Draslaragangur í Laugarnesi, umferðarréttur, landnot og umhverfishagsmunir almennings

 Undirritaður kvartaðir við Umboðsmann borgarbúa, vegna þess að honum var ekki svarað af stjórnsýslu Reykjavíkurborgar, vegna erindis um ástandið í Laugarnesi. Þorsteini hefur verið gefin kostur á að gera athugasemdir við framlögðu bréfi lögmanns byggingarfulltrúa, sem ég leyfi mér,  að birta hér á vefsíðu minni, þar sem almannaréttur og landafnot almennings á að vera tryggður með deiliskipulagi, en steypt bygging hefur verið reyst í Laugarnesfjörunni utan lóðarmarka og ekki í samræmi við deiliskipulag af prívatmanni sem er um margt skemmtilegur og sérvitur en ætti að geta verið með skemmtilegheit sín innana sinna lóðarmarka, en ekki í almenningum.

23.mars 2014

 

 

Umboðsmaður borga

Ráðhúsi

Reykjavík

 

Efni: Athugasemdir við svari byggingarfulltrúans í Reykjavík vegn kvörtunar.

 

Með bréfi dags. 13 mars 2014 mál nr. 7/2013- Laugarnestangi er mér gefinn kostur á að gera athugasemdir við svar Harra Ormsonar lögfr. f.h. byggingarfulltrúa dags: 14. okt. 2013.

Í bréfinu rekur lögfræðingurinn atburðarrás málsins með greinrgóðum hætti. Kvörtun mín til Umboðsmans laut að því að svar hafði ekki borist mér um það, hversvegna óleyfisbyggingar í Laugarnesi væru ekki rifnar eins og byggingarfulltrúi áformaði í júní 2010?  Það er löngu upplýst að allar téðar framkvæmdir eru ólöglegar, án byggingarleyfis og eiga sér ekki stoð í deiliskipulagi.

Deiliskpulagstillaga fyrir Lauganes var auglýst árið 2000 og gafst almenningi kostur á að gera athugasemd við og var ekki skilyrt að viðkomandi þyrftu að eiga land eða fasteign í Laugarnesi til að geta gert athugasemd.Undirritaður nýtti sér þann rétt og var megin ástæða þess að hann er uppalinn í Laugarnesi nánartiltekið Laugarneskamp 36 og er því svæðið honum kært og honum því ekki alveg sama hvernig mál þróast þar.

Í svari lögfræðingsins  er viðurkennt að ámælisvert sé að erindi Þorsteins hafi ekki verið svarað en bent á að vandséð sé  hvaða hagsmuna Þorsteinn hafi að gæta á Laugarnestanga Hann sé hvorki íbúi né eigandi lands. Þetta er alveg kórrétt hjá lögfræðingnum.

Með auglýsingu á deiliskipulaginu og því að almenningi er gefin réttur til að gera athugasemdir  og er í raun veriða ð gefa almenningi lögvarðan rétt til að gæta hagsmuna sinna sem geta verið ýmiskonar, njóta lands og náttúru. Þá er ekki síst hagsmunir sem felast í umferðarréttinum og að geta farið um landið án íhlutunar annara miðað við að farið sé að settum reglum og hafa aðgang að hafi. Undirritaður vísar því til föðurhúsnna og mótmælir  því að engir hagsmunir  séu fyrir hendi í málinu. Undirritaður er ekki löglærður og getur því ekki rakið sig eftir lagaparagröfum hvað varðar umhverfis- og umferðarrétt almennings en hefur mikla reynslu sem bóndi og starfað að landbúnaði í  rúm 30 ár þar sem ýmiskonar atriði með notkun lands ber á góma, verið í félagsmálum sem oft og tíðum hefur reynt á, að tileinka sér lögfræðileg viðhorf til málefna og er því ekki alls ókunnur slíkum atriðum.

