá. Það var afrek miðað við stjórnmálaástandi.Hann hefði geta fallið milli stafs og hurðar ókláraður.

Stjórnmálmenn eru í önnum í kosningaundirbúningi og því varla að gaumgæfa þetta eða hafa áhyggjur af.

Það verður eitthvað hvíslað og hringt seinna.

Þjóðin er núna í þjóðarsamtali á kaffistofum í hléum í leikhúsum í strætó og í jarðarförum og ýmsum samkvæmum og athöfnum.

Afurð af öllu þessu kemur upp úr kjörkössunum í lok mánaðarins. Líklega verður búið að skipa nefndina fyrir þann tíma svo ,,hinir" skipi hanna ekki eða geri eitthvað allt annað.

„Við höfum ekkert heyrt“

Marbakki hvað er nú það?

Mér skilst að í Reynisfjöru sé svokallaður marbakki. Hann er þannig að sandfjaran dýpkar mjög bratt út og svo snardýpkar stutt frá landi. Þannig að úthafsaldan verður grýðarlega öflug þegar hana ber að landi því sjávarmagnið er svo mikið í henni svo þegar sjórinn dregst út verður mikið sog sem getur auðveldlega dregið fólk með sér út í dauðann.

Væri nú ekki tilvalið að taka túrhesta í náttúrufræðikennslu og  útskýra þetta fyrir þeim með myndum á skilti. Elska túrhestar ekki svoleiðis og þá færu þeir að skilja hlutina og hættu að hlaupa æpandi út í dauðan.

Svo væri þetta nýtt svið hjá ferðaþjónustunni, mjög skemmtilegt, að kenna og upplýsa um íslenska náttúru og sérknni hennar. 

Einn klömbruhaus í vegginn og ný stoð um varanlega ferðaþjónustu, reist á þekkingu og fræðslu. 

Allt mitt vit sem ég hef varðandi þessa færslu er fengið hjá bróður mínum sem hefur verið sjómaður frá aldaöðli og verið loðnuskipstjóri á þessum slóðum, þegar loðnan hefur verið við suðurströndina.

Hlaupa hlæjandi í öldur Reynisfjöru

Á trúnó. Maðurinn með hattinn

Sigmundur: Ætlar þú nokkuð fram gegn mér Sigurður?

Sigurður: Ja það hefur verið hringt í mig og það hefur verið skorað.

Fótboltaliðin eru alltaf að skora.

Sigmundur: En þú lofaðir Sigurður Ingi.

Sigurður: Lofa og lofa þau eru nú ekki hátt metin loforðin nú til   dags. Við verðum að fá atkvæði Sigmundur, það veistu.

Sigmundur: Já en ég útvegaði þér hana Lilju Alfreðs. Þú mátt nú

þakka fyrir að fá hana. Hún puntar nú upp á þig.

Þeir segja nú hjá útvarpinu að þú sért orðn svo feitur.

Sigurður : Þeir segja nú margt hjá útvarpinu, m.a. að þú sért bæði

feitur og með skjöl.

Sigmundur: Já konan  mín gaf mér þetta í afmælisgjöf, er það nú

bannað.

Sigurður: Þú gerðir okkur óleik Sigmundur minn með því að hlaupa út

þættinum. Það var grunsamlegt í meira lagi.

Sigmundur: Já en mér varð svo hverft við þegar farið var að tala um

þetta allt saman. Svo var konan ekki búin að setja mig inn í öll þessi peningamál.

Sigurður: Já þau eru erfið þessi peningamál, en einhversstaðar verða

vondir að vera. En Sigmundur minn áttu einhverja kanínu núna til að liðka fyrir okkur í flokknum svo við fáum atkvæði.

Hvar ertu með hattinn góði?

Sigmundur: ,,Maðurinn með hattinn, sá er ekki hýr, borgar ekki skatttinn en rekur bara kýr" syngja þeir smalarnir hér í Hróarstungum. Jú ég held að ég sé með eitt.

Sigurður: Já hvað nú vinur minn.

Sigmundur: Skattaívilnanir til dreifbýlisfólks og miða við ákveðna hæð yfir sjávarmáli.

Sigurður. Þú ert snjall Sigmundur það verður ekki skafið af þér vinur minn. Ég þyrfti að koma og heimsækja þig þarna austur. Við gætum dottið í það saman og heimsótt bændurnar. Þau er svo frjálsleg svoleiðis ferðalög. Við getum látið Höskuld keyra.

Hafa átt trúnaðarsamtöl eftir fáleika

Ámundi Loftsson skrifar um ruglað lið.

