Hættulegar aðstæður í umferðinni. Launhálka

Nú eru sérstaklega hættulegar aðstæður í umferðinni jafnt í þéttbýli og dreifbýli.

Þegar klaki hefur myndast eins og nú er, þá þiðna klaki og skaflar og það vætlar úr þeim og frýs jafnóðum ef því er að skipta þar sem hitastig er lægra niður við jörð. Þessi blæðing á ísnum veldur glerhálku og ekki er gott að átta sig á hvar hún er og maður getur ekið fyrirvaralaust inn í slík umhverfi og þá geta ökumenn lent í vondum málum ef þeir hafa ekki andvar á sér og átta sig ekki á þessari laumuhálku.

Farið varlega í umferðinni, elskurnar, svo þið lendið ekki í slysi og getið skotið upp flugeldum á gamlárskvöld.

Þetta mál er til þess að læra af og íhuga aðbúnað útigangshrossa.

Það er skelfilegt að hugsa til þess að svona gerist. Við búum við það að bakkar vatna og áa hefur ekki þurft að girða. Það er reynslan. Þó ég hafi ekki farið í vettvangsferð þarna þá dettur mér í hug að farið hafi að þrengjast um haga og vatn. Þegar hross eru orðin svöng vilja þau oft fara á rand til að halda á sér hita. Ef eitt hross fer á stað út á ís elta hin í humáttu á eftir síðan verður þrýstingur á hópinn að halda áfram. Í því tíðarfari sem hefur gengið yfir landi undanfarið ber brýna nauðsyn að gaumgæfa aðstæður útigangs hrossa daglega. Gefa gaum að því að þau hafi nógan haga og aðgang að vatni. Ef svo er ekki verður að bæta úr því, ellegar að taka hrossin á gjöf óháð dagatalinu.

Það þýðir ekkert að naga sig í handarbökin í þessu máli, frekar að leggjast á árarnar og bæta umhirðu og aðbúnað útigangshrossa og reka stýfan áróður fyrir því að svona endurtaki sig ekki. Aldrei.

12 hross frusu í Bessastaðatjörn

Ókyrrð í lofti

Það þarf sterkar taugar að vera flugstjóri við svona aðstæður. En aðstöðumunurinn milli flugstjórans og farþeganna er mikill, flugstjórinn veit hvað er að gerast og getur nokkru ráðið en farþegar halda að hinsta stund sé upprunnin og vélin að farast. Hef einu sinn lent sem farþegi í mikilli ókyrrð. Og var það í síðasta flugi Arngríms Jóhanssonar sem flugstjóra frá Havanna á Kúpu til Keflavíkur.

Ég man að vélin virtist bylgjast til, þegar hún var að fara í gegn um þetta. Karlinn var arfaslakur og ræddi við farþegana í geng um hátalarakerfi vélarinnar og bauð upp á kampavín í tilefni að hann var að hætta vegna aldurs.

Og þá tóku farþegar gleði sína og róuðust.

Skelfing greip um sig meðal farþega

Tónleikar Söngfuglanna á Droplaugarstöðum

Á dvalarheimilinu Droplaugarstöðum dvelur frændi minn og vinur og fór ég að heimsækja hann í dag og næla mér í ágæta tónleika sem þar voru auglýstir. Í ágætri auglýsingu sem heimilið gefur út, svona viðburðardagatal, sá ég að þessir tónleikar voru auglýstir. Þar voru á ferðinni samkór sem kallar sig Söngfuglar kór eldri borgara á Vesturgötu 7.

Kórinn skipa 6 karlaraddir og 14 konur. Stjórandi  kórsins er Krisztína Kalló Szklenár ungverks að uppruna en talar prýðilega íslensku og var alltaf brosandi og kynnti lögin á skemmtilegan hátt.

Tónleikarnir hófust með því að krummi flaug lágflug yfir og settist á grindverk og heimtaði mat og að sungið yrði krummi krúnkar úti. Frændi veitti krumma athygli enda gefur sá fugl mönnum mikið ef honum er veitt athygli. Sjálfur held ég 2 hrafna á mínum slóðu, það er nefnilega auðveldara en að halda hund. Engin tók mark á þessari kröfu krumma. Sennilega engin skilið hana nema ég.

Kórinn var með blandaða dagskrá sem vel átti við þessar aðstæður. Byrjað var að syngja allmörg lög innlend og erlend með íslenskum texta. Svo sem Rósin, Vorómar, Liljan, Sunnudagur við fossinn, Sunnan yfir sæinnog Varir þegja. Svona lög falla vel í kramið hjá eldri borgurum og vistmönnum. Það var klappað eftir hvert lag eins og fólk hafði heilsu til.

Síðan tók hefðbundi jólalagadagskrá við og söng kórinn 5 jólalög og var endað á Heimsum ból og tóku flestir undir. Aukalagið var með sínu sniði og átti vel við alla, Fyrr var oft í koti kátt og tóku flestir vel undir.