Mál þetta er ekki flókið og kjarnaspurningin, sem þarf að svara er hversvegna hefur því verið leyft að þróast svona. Er Laugarnesið einskismannsland og einhvert frísvæði þar sem lög landsins gilda ekki? Getur þá hver sem er farið og sett upp það sem honum sýnist á svæðinu.? Undirritaður mun íhuga að setja þarna upp einhver mannvirki ef sá aðili sem fera með eftirlitsvaldið lætur það átölulaust.

Undirritaður nýtti sér borgaralegan rétt til að gera athugasemdir við deiliskipulagstillöguna og hafnaði henni vegna ýmissa vankanta sem honum sýndist á henni. Er ekki hægt að lýta á aðkomu að deiliskipulagi með athugasemdum sem lögvarinn rétt?

Í athugasemdum að deiliskipulagstillögunni  var bent á það að hús þyrftu að hverfa af svæðinu nema hús Sigurjóns Ólafssonar. Lagt var til að í Laugarnesinu væri gerður sjávarútvegshlunnindagarður, svæðið væri ekki safn heldur lifandi umgjörð þar sem fólk gæti verið á ferðinni. Þá var bent á ýmis praktisk atriði svo sem að það þyrfti að koma upp aðstöðu til að leggja frá sér reiðhjól. Minnst var á göngustíga þeir væru of mjóir og vikjandi eliment . Á því svæði sem Laugarnestangi 65 er væri skynsamlegt að veita almenningi möguleika á að sjósetja kajaka en Laugarnesvörinn er með bestu lendingarstöðum fyrir slíkt á norðurströnd í Reykjavík og þó víðar væri leitað. Lagt var til að gefa landslagtarkitektum tækifæri tila ð spreytasig á þessu viðfangsefni og betur færi á því að gefa sér meiri tíma til að ákvarða hvað ætti yfir höfuð að gera með Laugarnesið.

7. apríl 2010 sendu 18 valinnkunnir borgarar Reykjavíkurborg bréf þar sem lýst var áhyggjum yfir ástandinu í Laugarnesinu varðandi jarðraski o.þ.h. og báru fram 4. spurningar um hver bæri ábyrgða á svæðinu umhirðu þess, svo sem gróðurfari landslagi og lagfæringum á jarðraski og aðgengi almennings að allri strandlengjunni. Bent var á merka sögu Laugarness og fleira.

Ekki er hægt að ljúka þessu án þess að minnast á gróðurfar. Náttúrufræðistofnun Íslands gaf út skýrslu árið 1997, Kristbjörn Egilsson o.fl.  2009 fór úttekkt fram á náttúrufari á svæðinu og var gaumur gefinn að útbreiðslu ágengra tegunda er þar nefnt, tröllahvönn skógarkerfill alaskalúpína,hófifill þistill og spánarkerfill. Ég hef orðið var við það og séð það á facebokksíðu sem við fv. Krakkar í Laugarnesi höldum úti að það hafi beinlínis verið gert í því að auka veg þessara plantna. Undirritaður hefur komið að göngustíg þar sem var búiða að afmá hann með því að tyrfa hann með túnþökum eins var alaskalúpína búinn að yfirtaka hann á nokkru svæði. Þetta eru dæmi um ráð sem eru notuð til að hindra för almennings um svæðið.

Virðingarfyllst.

Þorsteinn H. Gunnarsson

Afrit:

Athugasemdir við deiliskipulagstillögu vegna Laugarness árið 2000

Frá Þorsteini H. Gunnarssyni

Bréf frá valinn kunnum borgurum til Reykjavíkurborgar dags:7. Apríl 2010

Skýrsla minnisblað Náttúrufræðistofnunar Íslands dagsett 15. Júlí 2009

 

 

Grös og blóm í haga

 

Sýning á þurrkuðum íslenskum plöntum í Háskóla Íslands frá 29. mars til 29 apríl á neðri hæð Háskólatorgs. Þorsteinn H. Gunnarsson,  f.v. bóndi sýnir þar plöntusafn sitt, sem var hluti  af verkefni hans til kandidatsprófs í búfræði frá Hvanneyri 1970.