RUGLAÐ LIÐ

Fyrir kemur að ég fæ á tilfinninguna að Íslendingar séu upp til hópa snarbilaðir.
Þeir púkka undir þá sem sitja að auðlindum sem ekki er deilt um að þjóðin á.
Íslendingar byggja lúxushótel út um alla tranta, en leysa húsnæðisvanda þjóðarsjúkrahúss með gámum, nú síðast 800 fermetrar í Fossvogi.
Þeir eru uppfullir með að ekkert mál sé að byggja nýjan alþjóðaflugvöll. Þeir eiga tvo flugvelli í námunda við mesta þéttbýli landsins en hafa hvorugan byggt, í það minnsta ekki í upphafi. Annar þeirra er utan eldvirkra svæða en nú jagast þeir um að afleggja hann, þrátt fyrir að vera nýbúnir að lagfæra helstu brautir hans varanlega og nota flugvallarlandið sem er botnlaus mýri, undir íbúðabyggð. Samt eiga þeir meira vanýtt byggingaland en flestar aðrar þjóðir. Þeir tala nú um nýjan flugvöll rétt sunnan Hafnarfjarðar inná eldvirku svæði.
Öll fer þessi umræða fram meðan allir vita að þjóðvegakerfið er bæði í lamasessi og aukinheldur áratugum á eftir tímanum, án vegaxla og með fjölda einfaldra brúa.
Þeir tala um nauðsyn byggingar þjóðarleikvangs meðan sjúklingar hafast við á göngum og í gámum.
Þeir reka mestu okurlánastarfsemi í víðri veröld og skilja svo ekkert í því að þúsundir flytja af landi brott.
Er ekki eitthvað hræðilege mikið bogið við þennan veruleika?

Góðar stundir.

Ámundi Loftsson

Börnin í fyrirrúmi

Þetta var mjög upplýsandi og menntandi ráðstefna.

Íslendingar virðast vera miklir eftirbátar annara þjóða í þessum málum, varaðndi að hlúa að börnum við andlát foreldris eftir því sem kom fram í máli fólks og virðist það alfarið fara efti samheldni í fjölskyldum hvernig unnið er úr svona málum.

Aðalatriðið er að veita börnum öryggi, hlýju og nánd og að þau hafi margt fyrir stafni, því lífið heldur áfram.

Það kom fram á ráðstefnunni að Jón Bjarnason fv. skólastjóri á Hólum er guðfaðir þessa verkefnis og hefur drifið það áfram ásamt fyrilesurum og rannsóknaraðilum. Ég sagði honum að þarna væri kominn póstur í ferilskrána hjá honum sem Jón Arason gæti verið drjúgur af. Hann gæti vissulega státað af því fram yfir JA. Dagskráinn var mjög fjölbreytt og þetta efni á erindi við nútíma manninn því dauðinn er honum fjarlægur, þó það sé eitt af því sem er víst að hendir hvert og eitt okkar. Þó er alltaf verið að spá heimsendir með allskonar fræðum, þó heimsendir sé oft á dag alla veg fyri þeim sem deyr.

Innanríkisráðuneytið hefur veitt þessu viðfangsefni brautargengi og ber svo sannarlega að þakka það.

Bað Jón Bjarnason hlutaðeigndur og fyrirsvarsfólk ráðstefnunnar að færa Ólöfu Nordal þakkir og kveðjur en hún komst ekki til ráðstefnunnar, því hún var lögð inn á spítala samkvæmt fréttum með lungnabólgu. Góðar batakveðjur til Ólafar.

Allt efnið verður væntanlega gert aðgengilegt á vefnum svo ég er ekki að þylja meir um þetta, en legg áherslu að börn eiga að fá að njóta bæði móður og föðurforeldra jafnt og þeirra fjölskyldna og skiptir máli að þau fái að njóta félagsskapar ungviðsins í fjölskyldunni, þó annað foreldrið sé falli frá.

Það er grundvallaratriði í mínum huga.

„Börn missa hluta af sjálfum sér“

Engin landbúnaðrstefna bara hips um happs stefna.

Það er engin landbúnaðarstefna að því er virðist hvorki af hendi Bændasamtaka eða stjórnvalda, að eins mjálamað út í horni um fjölskyldubú á framboðsfundum. Bændur eru tryggðir í bak og fyrir ef þeir segja bless og ríkið kaupir kvótann, eftir því sem mér skilst og túnin standa á sinu.

Nú standa bændur frammi fyrir stærðar verkefni vegna velferðarmála kúa í greininn og vera allir, sem ætla sér að halda áfram búskap að vera búnir að reisa ný lausagöngufjós innan 10 ára. Engin er með tölur í höndum um þá hugsanlegu þróun því landbúnaðrráðuneytið hefur ekki spurt hverjir ætli að halda áfram, að því að ég best veit.

Bankar og vélainnflytjendur virðast ráða för, alla vega er fátt um svör hjá ráðunautum hvað þeir ráðleggja til. Búin stækka og stækka. Meiri skaði er að missa stór bú í veikindi eða pestir, sem hefði áhrif á greinina en minna bú.

Meira segja bóndi sem var framsýnn 1968 og byggði frammúrstefnu lausagöngufjór með legubásum og mjaltabás þá verður að byggja nýtt.

Ástæða: Legubásarnir falla ekki að reglugerð, eru 40 cm of stuttir.

Svona er þróunin og erfitt er að sporna við tímans þunga nið.