Söngfuglarnir eru mjög frambærilegur kór,syngur af festu og öryggi og söngstjórinn hafði gott vald á kórnum. Raddir voru í góðu jafnvægi og hljómuðu mjög samstæðar, engin sem skar sig úr eins og stundu vill verða þar sem eru miklar söngdýfur innana borðs. Karlarnir stóðu sig vel og kunnu allt sem þeir áttu að leggja fram.

Þessi kór mætti syngja víðar á almannafæri nú um jólin. Þetta var virkilega góð skemmtun og ánægjulegt að sjá hvernig fólk er að gleðja gamla fólkið á aðventunni.

Mér sýnist allt starfsfólk á Droplaugarstöðum leggja sig fram um að láta umbjóðendum sína líða vel og það er yndislegt og það ber að þakka.Kærar þakkir fyrir góða skemmtun.

Hugleiðing um jólin, leiðréttinguna og lögmál Ivan Pavlovs

Margir sem fást við kennslu og lært eitthvað í sálfræði kannast við lögmál Pavlovs um endurtekningu, sem hann útskýrði með tilraunum, samanber eftirfarandi sem er tekið af Wikipedía:

,,Frægasta dæmið um þetta eru án efa hundar Pavlovs. Ef kjötduft er sett á tungu hunda mun munnvatnsframleiðsla þeirra aukast ósjálfrátt. Kjötduftið er því í þessu tilfelli óskilyrt áreiti og munnvatnsframleiðslan óskilyrt svar. Ef ljós er kveikt eða bjöllu er hringt (hlutlaust áreiti) áður en kjötduftið er gefið parast ljósið eða bjölluhljómurinn við kjötduftið og verður að skilyrtu áreiti. Þegar kveikt er á ljósinu eða bjallan látin óma vekur það skilyrt svar, það er: munnvatnsframleiðsla hundanna eykst, og það án þess að þeim sé gefið kjötduftið.

Ef hljómun bjöllunnar eða kviknun ljóssins er endurtekið oft án kjötduftsins verður svokölluð slokknun, það er skilyrt svar hundanna, munnvatnsframleiðslan, verður smám saman minni. Þetta þýðir þó ekki að hundarnir hafi gleymt að bjölluhljómur eða ljós paraðist við mat. Það nægir að gefa þeim kjötduft einstaka sinnum til þess að þeir byrji aftur að seyta munnvatni við það að bjallan glymji."

 Eru jólin orðin smákökur malt og appelsín, auglýsingar í blöðum og cokelestin í hinum vestræna heimi? Eða eru þau bara lögmál Pavlovs. Það eru engin jól nema það sé hangiket eða prjónaðir vettlingar í jólagjöf, eins og í fyrra og svo öld eftir öld.

En nú er að koma nýr faktor inn í þessa jólajöfnu og það er leiðréttingin. Fáðu þér ný rafræn skilríki og þetta ert þú er auglýst í úvarpi og blöðum. Efirleiðis verða engin jól nema almenningur fái leiðréttingu. Hann mun kalla eftir því

Þeir sem fá sér ekki rafræn skilríki fara í jólaköttinn, gæti ríkistjórnin sagt. En eftirleiðis kallar fólk eftir leiðréttingu fyrir hver jól eins og menn kölluðu eftir hangiketi fyrr á öldum.

Ég tók þátt í prófinu og þetta kom út úr því: ,,Í augum Flórsleikis er Leiðréttingin mesta réttlætismál Íslandssögunnar. Hann veit fátt betra en íslenskan mat, sem hann skolar niður með ísköldu alíslensku Mountain Dew. Flórsleikir á allar seríurnar af Landanum og Stiklum á VHS." Ég var búin að skrifa færsluna áður enn ég tók prófið. Ætli ég sé laumu Framsóknarmaður það gæti litið þannig út?

Hvaða jólasveinn ert þú?

Ótímabær áramótabrenna hjá Strætó b.s.

Í fréttinni segir að mikill reykur hafi stigið upp af vagninum. Mér sýnist nú að þetta sé eldur sem stígur þarna upp.

En í öllum vélbúnaði getur ýmislegt gerst, neitsti hrokkið úr rafal eða olíurör gefið sig og runnið á útblástursgrein.

Málið er að það er mikill eldsmatur í plastinu og þá er það spurning hvort þetta sé ekki hönnunargalli, vélrarhúsið þyrfti að vera úr járni þannig að eldur næði sér ekki svona skart upp.

Aðalatriðið er að kaupa vandaða vagn í upphafi. Mig rekur minni til að þetta hafi áður gerst hjá verktökum Strætó að kviknað hafi í vagni.

Á verkstæði Strætó hafa alltaf unnið duglegir og samviskusamir fagmenn sem kunna sitt fag, en óhöppinn gera ekki boð á undan sér.Mikils um vert er að fylgjast með olíu smiti.

Strætó má ekki við miklum áföllum, því nóg hefur nú hvílt á starfsfólkinu undanfarið, en þar eru allir að vilja gerðir að standa sig.

Eldur í strætó