Markmið sýningarinnar

Markmið sýningarinnar er fróðleikur og ánægja. Sýningin miðli til áhorfandans fræðslu um íslenskar plöntur og sé jafnframt hvatning til almennings að kynna sér og þekkja íslenska jurtaflóru. Gönguferðir og útivist almennt hafa leitt til aukins áhuga á íslenskum jurtum og er sýningunni ætlað að koma til móts við hann.

Á sýningunni eru náttúruljóð við hverjar 4 plöntur sem tengja íslenska ljóðlist við náttúru og umhverfi  okkar.

Tímarammi verkefnisins

Sýningunni er ætlað að vera farandsýning. Hún á að vera tiltæk þeim sem vilja ljá henni pláss og rými. Að öðru leyti er um samkomulag við þann sem vill hýsa sýninguna hverju sinni.

Aðrar upplýsingar

Safnið er, u.þ.b. 100 plöntur og þær eru allar greindar með íslensku og latnesku heiti og ætt, fundarstað og dagsetningu. Safnið samanstendur af 23  spjöldum sem hvert er með 4 plöntum. Eitt ljóð fylgir hverju spjaldi. Auk þess eru 14 spjöld með einni plöntu.

Ljóðin  eru úr ljóðabókinni, Allt fram streymir, íslensk náttúruljóð eftir ýmsa höfunda, tekið saman af Helgu K. Einarsdóttur, gefið út af Sölku 2003. Samkvæmt ráðleggingum frá Rithöfundasambandi Íslands var haft samband við rétthafa ljóðanna með dreifibréfi þar sem þeim var gefin kostur að koma að athugasemdum. Engar athugasemdir bárust.

Innrömmun Sigurjóns sá um uppsetningu á plöntunum og allan frágang.

Frekari upplýsingar hjá Þorsteini H. Gunnarssyni sími 5812286 og 6182143 og netfang: [e-mail].                                                                                                                                                   

 

 

Laugarnes, borgaryfirvöld aðhafast lítið vegna óleyfisframkvæmda, kosningar á næsta leyti

Hér birti ég bréf sem ég sendi byggingaryfirvöldum í Reykjavík í febr, 2010. Mér sýnist lítið gerast í Laugarnesinu til úrbót.

Reykjavík 7. febr.2010

Skipulags og byggingarsvið

b/t  Guðbjörns Ásbjörnssonar

Skilmálafulltrúa

Það er búið að steypa upp hús í fjöruborðinu á Laugarnestanga. Þess var vart í birtingu föstudaginn 5. febrúar 2010 að steypubíll og steypudæla/krani voru að athafna sig þarna.
Þess vegna óska ég eftir upplýsingum hvort þessar framkvæmdir séu á vegum hins opinbera eða einkaaðila?

Var gefið byggingarleyfi fyrir framkvæmdinni og á lóð hvers er hún?

Er húsið byggt samkvæmt uppdráttum og burðarþolsteikningum?

Er gert ráð fyrir þessu húsi á deiliskipulagi?

Ég fékk mér göngutúr þarna á Laugarnesinu, en ég er alinn þar upp og þá sá ég að steypuframkvæmdirnar þarna fyrr um daginn að þá hafði verið steypt plata sem loft yfir húsið. Verður húsið á mörgum hæðum?

12 ágúst 2000 gerði ég athugasemdir við deiliskipulagstillögu sem þá var til afgreiðslu og umfjöllunar. Þar koma sjónarmið mín fram varðandi notkun og réttindi almennings  til útivistar í Laugarnesi. Það virðist tilhneiging hjá íbúum að hamla umferð um svæðið og vera með útþenslustefnu.

 

Þannig var fyrir 2-3 árum að það var verið að afmá göngustíginn að sunnanverðu með fram sjónum. Var það gert með því að leggja þökur yfir hann. Það vildi bara svo heppilega til að ég var á göngu þarna og sá þetta og gerði borgaryfirvöldum viðvart og voru þökurnar fjarlægðar. Eins hefur sú aðferð verið notuð að sá lúpínu, þannig að göngustígur lokaðist.