240 mjólkurkýr voru á einu búi

Kvikmyndin Sully - samanburður við Drangajökulsslysið 1960

Lýsing

Í myndinni er fjallað um hið einstaka afrek þegar flugvélin með Sullenberger við stýrið, missti afl, eftir að hafa fengið fugla í hreyflana, árið 2009 nokkrum mínútum eftir flugtak frá LaGuardia flugvellinum. Án hreyfla og á fullri ferð niður, þá náði Sullenberger með ótrúlegum hætti að framkvæma neyðarlendingu á Hudson ánni í New York, með þeim afleiðingum að allir um borð komust lífs af.

Myndin snérist um það að þó allir væru sammála um snöfurlega lendingu flugstjórans og flugmannsins á Hudsonánni sem var vel úthugsuð og nákvæm, þá komu upp raddir frá eigendun og tryggingarfélögum að það hefði verið hægt samkvæmt tölvum og flughermi að ná til tveggja flugvalla í nágrenninu og lenda vélinni nauðlendingu þar og án þess að hún eyðilagðsit eða fólk færist.

Rannsónarnefnd flugsslysa í U.S.A. rannsakaði þetta flugslys eins og lög mæla fyrir um og var mjög áfram um að geta sýnt framm á að flugstjórinn hefði tekið ranga ákvörðun með því að lenda á Hudson ánni, sem flugstjóranum tókst að hrekja og tókst að sýna fram á að hans ákvörðun var sú eina rétta. Skýrskotaði hann  til þess að í úrvinnslu rannsóknarnefndarinnar vantaði að taka til greina mannlega þáttin sem laut að því að flugmenn í flugherminum fengu að vita fyrir fram að vélin mundi lenda í fuglageri og æfa sig 17 sinnu miðað við það, en í raunveruleikanum þurftu stjórnendu hins raunverulega flugs að taka ákvarðinar á staðnu eins og málið var vaxið og höfðu einungis sjálfa sig til að reiða sig á. Allir björguðust 155 manns.

Þetta er flott mynd með miklar tilfinningar og maður fór hálf skælandi út úr bíóinu. Þegar verið var að draga farþegana upp úr flugvélarflakinu datt mér í hug skopleg saga svo einkennilegt sem það kann að hljóma ,sem systir mín sagði mér í gamansömum tón, þegar áhöfn af Drangajökuls var bjargað af skoskum togara frá Aberdeen í júní 1960. Og er hún kveikjan að þessari færslu.

Drangajökull hvoldi mjög skyndilega í Pentlandsfirði við Orkneyjar sem er raunverulega sund við Skotland og eru þar þungir strauma. Öll áhöfn bargaðist í lífbáta, líkt og í Sully myndinni og var bargað í togara eins og áður segir. Systir mín var með 4 ára son þeirra hjóna en skipstjórinn var eiginmaður hennar. Þegar hún bjóst til brottferðar hafði hún ekkert nærtækt til að skýla stráksa  nema íslenska þjóðfánan sem eftir á var svaka flott og gæti farið vel í kvikmynd og mundi margur tárast yfir slíku atriði. Skipstjórinn fór síðastur frá borði þegar skipið var komið á hvolf og varða að synda til björgunarbáta.

Nú,nú þegar farið var að draga fólkið upp í togarann voru sumir meira hræddir en aðrir eins og gengur og var þar einn áhafnarmeðlimur sem stóð í föðurlandinu einu fata og klifraði upp í togarann, en þá skeði hið skoplega, prjónabrækur verða voða þungar þegar þær blotna og vitaskuld var fólkið haug blautt eins og í myndinni Sully. Skipti þá engum togum að brókinn seig af vininum og kom hann á tillanum um borð í togarann og fannst engum það fyndið fyrr en menn voru búnir að fá sér kaffi og wisky.

Nokkuð var þjarkað um Drangajökulsslysið efti á eins og í flugvélarslysinu,en skipstjórnarmenn voru ekki fundnir sekir og héldu sæmd sinni og fengu ekki á sig dóm um neina handvömm við stjórn skipsins þó sitt sýndist hverjum, en á dekki voru 10 Massey Ferguson dráttarvélar Sem hurfu í hafði og þótti bændum það mikill skaði og voru getgátur uppi um það þær hefðu orsakað yfirvigt. En við stöðuleikapróf skipstjóra á fljóti áður enn hann lét úr höfn lét skipið að fullkomminni stjórn og þoldi krappar beygjur.

Gerð kvikmyndar af þessu sögufræga sjóslysi væri verðugt verkefni kunnáttumanna. Þess má geta til gamans að léttadrengur var þarna um borð sem síðar varð borgarstjóri Reykjavíkur, Villi Vill.

Og lýkur hér að segja frá þessari bíóferð.

Mtndirnar eru úr myndasafni fjölskyldunnar nr.1 Halldóra Gunnarsdótti og vinur hennar og skólabróðir úr Austurbæjarskóla Raggi Bjarna í áttræðisafmæli Halldóru. Mynd nr.2 Massey Ferguson sama módel og fóru í hafið í Drangajökulsslysinu.