 

Fyrir ofan húsin eru tjarnir og þar er rekið gæsaeldi af einhverjum. Allt er löðrandi af gæsaskít þarna yfir sumar og hausttímann og hvergi hægt að setja sig niður með barnabörn og drekka kaffi sitt.

 

Ég óska eftir að íbúum verði gert að halda sig innan sinna lóðarmarka með lífshætti sína og allir þessir draslhaugar sem hefur verið safnað saman á svæði í þeim tilgangi að mínu mati að bæja fólki frá Laugarnesinu og eru ekki innan lóðarmarka verði fjarlægðir.

Lóðarmörk verði upplýst. Sett verði upp girðing á lóðarmörkum, svo hvorki verði gengið á hagsmuni lóðarrétthafa eða almennings.

Komið verði upp aðstöðu fyrir almenning svo sem grasflöt með bekkjum, grillkofa eins og víða tíðkast erlendis þar sem fjölskyldurr koma saman til að grilla og svæði vert aðlaðandi fyrir almenning eins en gert var ráð fyrir að Laugarnesið sé útivistarsvæði fyrir Reykvíkinga.

 

Plantað verði limgeri og skógarplöntum efir því sem skynsamleg getur talist og komið fyrir aðstöðu fyrir hjólreiðafólk að geyma hjól sín.

Ýmislegt er hægt að telja meira fram en læt þetta nægja að sinni.

Eins og nú háttar málum í Laugarnesi eru bara leiðindi að horfa upp á þetta.

Flest þó í góðum málum hjá Birgittu Spur.

                                               Þorsteinn H. Gunnarsson 

                                               

                                              

 

 

 

 

Laugarnes, athugasemd við deiliskipulag 2000

Athugasemdir við deiliskipulagstillögu

vegna Laugarness árið 2000

Frá Þorsteini H. Gunnarssyni

 

 Deiliskipulagstillaga fyrir Laugarnesið liggur nú fyrir og getur almenningur gert athugasemdir við hana, lýst sig samþykkan eða andvígan tillögunni.

Segja má að Laugarnesið sé eina tiltölulega ósnortna svæðið af norðurströnd Reykjavíkur sem eftir er af strandlengjunni. Hefur það verið friðað eftir því sem undirritaður bezt veit.

 

Búast má við þéttingu byggðar í nágrenni Laugarnessins og má þar nefna hugmyndir um breytta nýtingu athafnasvæðis Strætisvagna Reykjavíkur sem komið hafa fram á obinberum vettvangi. Á komandi árum getur því Laugarnesið orðið mikilvægur útivistarstaður og í raun eina aðkoma fólks að náttúrulegri strönd á stóru svæði.

 

Undirritaður hefur farið yfir deiliskipulagstillöguna, farið í vettvangsferð auk þess sem hann er staðkunnugur í Laugarnesinu. Það er mat og niðurstaða undirritaðs  að almannahagsmunir séu víkjandi fyrir einkahagsmunum í framlagðri tillögu og í tillöguna vanti  framtíðarsýn til að skapa Laugarnesinu verðuga stöðu og einhvern tilgang í borgarlandinu. Undirritaður lýsir  sig algerlega andvígan tillögunni í þeim búningi sen hún er nú.

   

Þær byggingar sem enn standa í Laugarnesinu eru ornar lúnar og og eru byggðar úr léttu efni og færanlegu. Gamli Laugarnesbærinn var á sínum tíma orðinn lúinn enda var hann látinn víkja. Núverandi hús þurfa að hverfa af svæðinu nema þá helst hús Listasafn Sigurjóns Ólafssonar. Það þarf þó að endurhanna þannig að það falli betur að landslaginu og sé ekki jafn áberandi.

 

Áhugavert væri að Laugarnesið yrði gert að sjávarútvegshlunninda almenningsgarði

þar sem fólk upplifði tengsl strandar og lands , útvegs og atvinnuhátta. Svæðið yrði ekki safn, fremur lifandi umgjör þar sem fólk sækti sér útiveru, hvíld og fróðleik. Það er ekki vansalaust að ein helsta fiskveiðiþjóð í heimi  skuli ekki eiga slíkan almenningsgarð. Þannig almenningsgarður þyrfti ekki að kosta mikið en gæti gefið af sér beinar og óbeinar tekjur. Þannig búinn garður vekti áhuga ferðamanna.

 

Ekki er gert ráð fyrir að fólk komi hjólandi í Laugarnesið því ekkert geymsluplan fyrir reiðhjól sést á deiliskipulagstillögunni. Göngustígur meðfram strandlengjunni er

mjór og víkjandi samkvæmt tillögunni auk þess sem fólk mundi veigra sér við því að troðast yfir bryggju á Laugarnsestang 65 en eins og kunnugt er ganga bryggjur í sjó fram og eru til þess að bátar liggi við þær. Þetta yrði enn örðugra ef byggt yrði yfir bryggjuna. Í raun rífur bryggjuhúsið gönguleiðina fyrir almenningi enda er sá tilgangurinn að fæla fólk sem mest frá og gera því ókleift að njóta strandarinnar.

Raunar er það ein af höfuð ástæðum þess að núverandi einkaíbúðarbyggð þurfi að víkja, að almenningur veigrar sér við að ganga framhjá stórum gluggum prívatsfólks og finnst að það sé að ónáða íbúana.

 

 

 Á því svæði sem Laugarnestangi 65 stendur væri skynsamlegt að veita almenningi möguleika á að sjósetja kajaka að sumarlagi og athafna sig til þess, en svæðið hallar mátulega niður að fjörunni. Kajaksiglingar er vaxandi íþrótt meðal almennings í borginni.

 

Varðandi byggingu fyrir geymslu Listasafns Sigurjóns Ólafssonar væri æskilegt að hún yrði byggð annars staðar en í Laugarnesinu.

 

Undirritaður telur að velta þurfi  notkun þessa landssvæði mikið betur fyrir sér og gefa sér tíma til þess og hafa almannahagsmuni í fyrirrúmi. Að mati undirritaðs geri deiliskipulagstillagan það ekki. Ef til vill væri bezt að efna til hugmyndasamkeppni landslagsarkitekta um svæðið, með skýrum markmiðum borgaryfirvalda um megin tilgang og notkun þessa landsvæðis. Að lokum er andstaða við tillöguna ítrekuð og er vonast til að borgaryfirvöld horfi til framtíðar við skipulag Laugarnessins þessarar náttúruperlu sem býður upp á svo mikla möguleika fyrir komandi kynslóðir.

 

 

 

Gjört í Reykjavík 12. ágúst 2000

 

                                                          

                                                          Þorsteinn H. Gunnarsson kt. 160146-4359                        

Meginlínurnar lagðar í sveitarstjórnarkosningunum af sauðkindinni..

Ætli meginlínur um listana séu nú ekki oft lagðar á WC á þorrablótunum? Það mætti segja mér það.

Auðvita verða bændur að hafa tíma til að sinna þessum málum og ráðslagast eitthvað, sérstaklega eftir að sveitarfélögin hafa stækkað og hingað og þangað geta verið menn sem engin veit hvað gera, gætu jafnvel brotist fram með lista öllum að óvörum. Þá verða bændur náttúrlega að hafa stund til að fylgjast með mannaferðum og hafa á sér andvara. Það þyrfti jafnvel að setja inn ákvæði um þetta í búvörusamninga. Lögboðin hvíldartími og stund milli stríða að sinna kosningum.

 Þetta eru miklir fundir sem menn verða að sækja á útmánuðum, búnaðarfélagsfundir, búnaðarsambandsfundir, deildarfundir samvinnufélaganna og aðalfundir þeirra o.sv. frv.

En hvað um sjómenn, þarf þá ekki að fínstilla þetta í þeirra þágu?

Kosningum verði flýtt í sauðburði